1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Herritarrekiko eta Erakundeekiko Harremanetako kontseilariaren maiatzaren 24ko 15E/2016 Foru Aginduarena. Foru agindu horren bidez, “Udal esparruan euskara erabiltzeko eta sustatzeko laguntzak” izeneko diru-laguntzaren deialdia onetsi da.
Diru-laguntzak (http://www.pap.minhap.gob.es/bdnstrans/index). BDNS (identifikazioa): 308618.
Lehenengoa.
Onuradunak:
2016an udal esparruan euskararen erabilera eta hizkuntza horren aldeko gizarte sentsibilizazioa sustatzeko programak onetsi eta garatzen dituzten toki entitateak.
Bigarrena.
Xedea: oinarriak ezartzea, toki entitateek proposatutako jarduketa programei laguntzak emateko 2016an.
Hirugarrena.
Oinarri arautzaileak: honako honetan argitaratutako oinarriak aipatuko dira:
http://www.navarra.es/home_es/ServiciosEmpleado/ficha/16022/Ayudas-al-uso-y-promocion-del-euskera-en-el-ambito-municipal-2016.
Laugarrena.
Zenbatekoa: 300.000 euro.
Bosgarrena.
Eskaerak aurkezteko epea: eskabideak eta eskatutako dokumentazioa aurkezteko epea oinarri hauek Nafarroako Aldizkari Ofizialean argitaratu eta biharamunean hasiko da, eta 2016ko irailaren 5ean bukatuko.
Iruñean, 2016ko maiatzaren 24an.–Herritarrekiko eta Erakundeekiko Harremanetako kontseilaria, Ana Ollo Hualde.
Iragarkiaren kodea: F1607268