1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
EBAZPENA, 2015eko martxoaren 20koa, Arriskuen Prebentziorako eta Lanaren zuzendari nagusiak emana, Iruñeko Lan arloko 2. Epaitegiaren 2014ko abenduaren 30eko epaiaren epaitza erregistratu, gorde eta Nafarroako Aldizkari Ofizialean argitaratzea erabakitzen duena.
Ikusita Iruñeko Lan arloko 2. Epaitegiaren 2014ko abenduaren 30eko epaiaren epaitza, zein eman baita ELA sindikatuak eskaturik ANEM eta APMEN enpresa elkarteen, UGT, CCOO eta LAB sindikatuen eta Fiskaltzaren kontra bideratu den 1383/2013 prozeduran, Nafarroako industria siderometalurgikoaren sektoreko lan-hitzarmen kolektiboa aurkaratzeko (kode zenbakia: 31006805011981, 2013ko 178. Nafarroako Aldizkari Ofizialean argitaratua, irailaren 16an), Lan arloko Jurisdikzioari buruzko urriaren 10eko 36/2011 Legearen 166.3 artikuluan xedatuarekin bat.
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Epai horren epaitza Nafarroako Aldizkari Ofizialean argitara dadila agintzea, orok jakin dezan.
Iruñean, 2015eko martxoaren 20an.–Arriskuen Prebentziorako eta Lanaren zuzendari nagusia, Imelda Lorea Echavarren.
EPAIAREN EPAITZA
Partez baiesten dut ELA sindikatuak Asociación Navarra de Empresarios del Metal (ANEM) eta Asociación de la Pequeña y Mediana Empresa del Metal de Navarra (APMEN) enpresa elkarteen kontra, UGT (industria federazioa), CCOO (industria federazioa) eta LAB sindikatuen kontra eta Fiskaltzaren kontra hitzarmen kolektiboaren aurkaratzeko sustatutako jarduketa hauen sorrera izan zen demanda, eta, horrenbestez, Nafarroako industria siderometalurgikoaren sektoreko lan-hitzarmen kolektiboko ondoko aurreikuspen hauek baliorik gabe deklaratzen ditut (2015eko irailaren 16ko Nafarroako Aldizkari Ofiziala):
–25. artikulua (kaleratze kolektiboak): “Langileek ez badituzte haien ordezkariak izendatzen Langileen Estatutuaren 41.4 artikuluan ezarritako epean, hitzarmena sinatzen duten sindikatuak horiek ordezkatuz arituko dira [.]”
–26. artikulua (ez betetzeak arrazoi ekonomiko edo ekoizpenekoengatik): “Langileek ez badituzte haien ordezkariak izendatzen Langileen Estatutuaren 41.4 artikuluan ezarritako epean, hitzarmena sinatzen duten sindikatuak horiek ordezkatuz arituko dira [.]”
–Lehen xedapen gehigarria (hitzarmena ez betetzea): “Batzorde hori izendatzen ez bada [Langileen Estatutuaren 41.1 artikulukoa], langileen ordezkaritza hitzarmen hau sinatzen duten ordezkariei egokituko zaie, eta langileak ordezkatuz arituko dira.”
Horrenbestez, demandatukideak kondenatzen ditut deklarazio honi men egitera eta absolbitzen ditut haien kontrako gainerako eskarietatik (bazter utzi gabe hitzarmenaren 24. artikulua ulertuko dela hirugarren B funtsean zehaztu bezala).
Eman bedi epai honen lekukotza lan arloko agintaritzari igortzeko, LJALren 166.2 artikuluan aurreikusitako komunikazioaren ondorioetarako.
Iragarkiaren kodea: F1504662
