Iragarkia

71. ALDIZKARIA - 2015eko apirilaren 15a

1. NAFARROAKO FORU KOMUNITATEA

1.7. BESTELAKOAK

17/2015 EBAZPENA, martxoaren 9koa, Garraio Zerbitzuko zuzendariak emana. Honen bidez onesten da errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten pertsonen zerrenda. Probak 2015eko otsailaren 20an egin ziren.

Garraio Zerbitzuko zuzendariaren urriaren 10eko 84/2014 Ebazpenaren bidez, deialdia onetsi zen errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko. Ebazpen hori 2014ko 215. Nafarroako Aldizkari Ofizialean argitaratu zen, azaroaren 3an.

Behar diren probak egin ondoren, izendatutako epaimahaiak haiek gainditu dituzten izangaien zerrenda aurkeztu du.

Horiek horrela, Lurraldearen Antolamenduaren, Mugikortasunaren eta Etxebizitzaren zuzendari nagusiaren abuztuaren 12ko 1210/2013 Ebazpenaren bidez eskuordeturiko ahalmenak erabiliz, eta errepide bidezko garraiorako ibilgailu zenbaiten gidarien hasierako kualifikazioa eta etengabeko prestakuntza arautu zituen uztailaren 20ko 1032/2007 Errege Dekretuaren 15. artikuluan xedaturikoarekin bat,

EBATZI DUT:

1. Errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten izangaien zerrenda onestea. Ebazpen honen eranskinean ageri da. Probak 2015eko otsailaren 20an egin ziren.

2. Errepideko garraiorako ibilgailu zenbaiten gidarien lanbide gaitasunaren agiriak prestatzea eta behar diren kualifikazio txartelak egitea.

3. Ebazpen hau Garraioen Ustiapenerako Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du bide administratiboa amaitzen, eta haren aurka interesdunek gora jotzeko errekurtsoa jar dezakete, Nafarroako Gobernuko Sustapeneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2015eko martxoaren 9an.–Garraio Zerbitzuko zuzendaria, Miguel Ángel Jiménez de Cisneros y Fonfría.

ERANSKINA

Gidarien lanbide gaitasunaren agiria lortzeko probak,
2015eko otsailaren 20an eginak, gainditu dituzten pertsonen zerreda

Iragarkiaren kodea: F1503995