1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Landa Garapeneko, Nekazaritzako eta Abeltzaintzako zuzendari nagusiaren maiatzaren 27ko 121E/2016 Ebazpenarena. Ebazpen horren bidez, nekazaritzako elikagaien artisautza enpresen elkarteei laguntzak emateko deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (Identifikazioa) 308455.
121E/2016 Ebazpena, maiatzaren 27koa, Landa Garapeneko, Nekazaritzako eta Abeltzaintzako zuzendari nagusiak emana, nekazaritzako elikagaien artisautza enpresen elkarteei laguntzak emateko deialdia onetsi eta haren oinarri arautzaileak ezartzen dituena.
10.000 euroko gastua baimendu da ebazpen horren ondoriozko konpromisoei aurre egiteko Nafarroako Foru Komunitatearen esparruan.
Diru-laguntza jaso dezakete “Nafarroako Artisautzako Elikagaiak” kalitateko bereizgarriaren babespeko produktuak sustatzeari eta merkaturatzeari lotutako jarduerek.
Onuradunak izaten ahal dira legez eratuta dauden eta egoitza Nafarroan duten irabazi-asmorik gabeko nekazaritzako elikagaien artisau-enpresen elkarteak, Nafarroako nekazaritzako elikagaien artisau-enpresen Erregistroan inskribaturik baldin badaude.
Laguntza hauek “de minimis” araubidearen menpean daude; araubide hori Batzordearen1407/2013 EE Erregelamenduan dago jasoa.
Diruz laguntzen ahal diren gastuen %50 izanen da diru-laguntzaren zenbatekoa.
Eskaerak aurkezteko epea 30 egunekoa izanen da, ebazpen hau Nafarroako Aldizkari Ofizialean argitaratzen denetik hasita.
Iruñean, 2016eko maiatzaren 27an.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1607245
