112. ALDIZKARIA - 2016ko ekainaren 10a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

174/2016 FORU AGINDUA, maiatzaren 23koa, Landa Garapeneko, Ingurumeneko eta Toki Administrazioko kontseilariak emana, apirilaren 1eko 104/2016 Foru Agindua aldatzen duena. Horren bidez, araubide orokorra ezartzen da Nekazaritza, ingurumen eta klimaren laguntzak (10. neurria) eta nekazaritza ekologikoarena (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude.

Nafarroako Landa Garapenerako 2014-2020ko Programak ondoko laguntzak biltzen dituzten neurriak hartzen ditu:

10. neurria.–Nekazaritza, ingurumena eta klima:

1. Hazitarako patataren nekazaritzako eta ingurumeneko ekoizpenerako laguntza.

2. Abeltzaintzako sistema jasangarriak, animaliak larratuz eta sistema estentsiboa zabalduz.

3. Nekazaritzako estepa habitatak hobetzea.

4. Nekazaritzako sistema mediterraneo jasangarriak zaintzea.

5. Galzorian dauden tokiko arrazak kontserbatu eta hobetzea.

11. neurria.–Produkzio ekologikoa:

1. Nekazaritza ekologikoaren metodo eta jarduketetara aldatzea.

2. Nekazaritza ekologikoaren metodo eta jarduketak mantentzea.

Landa Garapeneko, Ingurumeneko eta Toki Administrazioko kontseilariaren apirilaren 1eko 104/2016 Foru Aginduaren bidez, araubide orokorra ezartzen da Nekazaritza, ingurumen eta klimaren laguntzak (10. neurria) eta nekazaritza ekologikoarena (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude.

Foru agindu honen xedea da Landa Garapeneko, Ingurumeneko eta Toki Administrazioko kontseilariaren apirilaren 1eko 104/2016 Foru Agindua aldatzea; izan ere, 2016ko eta hurrengo urteetako kanpainetarako zenbait eragiketa eta neurri hautatzeko irizpideen puntuazio baremoak ezartzen dira, LGP 2014-2020ri dagozkionak.

Urtarrilaren 23ko 7/2013 Foru Dekretuan, Nekazaritza Bermatzeko Europako Funtsak (NBEUF) eta Nekazaritza Aldeen Garapenerako Nekazaritzaren Europako Funtsak (LGENF) finantzatutako gastuak ordaintzen dituen erakundea Nafarroako Foru Komunitatean baimendu, eta haren antolamendua eta funtzionamendua ezarri ziren. Foru dekretu horren azken xedapenetako bigarrenak ahalmena eman zion Landa Garapeneko, Ingurumeneko eta Toki Administrazioko kontseilariari, bere eskumenen barruan, behar diren xedapen guztiak emateko foru dekretua garatu eta betearazteko; bereziki, nekazaritzarako Europako funtsekin osorik edo hein batean finantzatzen diren diru-laguntzei buruzko arauak ezartzeko.

Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluak ematen dizkidan eskudantziak erabiliz,

AGINDU DUT:

Artikulu bakarra.–Landa Garapeneko, Ingurumeneko eta Toki Administrazioko kontseilariaren apirilaren 1eko 104/2016 Foru Agindua aldatzea. Horren bidez, araubide orokorra ezartzen da Nekazaritza, ingurumen eta klimaren laguntzak (10. neurria) eta nekazaritza ekologikoarena (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude.

1. I. kapituluaren 16 artikuluko 2. puntua aldatzen da, eta hemendik aurrera honela idatzita geldituko da:

2.–2016ko eta hurrengo urteetako kanpainetarako laguntzak kalkulatuko dira ondoko hautapen irizpideen baremazioa aplikatuz:

a) Natura 2000 Sarean dagoen azaleraren portzentajea.

%50 baino gehiago: 2 puntu.

0 eta 50 bitartean: puntu 1.

b) Ustiategiaren bataz besteko maldaren portzentajea:

%5 baino gutxiago: 5 puntu.

