2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOBEITI
Laburpena, GKEendako diru-laguntzen 2016ko deialdiarena
Oharra: Testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (Identifikazioa): 307900.
GKEendako diru-laguntzen 2016ko deialdia.
Berriobeitiko Udalak, 2016ko apirilaren 5ean egin osoko bilkuran, Diru-laguntzen gaineko ordenantza orokorraren 9. eta 10. artikuluetan ezarritakoarekin bat, eta GKEendako udal diru-laguntzak arautzen dituen udal ordenantzaren 4. artikuluarekin bat, deialdia onetsi zuen, GKEendako diru-laguntzak emateko oinarritzat hartuko diren baldintzak ezarri dituena.
Eskaerak non eta noiz aurkeztu:
Interesa duten erakundeek eskabidea bete behar dute, deialdi honi erantsitako eredu normalizatuan, eta haren legezko ordezkariak sinatu behar du.
Eskaerak aurkezteko epea hilabete izanen da, deialdia Nafarroako Aldizkari Ofizialean argitaratu eta biharamunetik hasita. Ordenantza honen 3. eta 5. oinarrietan aipatutako agiriak eta informazioak aurkeztuko dira eskabideekin batera.
Eskaerak aurkezteko epea ezin izanen da luzatu.
Aurkeztutako eskaerak ez baditu betetzen ordenantzan ezarritako betekizunak eta horrekin batera ez badira aurkeztu ordenantzan ezarritako agiriak, erakunde interesdunari eskatuko zaio gehienez ere hamar eguneko epe luzaezinean zuzen dezala, eta ohartaraziko zaio hala egin ezean eskaera bertan behera utzi duela ulertuko dela, betiere aldez aurretik ebazpena emanen dela, Herri Administrazioen Araubide Juridikoari eta Administrazio Prozedura Erkideari buruzko Legearen 71. artikuluak aurreikusitakoarekin bat.
Eskaerak Berriobeitiko Udaleko erregistro orokorrean aurkez daitezke.
Berriobeitin, 2016ko ekainaren 1ean.–Kontu-hartzailea, sinadura ulertezina.
Iragarkiaren kodea: L1606873