1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
528/2015 EBAZPENA, martxoaren 13koa, Nafarroako Enplegu Zerbitzuko zuzendari kudeatzaileak emana, Susana Morrás Ros andrea Nafarroako Enplegu Zerbitzuko Aukera Berdintasunerako Ataleko buru izendatzen duena bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Horrenbestez, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 8. artikuluak eta martxoaren 14ko 15/2012 Foru Dekretuaren bidez onetsitako Nafarroako Enplegu Zerbitzuaren Estatutuek xedatutakoari jarraikiz,
EBATZI DUT:
1. Susana Morrás Ros andrea, Foru Komunitateko Administrazioko funtzionarioa, Nafarroako Enplegu Zerbitzuko Aukera Berdintasunerako Ataleko buru izendatzea bitarte baterako.
2. Ebazpen hau Funtzio Publikoaren Zuzendaritza Nagusiari, Nominen eta Gizarte Segurantzaren Atalari eta Nafarroako Enplegu Zerbitzuko Enplegua Sustatzeko eta Aukera Berdintasunerako Zerbitzuari igortzea.
3. Ebazpen hau interesdunari jakinaraztea.
4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2015eko martxoaren 13an.–Nafarroako Enplegu Zerbitzuko zuzendari kudeatzailea, María Isabel García Malo.
Iragarkiaren kodea: F1504223