2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Oleta kaleko 1eko xehetasun azterlanaren testu bategina.
Behin betiko onespena
Tafallako Udalak, 2016ko apirilaren 25ean egindako bilkura arruntean, behin betiko onetsi zuen xehetasun azterlana URM-12 unitateko 48. lurzatian (Oleta kalea 1, 35. poligonoa, 710. lurzatia), María Pilar Zubiri Berangok sustatua, 2016ko apirilaren 7an, 1.827. erregistro sarrerarekin, familia anitzeko etxebizitza sar dadin baimendutako eraikitze tipologietan, gaur egun ezarria dagoen familia bakarreko isolatuez gainera.
Argitara ematen da, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.1 artikuluan 76. eta 74. artikuluei dagokienez xedatuari jarraikiz.
Onesteko egintzaren kontra ondotik ematen diren errekurtsoak aurkezten ahalko dituzte administrazio publiko ez diren interesdunek, haren edukia Nafarroako Aldizkari Ofizialean argitaratzen denetik:
–Berraztertzeko errekurtsoa, hautara, erabakia hartu duen organoari berari zuzendua, hilabeteko epean, erabakia jakinarazi eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik aitzina.
–Administrazioarekiko auzi-errekurtsoa, Nafarroako Administrazioarekiko Auzien Epaitegiari zuzendua, bi hilabeteko epean, erabaki hau jakinarazi eta biharamunetik aitzina.
Onetsitako hirigintza araudiaren kontra administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, edukia Nafarroako Aldizkari Ofizialean argitaratu eta bi hilabeteko epean, dagokion udalak eskaturik.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Tafallan, 2016ko maiatzaren 10ean.–Alkate udalburua, Arturo Goldaracena Asa.
eranskina
Xehetasun Azterlana (PDF).
Iragarkiaren kodea: L1605970