2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERROIBAR
Udal Planeko aldaketa, Aurizberriko 9. poligonoko 64.
lurzatiari dagokiona. Behin betiko onespena
Landa Garapeneko, Ingurumeneko eta Tokiko Administrazioko Departamentuko kontseilariak apirilaren 18an emandako 43E/2016 Foru Aginduaren bidez, behin betiko onetsi zen Erroibarko Udal Planean aldaketa egiteko espedientea, Aurizberriko 9. poligonoko 64. lurzatiari dagokiona, hura hiri lurzoruan sartu eta familia bakarreko 3 etxebizitza egiteko, Bernardo Urtasun Urrutia jaunak sustaturik. Hona hemen xedatutakoa:
UE 23 exekuzio unitatearen hirigintzako fitxa
1.–Lurzoru mota: hiri-lurzorua.
2.–Lurzoru kategoria: finkatu gabea.
3.–Erabilera orokorra: bizitegirakoa.
4.–Exekuzio unitateen mugak: UE 23 exekuzio unitatea.
5.–Unitatearen azalera: 2.876,20 m².
6.–Unitatearen hasierako azalera.
Lurzati pribatua: 2.361,77 m².
Bidea: 514,43 m².
7.–Hura osatzen duten lurzatiak:
Poligonoa 9.
Lurzatia 64.
Azalera: 2.361,77 m².
8.–Lurzatiaren mugak: Iparraldetik eta Mendebaldetik 9. lurzatiarekin, Ekialdetik publikoa den bidearekin eta Hegoaldetik 26. eta 10. lurzatiekin.
9.–Okupazioa: 0.25 m²/m².
10.–Eraikigarritasuna: 0.6 m²/m².
11.–Homogeneizazio koefizientea: eraikitako familia bakarreko edo binakako etxebizitzako m² bakoitzeko = 1.
12.–Gehienez ere eraiki ahal den azalera: 2.361,77 m² x 0.6 m²/m²=1.417 m² eraikiak.
13.–Batez besteko aprobetxamendua, un m²o azaleraren m² bakoitzeko, erabileraren eta eraikinen tipologia pormenorizatu eta homogeneizatuko unitateetan emana = familia bakarreko etxebizitza bakartuaren edo binakako etxebizitzaren m² 1 = AU 1; beraz, batez besteko aprobetxamendua 0,6 AU/ m² da.
14.–Bukaerako azalerak:
Lurzati pribatua: 1.749,00 m².
Lagatako azalera (eremu publikoa) 337,00 m².
Espaloiak eta aparkalekua: 260,00 m².
15.–Sailkapena.
Bizitegirakoa dentsitate txikikoa: 1.749,00 m².
Bidea: 530,20 m².
Eremu libre publiko berdea: 337,00 m².
Espaloia+aparkalekua : 260,00 m².
16.–Eraikinen baldintzak, morfologia eta tipologia: familia bakarreko etxebizitza bakartua edo binakakoa, bolumen bakarrean egina. Erroibarko Udalaren Planean ezarritako eraikitzeko ordenantzak beteko dituzte.
17.–Gehienez ere eraiki ahalko den azalera.
Gehieneko etxebizitza kopurua: familia bakarreko etxebizitza bakartu edo binakako 1 lurzati bakoitzean.
Solairu kopurua: sotoa + behekoa + 1 + solairuartea.
Gehieneko altuera: 7.5 m.
Ordenantzak: 2.
18.–Lerrokadurak eta sestrak: lurzatien gehieneko lerrokadurak = lurzatiaren mugatik 3 m, bidearen aurrean dagoen aldean izan ezik, horretan 2 m izango baita. Bide elementuei dagokienez (lurzatiaren aurreko aldeko espaloia eta aparkalekuak) planoetan ageri direnak aplikatuko dira.
19.–Bide publikoen, hiri-zerbitzuen, eremu libre publikoen eta ekipamenduen tokiko sistemen zehaztapena: memoriaren 6. puntuan ezarritakoak dira.
20.–Babes publikoaren menpe dagoen etxebizitzaren ehunekoa: 0%.
21.–Kudeaketa.
Jarduteko sistema: Konpentsazioa edo borondatezko birzatiketa.
Hirigintzako figurak: Jarduketa zuzena edo xehetasun azterlana.
Lagapenak edo eraikinak okupatzen ez duten azalera eremu libre pribatua edo etxebizitzetako lurzati pribatu gisa kontsideratuko da.
Dokumentazio grafikoa Erroibarko Udaleko artxiboan dagoen espedientean dago.
Erroibarren, 2016ko maiatzaren 25ean.–Alkatea, Enrique Garralda Erro.
Iragarkiaren kodea: L1607198
