1. NAFARROAKO FORU KOMUNITATEA
1.7. BESTELAKOAK
169/2015 EBAZPENA, apirilaren 15ekoa, Industriaren, Energiaren eta Berrikuntzaren zuzendari nagusiak emana, aurretiko administrazio baimena ematen duena 2015ean Nafarroako Foru Komunitateko zenbait udalerri eta hirigunetan gas natural kanalizatuaren sareak hedatzeko.
Gas Navarra, S.A. enpresak, Gas erregaien banaketari eta erabilerari buruzko erregelamendu teknikoaren (uztailaren 28ko 919/2006 Errege Dekretuaren bidez onetsiaren) ITC-ICG 01eko 2. artikuluan ezarritakoa betez, baimena eskatu du Nafarroako Foru Komunitateko ondoko udalerri eta hiriguneetan gas natural kanalizatuaren sareak hedatzeko 2015. urtean: Ablitas, Oibar, Allo, Altsasu, Andosilla, Antsoain, Berriobeiti, Agoitz, Aranguren, Arbizu, Arguedas, Arroitz, Artaxoa, Aiegi, Azagra, Barañain, Baztan, Bera, Berbintzana, Beriain, Berriozar, Bertizarana, Buñuel, Burlata, Cabanillas, Cadreita, Caparroso, Cárcar, Zarrakaztelu, Cascante, Kaseda, Castejón, Cintruénigo, Zizur, Corella, Cortes, Doneztebe, Eguesibar, Lizarra, Esteribar, Etxarri Aranatz, Ezkabarte, Faltzes, Fitero, Fontellas, Funes, Fustiñana, Galar, Uharte, Igantzi, Irurtzun, Iturmendi, Itza, Lakuntza, Larraga, Leitza, Lerin, Lesaka, Ledea, Lodosa, Los Arcos, Irunberri, Martzilla, Mélida, Mendabia, Milagro, Miranda Arga, Monteagudo, Murchante, Murillo el Fruto, Noain, Olazti, Erriberri, Oltza, Orkoien, Oteitza, Iruña, Azkoien, Gares, Ribaforada, San Adrián, Zangoza, Santakara, Sartaguda, Sesma, Sunbilla, Tafalla, Tebas-Muru Artederreta, Tutera, Tulebras, Uharte Arakil, Urdiain, Valtierra, Viana, Alesbes, Villatuerta, Atarrabia, Ziordia, Zizur Nagusia.
Eskaera hori jendaurrean jarri zen iragarkia paratuz 2014ko 40. Nafarroako Aldizkari Ofizialean, otsailaren 27koan, eta “Diario de Navarra” nahiz “Diario de Noticias” egunkarietan 2015eko otsailaren 27an. Epe horretan ez da alegaziorik aurkeztu.
Proiektuaren oinarrizko datuak honako hauek dira:
Aurreikusitako instalazioak egungo gas naturalaren sareen hedapenak dira, 2015. urteari dagozkionak, eta Gas Navarra S.A.k proiektatu ditu. Haien MOPa 5 bar-ekoa da, edo txikiagoa, eta ez dira bertan sartu berariazko proiektua izan duten edo izanen duten sareak.
Sare horiek 19.676 metroko luzera dute, guztira.
Aurrekontua: milioi bat bostehun eta hogeita hiru mila laurehun eta hamabost euro eta hirurogeita hamar zentimo. (1.523.415,70 euro).
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz,
EBATZI DUT:
1. Gas Navarra, S.A. enpresari baimena ematea aipatu diren udalerri eta hiriguneetan gas natural kanalizatuaren sareak hedatzeko instalazioak gauzatzeko 2015. urtean.
2. Gas Navarra, S.A.k, 2016ko lehen hiruhilekoan, 2015ean egindako lanen dokumentazio teknikoa jasotzen duen proiektua aurkeztuko du zuzendaritza nagusi honetan, bakoitza zerbitzuan jartzeko eguna zehaztuta.
3. Baimena baldintza hauetara egokituko da:
Lehena.–Enpresak bi hilabeteko epean 30.468,31 euroko bermea jarri beharko du, espedientean agertzen diren instalazioen aurrekontuaren %2a, bere eginbeharrak beteko dituela ziurtatzeko. Bermea Nafarroako Gobernuko Ekonomia, Ogasun, Industria eta Enplegu Departamentuan jarri beharko da eta instalazioak abian jartzeko akta egin ondoren itzuliko zaio enpresari.
Bigarrena.-Enpresak Hidrokarburoen Sektoreari buruzko Legeko 74. artikuluan eta bereziki d) idatz-zatian aipatzen diren eginbeharrak beteko ditu. Artikulu horren indarrez Gas Navarra, S.A. beharturik dago hornidura ematera eta behar diren hedakuntzak egitera, baimen honen eremu geografikoaren barreneko edozein eskatzailek zerbitzua eskatuz gero.
Hirugarrena.–Baimenaren titularrak abenduaren 27ko 1434/2002 Errege Dekretuaren 10. artikuluan aipatzen diren eskubideak eta baldintzak izanen ditu, banatzailea den aldetik. Dekretu horren bidez arautzen dira gas naturala garraiatu, banatu eta merkaturatzeko jarduerak eta instalazioak baimentzeko prozedurak.
Laugarrena.–Baimen hau ematen bada ere, ez dira alde batera utzi behar aplikatzekoak diren bestelako xedapenak, sektoreko legeria eta, bereziki, lurraldearen antolamenduari eta ingurumenari buruzkoa kontuan izanik beharrezkoak diren kontzesioak eta baimenak.
4. Ebazpen hau Gas Navarra S.A.ri jakinaraztea (Gipuzkoako etorbidea, 40, 1. solairua; 31012 Iruña), eta ohartaraztea administrazio bidea amaitzen ez duen ebazpen honen aurka gora jotzeko errekurtsoa jar daitekeela, Ekonomia, Ogasun, Industria eta Enpleguko kontseilariari zuzendua, hilabeteko epean, jakinarazi eta biharamunetik aurrera. Hartan espediente zenbakia adierazi beharko da.
5. Ebazpen hau Nafarroako Aldizkari Ofizialean argitaratzea, denek jakin dezaten.
Iruñean, 2015eko apirilaren 15ean.–Industriaren, Energiaren eta Berrikuntzaren zuzendari nagusia, Iñaki Morcillo Irastorza.
Iragarkiaren kodea: F1505757
