1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Turismo eta Merkataritzako zuzendari nagusiak maiatzaren 13an emandako 222E/2016 Ebazpenarena. Ebazpen horren bidez, txikizkako merkataritza enpresen lehiakortasuna hobetzeko diru-laguntzen 2016ko deialdia onesten da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/GE/eu/index): BDNS (identifikazioa): 306714.
Lehendabizikoa.–Onuradunak.
Txikizkako merkataritzan aritzen diren ETEak, haien negozio jarduera nagusia, Jarduera Ekonomikoen 2009ko Sailkapen Nazionalaren arabera, 47.11 taldetik 47.79 taldera bitartean sartuta badago, biak barne.
Bigarrena.–Xedea.
Nafarroan txikizkako merkataritzan aritzen diren ETEen lehiakortasuna handitzea eta egungo enpresa-ehuna sendotzea. Horretarako, inbertsioak egiteko laguntzak emanen dira, enpresen azpiegiturak hobetzeko, saltegiak egokitzeko eta beren kudeaketa sistemak hobetzeko.
Hirugarrena.–Oinarri arautzaileak.
222E/2016 Ebazpena, maiatzaren 19koa, Turismo eta Merkataritzako zuzendari nagusiarena.
Laugarrena.–Zenbatekoa.
Deialdi honen ondoriozko konpromisoei erantzuteko guztira baimendutako gastua 670.000 eurokoa da. Horietatik, 620.000 euro modernizazio eta eraberritze proiektuetako inbertsioetarako izanen dira, eta 50.000 euro berariazko proiektuetako inbertsioetarako.
Bosgarrena.–Eskaerak aurkezteko epea.
Eskaerak aurkezteko epea hiru hilabetekoa da, deialdi hau Nafarroako Aldizkari Ofizialean argitaratu eta biharamunetik hasita.
Iruñean, 2016ko maiatzaren 19an.–Turismo eta Merkataritzako zuzendari nagusia, Maitena Ezkutari Artieda.
Iragarkiaren kodea: F1606302