5 eta 10 bitartean: 4 puntu.

10 edo gehiago eta 20 baino gutxiago: 3 puntu.

20 edo gehiago eta 25 baino gutxiago: 2 puntu.

Eskaera batek laguntza jaso ahal izateko gutxieneko puntuazioa 2 puntukoa da; guztira 7 puntu dira.

Espedienteen puntuazioan berdinketarik gertatzen bada, b) irizpidea (“bataz besteko malda”) erabiliko da berdinketa hausteko. Berdinketak jarraituz gero, zozketa bidez erabakiko da.

2. II. kapituluaren 24 artikuluko 5. puntua aldatzen da, eta hemendik aurrera honela idatzita geldituko da:

5.–2016ko eta hurrengo urteetako kanpainetarako laguntzak kalkulatuko dira ondoko hautapen irizpideen baremazioa aplikatuz:

a) Naturaz mugatutako eskualdeetan dagoen ustiategiko azalaren portzentajea:

–Mendialdeko eta goiko mendialdeko eskualdeak, %100: 4 puntu.

–Mendialdeko eta goiko mendialdeko eskualdeak, %50 edo gehiago: 3 puntu.

–Mendialdeko eta goi mendialdeko eskualdeak, %50 baino gutxiago eta %70 edo gehiago (naturaz mugatutako eskualdeak): 2 puntu.

–Mendialdeko eta goi mendiko eskualdeak: %50 baino gutxiago; eta naturaz mugatutako eskualdeak: %10 edo gehiago eta %70 baino gutxiago: 1 puntu.

b) Natura 2000 sarearen barnean dagoen ustiategiko azalaren portzentajea.

%50 baino gehiago: 3 puntu.

20 edo gehiago eta 50 baino gutxiago: 2 puntu.

0 baino gehiago eta 20 baino gutxiago: 1 puntu.

c) Ustiategiaren abeltzaintzako karga.

0,4 AzLU/ha edo gehiago eta 0,6 baino gutxiago: 10 puntu.

0,6 AzLU/ha edo gehiago eta 0,8 baino gutxiago: 20 puntu.

0,8 AzLU/ha edo gehiago eta 1,1 baino gutxiago: 30 puntu.

1,1 AzLU/ha edo gehiago eta 1,3 baino gutxiago: 20 puntu.

1,3 AzLU/ha edo gehiago eta 1,5 baino gutxiago: 10 puntu.

Eskaera batek laguntza jaso ahal izateko gutxieneko puntuazioa 8 puntukoa da; guztira 37 puntu dira.

Espedienteen puntuazioan berdinketarik gertatzen bada, abeltzaintzako karga hartuko da kontuan berdinketa hausteko. Berdinketak jarraituz gero, zozketa bidez erabakiko da.

3. III. kapituluaren 32 artikuluko 2. puntua aldatzen da, eta hemendik aurrera honela idatzita geldituko da:

2.–2016ko eta hurrengo urteetako kanpainetarako laguntzak kalkulatuko dira ondoko hautapen irizpideen baremazioa aplikatuz:

a) Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartuaren portzentajea, hartutako guztizko azalera kontuan hartuta. Deialdi honen ondorioetarako soilik, Nafarroako Foru Komunitatean estepako hegaztiak zaintzeko intereseko eremuen barnean egonen dira katastroko ondoko poligonoetan dauden lehorreko lur goldagarriak: Aberin (4), Ablitas (2, 6, 7, 9, 11, 12, 13 eta 14), Allo (5 eta 6), Andosilla (1, 6 eta 11), Arellano (4), Arguedas (8, 10 eta 11), Errege Bardeak (denak), Berbintzana (4 eta 5), Cabanillas (6, 7, 8 eta 9), Caparroso (1), Carcar (2, 4, 6, 7 eta 10), Zarrakaztelu (16, 17 eta 18), Cascante (14, 15 eta 1), Castejón (5), Corella (13, 14, 15 y 16), Deikaztelu (9), Faltzes (5, 11, 14, 15, 16, 20 eta 21), Funes (7 eta 8), Fustiñana (1, 4, 5, 6, 7, 8, 10, 11 eta 12), Larraga (4, 5 eta 6), Lerin (1, 5, 6, 7, 8, 9 eta 11), Lodosa (8 eta 9), Los Arcos (13 eta 18), Lukin (3), Martzilla (7 eta 9), Mendabia (10, 11 eta 15), Miranda Arga (1 eta 2), Morentin (2), Erriberri (1, 2, 6 eta 12), Oteiza (1, 3 eta 4), Azkoien (5, 12, 13 eta 14), Sartaguda (2), Sesma (1, 4, 5, 3, 7 eta 10), Tafalla (9, 10, 11, 12, 13, 14 eta 15), Tutera (10, 11, 13, 14, 25, 26, 39, 40, 41, 42, 43, 44, 45, 46, 47, 48 eta 49), Valtierra (12) eta Villatuerta (4).

–Hartutako azaleraren %0 baino gehiago, %10era arte: 20 puntu.

–Hartutako azaleraren %10 baino gehiago, %25era arte: 30 puntu.

–Hartutako azaleraren %25 baino gehiago, %50era arte: 40 puntu.

–Hartutako azaleraren %50 baino gehiago, %100era arte: 50 puntu.

b) Neurriaren xedeko azalera handiena duen ustiategiaren azalera. Puntuazioa graduatuko da adierazten den moduan, gehienez ere 50 punturaino.

–Hartutako azaleraren 5 hektarea baino gehiago, 10era arte: 10 puntu.

–Hartutako azaleraren 10 hektarea baino gehiago, 15era arte: 20 puntu.

–Hartutako azaleraren 15 hektarea baino gehiago, 20ra arte: 30 puntu.

–Hartutako azaleraren 20 hektarea baino gehiago: (30 + 0,1 × S) puntu.

S = Neurriaren xedeko azalera (hektareak)

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Berdinketarik gertatuz gero, neurriaren xedeko azalera handiena hartuko da kontuan berdinketa hausteko. Berdinketak jarraituz gero, zozketa bidez erabakiko da.

4. IV. kapituluaren 40. artikulua aldatu da, eta honela geldituko da idatzita:

2016ko eta hurrengo urteetako kanpainetarako laguntzak kalkulatuko dira ondoko hautapen irizpideetako baremazioa aplikatuz:

a) Ustiategiaren lehorreko azaleraren portzentajea:

–%100: 5 puntu.

–80 edo gehiago eta 100 baino gutxiago: 4 puntu.

–50 edo gehiago eta 80 baino gutxiago: 3 puntu.

–20 baino gehiago eta 50 baino gutxiago: 2 puntu.

–0 baino gehiago eta 20 baino gutxiago: 1 puntu.

b) Ustiategiaren bataz besteko malden portzentajea:

–> %20: 4 puntu.

–15 edo gehiago eta 20 baino gutxiago: 3 puntu.

–10 baino gehiago eta 15 baino gutxiago: 2 puntu.

–0 baino gehiago eta 10 baino gutxiago: puntu 1.

c) Natura 2000 sarearen barnean dagoen ustiategiko azalaren portzentajea.

–%90 baino gehiago: 3 puntu.

50 edo gehiago eta 90 baino gutxiago: 2 puntu.

0 baino gehiago eta 50 baino gutxiago: 1 puntu.

d) Ustiategiko landaketen bataz besteko adina.

–70 urtetik gora: 18 puntu.

60 edo gehiago eta 70 baino gutxiago: 15 puntu.

40 edo gehiago eta 60 baino gutxiago: 10 puntu.

30 edo gehiago eta 40 baino gutxiago: 7 puntu.

Eskaera batek laguntza jaso ahal izateko gutxieneko puntuazioa 6 puntukoa da; guztira 30 puntu dira.

