107. ALDIZKARIA - 2016ko ekainaren 3a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ANTSOAIN

Aldaketa datu pertsonalen fitxategietan

Ander Andoni Oroz Casimiro Antsoaingo Udaleko alkate udalburuak, datako egunean, ebazpen hau eman du, datu pertsonalen fitxategien arauketa aldatzeko.

Uztailaren 28ko 26/2015 Legeak, Haurren eta nerabeen babesari buruzko Legea aldatzen duenak, ezartzen du adingabeekin harreman zuzena daukaten profesionalek Sexu delitugileen Erregistro Zentralaren ziurtagiri negatibo bat aurkeztu beharko dutela. Hortaz, entitate honetako “Langileen kudeaketa” fitxategia aldatu behar da, datu hori sartzeko, fitxategi horretan jaso beharreko datuen artean.

Espainiako Konstituzioaren 140. artikuluak Toki Administrazioari onartzen dizkion autonomia eta antolatzeko gaitasuna direla bide, eta Toki Araubidearen Oinarriak arautzen dituen apirilaren 2ko 7/1985 Legearen 21. artikuluan udal gobernua eta administrazioa zuzentzeko emandako eskudantziekin bat,

EBATZI DUT:

1. Datuak Babesteko Espainiako Agentziaren erregistro orokorrean inskribaturik dagoen “Udalaren langileak” fitxategian jasotzen diren datuen ezaugarriak aldatzea, eta fitxategia honela gelditzea:

FITXATEGIAN BILDUTAKO DATUEN EZAUGARRIAK

IDENTIFIKAZIO DATUAK

Izen-deiturak

NAN/IFZ

Helbidea

Telefonoa eta faxa

Gizarte Segurantzaren zenbakia

EZAUGARRI PERTSONALAK

Familiaren datuak

Jaioteguna

Jaioterria

Sexua

BEREZIKI BABESTUAK

Osasuna

DATU AKADEMIKO ETA PROFESIONALAK

Prestakuntza/tituluak

Laneko esperientzia

ENPLEGUAREN XEHETASUNAK

Kidegoa/Maila

Nominako datu ez ekonomikoak

Lanpostukoa

Langilearen historiala

DATU EKONOMIKO FINANTZARIOAK

Diru-sarrerak/errentak

Bankuko datuak

Nominako datu ekonomikoak

Zerga kenkariak

Aseguruak

BESTELAKO DATUAK

Sexu delituen gaineko aurrekarien ziurtagiri negatiboa.

Udalaren fitxategiko datu pertsonalak, atal honetan aipatu direnak, berariaz ezarri zaizkien xedeetarako baizik ez dituzte erabiliko baimena duten langileek.

2. Ebazpen hau Nafarroako Aldizkari Ofizialean argitaratzeko agintzea, behar diren ondorioak izan ditzan, DBLOaren 1. xedapen gehigarriaren 20. artikuluarekin bat (abenduaren 13ko 15/1999 LO).

3. Ebazpen honen lehen atalean agertzen den fitxategiaren arauketa inskribatzea Datuak Babesteko Espainiako Agentziako Datuak Babesteko Erregistro Orokorrean.

Ebazpen honen kontra, errekurtso hauetako bat aurkez daiteke, hautara:

a) Berraztertzeko errekurtsoa, egintzaren organo egile berari zuzendua, hilabeteko epean, ebazpen hau jakinarazi eta biharamunetik hasita.

b) Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, ebazpen hau jakinarazi eta biharamunetik aitzina, edo bertzenaz

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik aitzina.

Antsoainen, 2016ko maiatzaren 5ean.–Alkate udalburua, Ander Andoni Oroz Casimiro.

Iragarkiaren kodea: L1605659