Iragarkia

62. ALDIZKARIA - 2015eko martxoaren 31

5. HAUTESKUNDE PROZEDURA

ERABAKIA, Nafarroako Gobernuak 2015eko martxoaren 25ean hartua, Nafarroako Kontzejuetako hauteskundeetan erabili beharreko boto-paper, gutun-azal eta inprimakien ereduak onesten dituena.

Nafarroako Gobernuak, Nafarroako Kontzejuetako Hauteskunde Prozesua Arautzeari buruzko martxoaren 16ko 12/1991 Foru Legeak aitortutako eskumenak erabiliz, Nafarroako Kontzejuetako hauteskundeetarako deia egiten du foru dekretu bidez.

Hauteskunde prozesu honekin loturiko legezko tramiteen artean, Nafarroako Gobernuak hauteskunde-mahaietako kideentzako eskuliburua onesten du, Hauteskunde Batzorde Zentralak aldeko txostena eman ondoren.

Hauteskunde Batzorde Zentralak, halaber, Hauteskunde Araubide Orokorrari buruzko ekainaren 19ko 5/1985 Lege Organikoaren 19.1.g) artikuluan ezarritakoa betez, agindu hartan aipatutako akten ereduak onesten ditu.

Gainera, Barne Ministerioak ezarri du zer gutun-azal eta inprimaki orokor erabili behar diren hauteskunde prozesuetan, eta zehaztu du gainerako inprimakiak eta gutun-azalak hauteskunde prozesu bakoitzerako berariazkoak izanen direla.

Bidezkoa da, beraz, Nafarroako Kontzejuetako hauteskundeetarako agiri berariazkoak zehaztea, bai eta hauteskundeetako gutun-azalen eta boto-paperen ereduak ere, eskualdeko hauteskunde-batzordeek beren eskumenez baliatuz eredu ofizial gisa onesten dituztenak eragotzi gabe.

Horrenbestez, Nafarroako Gobernuak, Landa Garapeneko, Ingurumeneko eta Toki Administrazioko kontseilariak proposatuta,

ERABAKI DU:

1. Nafarroako Kontzejuetako 2015eko hauteskundeetan erabili beharreko boto-paper, gutun-azal eta inprimakien ereduek erabaki honen eranskinean adierazten diren ezaugarriak eta baldintzak beteko dituzte.

2. Erabaki honek Nafarroako Aldizkari Ofizialean argitaratzen den egunean hartuko du indarra.

Iruñean, 2015eko martxoaren 25ean.–Nafarroako Gobernuko kontseilari eta idazkaria, F. Javier Morrás Iturmendi.

ERANSKINA

Dokumentuen zerrenda. Gaztelaniaz eta ele bitan
(gaztelaniaz eta euskaraz) daude

1. Boto-papera, Kontzeju Irekien araubideko Kontzejuko lehendakaria hautatzeko (P.2).

2. Boto-papera, Batzarreko lehendakaria eta bokalak hautatzeko (P.3).

3. Boto-papera, Kontzeju Irekien araubideko Kontzejuko lehendakaria hautatzeko, denbora baterako atzerrian bizi diren hautesleentzat (P.4).

4. Boto-papera, Batzarreko lehendakaria eta bokalak hautatzeko, denbora baterako atzerrian bizi diren hautesleentzat (P.5).

5. Bozketako gutun-azala (S.1).

6. Hauteskunde-mahaietan erabili beharreko gutun-azalak (S.5).

7. Hauteskunde-koalizioaren eraketaren jakinarazpena (C.1). Formatu elektronikoa.

8. Alderdi politiko, federazio edo koalizioen hautagaiaren aurkezpena, Kontzeju Irekiko lehendakari izateko (C.2.a). Formatu elektronikoa.