1. NAFARROAKO FORU KOMUNITATEA
1.7. BESTELAKOAK
64/2015 EBAZPENA, otsailaren 17koa, Hezkuntza Baliabideen zuzendari nagusiak emana, Sartagudako Domingo de Miguel Musika Eskola pribatua Nafarroako Gobernuko Musika eta Dantza Eskolen Berariazko Erregistroan inskribatzen duena.
Ikusirik Inmaculada Barbara Urruticoechea andreak, “Domingo de Miguel musika taldea” elkartea ordezkatuz, Sartagudako Domingo de Miguel Musika Eskola pribatua Nafarroako Gobernuko Musika eta Dantza Eskolen Berariazko Erregistroan inskribatzeko aurkeztu duen baimen eskaera dela-eta irekitako espedientea.
Ikusirik Hezkuntzako Ikuskapen Zerbitzuak eta Hezkuntzako Azpiegituren Zerbitzuak aldeko txostenak eman dituztela.
Kontuan harturik Musika eta Dantza Eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 22. artikuluan xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez esleitutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Nafarroako Gobernuko Musika eta Dantza Eskolen Berariazko Erregistroan inskribatzea Sartagudako Domingo de Miguel Musika Eskola, titulartasun pribatukoa. Inskripzioak 2014ko abenduaren 2tik aurrera izanen ditu ondorioak, egun horretan sartu baitzen Hezkuntza Departamentuan entitate titular sustatzaileak eskola inskribatzeko eskaera.
2. Musika eta Dantza Eskolen Berariazko Erregistroan eskolaren datu hauek inskribatuko dira:
Ikastetxearen kodea: 31014682.
Izen generikoa: Musika Eskola.
Berariazko izena: Domingo de Miguel.
Helbidea: Jimeno Jurío kalea, 35.
Herria: Sartaguda.
Udalerria: Sartaguda.
Titularra: Domingo de Miguel musika taldea (IFK: G71087332).
Inskribatu diren ikasketak: Hezkuntzari buruzko Lege Organikoaren 48.3 artikuluan ezarritakoak, honako irakasgai hauekin:
a) Oinarrizko eskaintza, abenduaren 21eko 421/1992 Foru Dekretuaren 9. artikuluko 1. ataleko a), b) eta c) letretan ezarritako antolamenduari jarraikiz:
–Instrumentu-praktika: akordeoia, bonbardinoa, zeharkako txirula, gitarra, oboea, pianoa, saxofoia, tronboia eta tronpeta.
–Instrumentu-praktikaren osagarri den musika prestakuntza: musika hizkuntza.
–Ahots eta instrumentu jarduerak taldean: abesbatza eta banda.
b) Oinarrizko eskaintzan ez dauden beste irakasgai batzuk (9.2 artikulua): musika eta mugimendua, 4 urtetik 8 urte bitarteko ikasleentzat.
–Gehieneko edukiera, eskolan aldi berean ikasketa teorikoak eta taldekoak emateko: 30 ikasle.
3. Eskolaren konfigurazioan aldaketaren bat egiteko, horren ondorioz ebazpen honen 2. atalean ezarritako erregistro datuak eta instalazioak aldatzen badira, Hezkuntza Departamentuari horren berri eman beharko zaio, eta departamentu horrek, beharrezkoak diren baldintzak betetzen badira, eguneratu eginen ditu Nafarroako Gobernuko Musika eta Dantza Eskolen Berariazko Erregistroan inskribatutako datuak, aipatutako 421/1992 Foru Dekretuaren 29. artikuluan ezarritakoari jarraikiz.
4. Foru dekretu horren 31. artikuluan aipatutako kasuetan, eskolaren inskripzioa baliorik gabe uzten ahalko da.
5. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igortzea eskolako entitate titularrari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Arte Ikasketetarako eta Musikaren Hiria Kudeatzeko Atalari, Kudeaketa Administratiboaren Atalari, Ikastetxeen, Finantzaketaren eta Ikasketetarako Laguntzen Atalari, Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari.
Iruñean, 2015eko otsailaren 17an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1502638
