1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Eskubide Sozialetako kontseilariak maiatzaren 9an emandako 18E/2016 Foru Aginduarena. Horren bidez, Gizarte larrialdietarako laguntzak emateko toki entitateentzako diru-laguntzen deialdia onesten da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/GE/eu/index): BDNS (identifikazioa): 306543.
Lehendabizikoa.–Onuradunak: Nafarroako Foru Komunitateko Oinarrizko Gizarte Zerbitzuen titular diren toki entitateak.
Bigarrena.–Xedea: gauzatzen laguntzea Gizarte Zerbitzu Oinarrizkoei gizarte larrialdietako laguntza programak, eskasia ekonomikoak edo/eta sozio-sanitarioak dituzten pertsonentzat direnak, zailtasun handiak dituztelako ostatu, energia, nutrizio, osasun eta hezkuntza arloko oinarrizko beharrak presaka eta berehala asetzeko.
Hirugarrena.–Oinarri arautzaileak: 18E/2016 Foru Agindua, maiatzaren 9koa, Eskubide Sozialetako Departamentuko kontseilariak emana, “Gizarte larrialdietarako laguntzak emateko toki entitateentzako diru-laguntza” izeneko deialdia onesten duena.
Laugarrena.–Zenbatekoa: deialdiak 2.000.000,00 euroko kreditua du.
Bosgarrena.–Eskaerak aurkezteko epea: eskaerak aurkezteko epea 10 egun baliodunekoa izanen da, maiatzaren 9ko 18E/2016 Foru Agindua Nafarroako Aldizkari Ofizialean argitaratu eta biharamunetik hasita.
Iruñean, 2016ko maiatzaren 9an.–Eskubide Sozialetako Departamentuko kontseilaria, Miguel Laparra Navarro.
Iragarkiaren kodea: F1606230
