1. NAFARROAKO FORU KOMUNITATEA
1.7. BESTELAKOAK
GARAPEN EKONOMIKORAKO DEPARTAMENTUA. Jendaurreko informazioa, Mina Muga azpiestazio elektrikoaren eta 66 kV-eko linea elektrikoaren aurretiazko administrazio baimenaren eta eraikitzeko administrazio baimenaren eskaerari buruzkoa, potasa meatzari hornidura elektrikoa egiteko, Zangozako udal mugapean (SAT10690).
Sektore Elektrikoari buruzko abenduaren 26ko 24/2013 Legean eta energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan eta hurrengoetan aurreikusitako ondorioetarako, jendaurrean jartzen da honako instalazioaren aurretiazko administrazio baimenaren eta eraikitzeko administrazio baimenaren eskaera:
Espedientea: SAT10690.
Eskatzailea: Geoalcali, S.L.
Instalazioaren xedea: hornidura elektrikoa ematea Zangozako udal mugapean dagoen potasa meatzari.
Tokia: Zangozako udal mugapea.
Ezaugarri teknikoak:
–66 kV-eko linea elektrikoa (Zangoza STR-Mina Muga STA):
- 1. azpitartea: lur azpiko linea, zirkuitu sinplekoa, 30 metrokoa. Zangoza STR-ren kokaleku berria du hasiera, eta bukaera, berriz, 00.01 euskarri berria.
- 2. azpitartea: aireko linea, zirkuitu sinplekoa, 151 metrokoa. 00.01 euskarri berria du hasiera, eta bukaera, berriz, 00.02 euskarri berria.
- 3. azpitartea: lur azpiko linea, zirkuitu bikoitzekoa, 600 metrokoa. 00.02 euskarri berria du hasiera, eta bukaera, berriz, 00.04 euskarri berria.
- 4. azpitartea: aireko linea, zirkuitu bikoitzekoa, 4.199 metrokoa. 00.02 euskarri berria du hasiera, eta bukaera, berriz, 00.27 euskarri berria.
- 5. azpitartea: lur azpiko linea, zirkuitu bikoitzekoa, 190 metrokoa. 00.27 euskarri berria du hasiera, eta bukaera, berriz, Mina Muga STA.
–Mina Muga transformazioko azpiestazio elektrikoa, 66/20 kV, 2x50 MVA. 66 kV-eko sistema, honako honekin: lineako sarreraren bi posizio, irteeraren bi posizio, barrak lotzeko posizio bat, eta transformadorearen bi posizio. 20 kV-eko sistema eraikinaren barrenean. Kontrol sistemak eta babesak.
Aurrekontua: 5.411.993,23 euro.
Aditzera ematen da orok jakin dezan eta 20 egun balioduneko epean, iragarki hau argitaratu eta biharamunetik aurrera, edozein interesdunek kontsultatzeko aukera izan dezan instalazioa gauzatzeko proiektuaz Energiaren, Meatzaritzaren eta Industria Segurtasunaren Zerbitzuan (Tomás Caballero parkea, 1, 5. solairua, 31005, Iruña). Hara, halaber, zuzenduko dira bidezkotzat jotzen diren alegazioak.
Iruñean, 2016ko apirilaren 28an.–Energiaren, Meatzaritzaren eta Industria Segurtasunaren Zerbitzuko zuzendaria, Jesús Lasa Equiza.
Iragarkiaren kodea: F1605269