1. NAFARROAKO FORU KOMUNITATEA
1.7. BESTELAKOAK
144/2015 EBAZPENA, apirilaren 29koa, Toki Administrazioko zuzendari nagusiak emana, Bakedaoko (Nafarroa) sifoian aldaketa egiteko proiektua eta haren ondoriozko obrek ukitutako ondasun eta eskubideen zerrenda jendaurrean jartzen dituena.
Nafarroako Toki Azpiegiturak, S.A. (NILSA) enpresak, Ameskoabarreneko Udalarekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala ‘’Bakedaoko (Nafarroa) sifoian aldaketa egitea’’ izeneko proiektua eta hark ukitutako ondasun eta eskubideen zerrenda.
Udalaren zerbitzu publikoa denez, eta Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokian tokiko obren eta zerbitzuen proiektuak onesteak berarekin dakar onura publikoaren deklarazioa eta hartzen dituzten ondasunak okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen uztailaren 25eko 70/2012 Foru Dekretuak esleitu dizkidan eskudantziak erabiliz,
EBATZI DUT:
1. Hamabost egunez jendaurrean jartzea “Bakedaoko (Nafarroa) sifoian aldaketa egitea” izeneko proiektua eta hark ukitutako ondasun eta eskubideen zerrenda, hemen ondotik ematen dena, proiektuak ukitutakoek egokiak iruditzen zaizkien alegazioak aurkeztu eta argitaratzen den zerrendan egindako akatsak zuzentzeko behar diren datuak, idatziz, eman ditzaten, Toki Administrazioko Zuzendaritza Nagusian (Arrieta kalea, 12 - 3. solairua, 31002 Iruña) eta Ameskoabarreneko Udaletxean, Zudairin baitago. Bi leku horietan proiektuaren kopia bat eta lurzatien planoak izanen dira eskuragarri.
2. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean, Foru Komunitateko egunkari batean eta Ameskoabarreneko Udaletxeko iragarki oholean argitaratuko da.
Iruñean, 2015eko apirilaren 29an.–Toki Administrazioko zuzendari nagusia, Francisco Pérez Arregui.
Bakedaoko (Nafarroa) sifoian aldaketa egitea Ukitutako ondasun eta eskubideen zerrenda |
FINKAREN KODEA | TITULARRA/K | JARDUKETA | ZORTASUNA | ERREGISTROAK | ALDI BATERAKO OKUPAZIOA | BEHIN BETIKO OKUPAZIOA | BEHIN-BEHINEKO ZORTASUNA | BEHIN-BEHINEKO ERREGISTROA | POL. | LURZ. | LUR MOTA |
m.l. | m² | Un. | m² | m² | m² | m.l. | m² | Un. | m² |
(BA-01) | Bakedaoko Kontzejuaren herrilurrak La Fuente, 25 31272 Bakedao (Nafarroa) | SA | 199 | 597 | 4 | 12 | 813 | 46 | 63 | 189 | 1 | 2 | 7 | 445 | Basoa-Larreak |
Laburdurak: J: jarduketa; SA: saneamendua; Behin betiko okup.: behin betiko okupazioa jabari osoan; Aldi baterako okup.: aldi baterako okupazioa; Pol.: poligonoa; Lurz.: lurzatia. F1506577 |
Iragarkiaren kodea: F1506577