2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LESAKA
Hirigintzako ordenantzen aldaketa, irisgarritasuna errazteko eta energia-eraginkortasunerako. Hasierako onespena
2016ko maiatzaren 30ean Lesakako Udalak eginiko osoko bilkuran, honako erabaki hauek hartu dira, bertzeak bertze:
1. Hasiera batean onestea, Nasuvinsak eman duen txostenean ageri den idazkerarekin, Hirigintzako Araudi Orokorreko 39. artikuluaren aldaketa eta Eraikuntzako Ordenantzaren 72., 77., 80. eta 85. artikuluena.
2. Espedientea jendaurrean ikusgai edukitzea hilabetez, Nafarroako Aldizkari Ofizialean eta Foru Komunitatean editatzen diren egunkarietan argitaraturiko iragarkien bidez. Behin aldaketa behin betiko onesten denean, Nafarroako Aldizkari Ofizialean argitaratuko da aipatu artikuluen testu osoa.
Lesakan, 2016ko maiatzaren 31n.–Alkatea, Jose Luis Echegaray Andueza.
Iragarkiaren kodea: L1606648