Iragarkia

87. ALDIZKARIA - 2015eko maiatzaren 7a

1. NAFARROAKO FORU KOMUNITATEA

1.7. BESTELAKOAK

148/2015 EBAZPENA, apirilaren 23koa, Hezkuntzaren, Lanbide Heziketaren eta Unibertsitateen zuzendari nagusiak emana. Honen bidez aldatzen da Hezkuntzaren, Lanbide Heziketaren eta Unibertsitateen zuzendari nagusiaren martxoaren 18ko 98/2015 Ebazpena; haren bidez hainbat jarraibide, egutegi eta eskabide eredu onetsi ziren, ikasleak onartzeko prozedurarako, Nafarroako Foru Komunitateko ikastetxe publikoetako eta pribatu itunduetako Derrigorrezko Bigarren Hezkuntzarako, Batxilergorako, erdi eta goi mailako heziketa zikloetarako eta goi mailako heziketa zikloetan sartzeko prestakuntza ikastarorako, 2015-2016 ikasturterako.

Akatsa atzeman da Hezkuntzaren, Lanbide Heziketaren eta Unibertsitateen zuzendari nagusiaren martxoaren 18ko 98/2015 Ebazpenean; haren bidez hainbat jarraibide, egutegi eta eskabide eredu onetsi ziren, ikasleak onartzeko prozedurarako, Nafarroako Foru Komunitateko ikastetxe publikoetako eta pribatu itunduetako Derrigorrezko Bigarren Hezkuntzarako, Batxilergorako, erdi eta goi mailako heziketa zikloetarako eta goi mailako heziketa zikloetan sartzeko prestakuntza ikastarorako, 2015-2016 ikasturterako. Hortaz, bidezko da matrikulatu ez diren ikasleak baztertzeko data zuzentzea, baita egun horrekiko korrelatiboak diren datak ere, epe arruntaren ondoren ikaspostu hutsak esleitzeko prozeduran.

Hezkuntzako Ikuskapen Zerbitzuak aldeko txostena aurkeztu du, Hezkuntzaren, Lanbide Heziketaren eta Unibertsitateen zuzendari nagusiaren martxoaren 18ko 98/2015 Ebazpena aldatzeko, hain zuzen ere II. eranskina (Egutegia) aldatzeko, “ikaspostu hutsak esleitzeko prozedura epe arruntaren ondoren” dioen atalean, zehazki esleitutako ikaspostuan matrikulatu gabeko ikasleak baztertzeko data, eta horrekiko korrelatiboak direnak.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Martxoaren 18ko 98/2015 Ebazpenaren II. eranskina aldatzea, “ikaspostu hutsak esleitzeko prozedura epe arruntaren ondoren” dioen atala. Beraz, deialdia honela idatzita gelditu da:

2. Ebazpen hau Nafarroako Aldizkari Ofizialean argitaratzea.

3. Ebazpen hau eta eranskinak igortzea Antolamenduaren eta Aukera Berdintasunaren Zerbitzuari, Hezkuntzako Ikuskapen Zerbitzuari, Hizkuntzen eta Arte Ikasketen Zerbitzuari, Lanbide Heziketaren Zerbitzuari, Baliabide Ekonomikoen Zerbitzuari, Hezkuntzako Azpiegituren Zerbitzuari, Hezkuntzako Parte-hartzearen, Irakasleentzako Arretaren eta Informazioaren eta Komunikazioaren Teknologien Zerbitzuari eta Nafarroako Eskolatze Batzorde Nagusiari, behar diren ondorioak izan ditzaten.

4. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

Iruñean, 2015eko apirilaren 23an.–Hezkuntzaren, Lanbide Heziketaren eta Unibertsitateen zuzendari nagusia, David Herreros Sota.

Iragarkiaren kodea: F1506370