1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
34C/2016 EBAZPENA, maiatzaren 10ekoa, Politika Ekonomiko eta Enpresarialaren eta Lanaren zuzendari nagusiak emana, Iruñeko Fundación Navarra para la Tutela de las Personas Adultas izeneko fundazioaren hitzarmen kolektiboa aldatzen duen akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Iruñeko Fundación Navarra para la Tutela de las Personas Adultas izeneko fundazioaren hitzarmen kolektiboaren testua (kode zenbakia: 31100932012015) aztertu da, Erregistro honetan 2016ko maiatzaren 4an sartu zena eta enpresaren ordezkariek eta sindikatuen ordezkariek 2016ko otsailaren 12an izenpetu zutena, Langileen Estatutuari buruzko Legearen Testu Bategina onetsi zuen martxoaren 24ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2016ko maiatzaren 10ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
IRUÑEKO FUNDACIÓN NAVARRA PARA LA TUTELA DE LAS PERSONAS ADULTAS IZENEKO FUNDAZIOAREN HITZARMEN KOLEKTIBOAREN ALDAKETA (KODE ZENBAKIA: 31100932012015)
Iruñean, 2016ko otsailaren 12an, honako hauek bildu ziren:
Fundación Navarra para la Tutela de Personas Adultas ordezkatuz, Minerva Acedo Suberviola (NAN zk: 16559272-P).
–Langileen ordezkari gisa: Isabel Zamora Aznar andrea (ELA) (NAN zk.: 33422920-X).
ADIERAZTEN DUTE:
1.–2015eko uztailaren 3an sinatu zela Fundación Navarra para la Tutela de Personas Adultas izeneko fundazioaren lan hitzarmen kolektiboa, eta 2015eko 179. Nafarroako Aldizkari Ofizialean, irailaren 9an, argitaratu zela.
2.–Borondatea dutela bi ordezkaritzek “Lansarien ordainketa” izeneko hitzarmenaren 6.1 klausula aldatzeko, %5 igota Fundación Navarra para la Tutela de Personas Adultas izeneko fundazioan zuzendaritzakoak ez diren ordainsariak.
Honako hau ezartzen du klausula horrek:
Hileko oinarrizko soldata gordina:
Taldea | 1 | 1.805,84 euro |
Taldea | 2 | 1.559,00 euro |
Taldea | 3 | 1.090,41 euro |
Taldea | 4 | 965,44 euro |
Horregatik,
ERABAKI DUTE:
Bakarra.–2015eko 179. Nafarroako Aldizkari Ofizialean, irailaren 9an, argitaratu zen Fundación Navarra para la Tutela de Personas Adultas izeneko fundazioaren hitzarmen kolektiboaren 6.1 klausula aldatzea, honela idatzita uzteko:
Hileko oinarrizko soldata gordina:
Taldea | 1 | 1.896,13 euro |
Taldea | 2 | 1.636,95 euro |
Taldea | 3 | 1.144,93 euro |
Taldea | 4 | 1.013,71 euro |
Xedapen gehigarria.–Aldaketa honen ondoriozko eragin ekonomikoek 2016ko martxoaren 1ean hartuko dute indarra, atzerako eraginik gabe.
Dokumentu honetan hitzartutakoarekin guztiz bat datozela frogatu nahian, bi alderdiek sinatu dute adierazitako tokian eta egunean.
FNTPAren izenean, Minerva Aceo Suberviola.–Langileen izenean, Isabel Zamora Aznar.
Iragarkiaren kodea: F1605943