Espedienteen puntuazioan berdinketarik gertatzen bada, kontuan hartuko da ustiategiko landaketen bataz besteko adina berdinketa hausteko. Berdinketak jarraituz gero, zozketa bidez erabakiko da.

5. V. kapituluaren 48. artikuluko 3. puntua aldatzen da, eta hemendik aurrera honela idatzita geldituko da:

3.–2016ko eta hurrengo urteetako kanpainetarako laguntzak kalkulatuko dira ondoko hautapen irizpideen baremazioa aplikatuz:

a) Operaziorako definitutako arrazetako ugalketarako eme gutxien duen arraza: Euskal Txerria, Ahuntza piriniotarra, Sasi Ardia, Pottoka, Betizu, Nafarroako zaldizkoa, Auritz.

–1. arraza: 7 puntu.

–2. arraza: 6 puntu.

–3. arraza: 5 puntu.

–4. arraza: 4 puntu.

–5. arraza: 3 puntu.

–6. arraza: 2 puntu.

–7. arraza: 1 puntu.

b) Desagertzeko arriskuan dauden arrazetako 24 hilabetetik gorako UzLUren portzentajea (12 hilabete ardien eta ahuntzen kasuan), ustiategiko UzLU guztien gainean.

–> %50: 2 puntu.

–%20 edo gehiago eta %70 baino gutxiago: 1 puntu.

Eskaera batek laguntza jaso ahal izateko gutxieneko puntuazioa 2 puntukoa da; guztira 9 puntu dira.

Espedienteen puntuazioan berdinketarik gertatzen bada, kontuan hartuko da 24 hilabetetik gorako abereen portzentajea berdinketa hausteko. Berdinketak jarraituz gero, zozketa bidez erabakiko da.

6. III. tituluaren 56 artikuluko 4. puntua aldatzen da, eta hemendik aurrera honela idatzita geldituko da:

4.–2016ko eta hurrengo urteetako kanpainetarako laguntzak kalkulatuko dira ondoko hautapen irizpideen baremazioa aplikatuz:

a) Nekazaritzan erabilitako nitratoek ura kutsatzeko arriskua duten eremuen barnean dagoen ustiategiko azaleraren portzentajea.

–%50 baino gehiago: 3 puntu.

–20 edo gehiago eta 50 baino gutxiago: 2 puntu.

–0 baino gehiago eta 20 baino gutxiago: 1 puntu.

b) Natura 2000 sarearen barnean dagoen ustiategiko azalaren portzentajea.

–%50 baino gehiago: 3 puntu.

–20 edo gehiago eta 50 baino gutxiago: 2 puntu.

–0 baino gehiago eta 20 baino gutxiago: 1 puntu.

c) Ustiategiko bataz besteko NLU/ha, landaketa intentsiboagoak dituzten azalerak neurtzen dituena.

–2 NLU/ha edo gehiago: 7 puntu.

–0,2 edo gehiago eta 2 baino gutxiago: 6 puntu.

–0,05 edo gehiago eta 0,2 baino gutxiago: 5 puntu.

–0,02 edo gehiago eta 0,05 baino gutxiago: 4 puntu.

–0,01 baino gehiago eta 0,02 baino gutxiago: 3 puntu.

–0,005 edo gehiago eta 0,001 baino gutxiago: 2 puntu.

–0 baino gehiago: 1 puntu.

Eskaera batek laguntza jaso ahal izateko gutxieneko puntuazioa 3 puntukoa da; guztira 13 puntu dira.

Espedienteen puntuazioan berdinketarik gertatzen bada, kontuan hartuko da c) irizpidea “Oso landaketa intentsiboak dituzten azalerak, NLU/ha-tan neurtutako intentsitate graduaren arabera”, berdinketa hausteko. Berdinketak jarraituz gero, zozketa bidez erabakiko da.

Azken xedapen bakarra.–Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra. Arau hau 2016ko otsailaren 1etik aurrera aurkeztu diren laguntzen eskaerei aplikatuko zaie.

Iruñean, 2016ko maiatzaren 23an.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.

Iragarkiaren kodea: F1606515