1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
39E/2015 EBAZPENA, otsailaren 18koa, Sarrigurengo Ekohiriaren Hirigintza Kudeaketaren Proiektua aldatzeko espedientea, Nafarroako Lurzorua eta Etxebizitzak SAk sustatua, hasiera batez onesten duena. Aldaketa Sarrigurengo gune historikoari dagokio, Eguesibarko udal mugapean.
Ingurumen, Lurraldearen Antolamendu eta Etxebizitzako kontseilariaren azaroaren 11ko 1744/2002 Foru Aginduaren bidez, behin betiko onetsi zen Sarrigurengo Ekohiriko Bizitegi Eremuaren Hirigintza Kudeaketaren Proiektua, “Sarrigurengo Ekohiria” Udalez gaindiko Proiektu Sektoriala garatzeko asmoz (2003ko 1. Nafarroako Aldizkari Ofiziala, urtarrilaren 1ekoa).
Ingurumen, Lurraldearen Antolamendu eta Etxebizitzako kontseilariaren urtarrilaren 14ko 39/2003 Foru Aginduaren bidez, behin betiko onetsi zen Sarrigurengo Ekohiriko Berrikuntzaren Hiriaren lehen fasearen Hirigintza Kudeaketaren Proiektua, “Sarrigurengo Ekohiria” Udalez gaindiko Proiektu Sektoriala garatzeko asmoz (2003ko 12. Nafarroako Aldizkari Ofiziala, urtarrilaren 27koa).
Enpresa sustatzaileak Sarrigurengo Ekohiriaren Hirigintza Kudeaketaren Proiektua aldatzeko proposamena aurkeztu du, tramita dadin. Aldaketa, zehazki, “Sarrigurengo Ekohiria” Udalez gaindiko Plan Sektorialean 1-1, 1-2, 1-3, 1-4 eta 1-5 deitutako lurzatiei dagokie. Lurzati horiek eta EL-1 izeneko espazio libre publikoak osatzen dute “Sarrigurengo gune historikoa”.
Espedientearen helburua da eraginpeko lurzatien egitura fisikoa “Sarrigurengo Ekohiria” Udalez gaindiko Plan Sektorialaren aldaketak ekarritako muga berrietara egokitzea (aldaketa hori Lurraldearen Antolamenduaren, Mugikortasunaren eta Etxebizitzaren zuzendari nagusiaren otsailaren 11ko 145/2015 Ebazpenaren bidez onetsi zen behin betiko), hau da: 1-1, 1-2, 1-3, 1-4 eta 1-5 lurzatien muga fisikoak aldatzen dira UPSaren aldaketa horretara egokitzeko, baina haien azalera eta beste parametro batzuk aldatu gabe.
Birzatiketa proiektu honen tramitazioa eta onespena Sustapen Departamentuari dagozkio, Lurraldearen Antolamenduari eta Hirigintzari buruzko 35/2002 Foru Legearen 43.1.d) artikuluarekin bat, udalez gaindiko plan sektorial bat gauzatzeko tresna delako.
Lurraldearen Antolamendu eta Etxebizitza Zerbitzuak egindako txostena ikusirik, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 151. eta 76. artikuluetan xedatutakoarekin bat, eta Sustapen Departamentuaren egitura organikoa ezarri zuen martxoaren 20ko 21/2013 Foru Dekretuaren bidez eskuratu ditudan ahalmenak erabiliz,
EBATZI DUT:
1. Hasiera batez onestea Sarrigurengo Ekohiriaren Hirigintza Kudeaketaren Proiektua aldatzeko espedientea, Nafarroako Lurzorua eta Etxebizitzak SAk sustatua. Aldaketa Sarrigurengo gune historikoari dagokio, Eguesibarko udal mugapean.
2. Espedientea jendaurrean jartzea eta ukitutako udalei entzutea ematea, ebazpen hau Nafarroako Aldizkari Ofizialean eta Nafarroan argitaratzen diren egunkarietan argitaratuz. Bi tramite horiek aldi berean eginen dira, eta 20 egun iraunen dute.
Ondorio horietarako, espedientea interesdunen eskura egonen da Sustapen Departamentuaren bulegoetan (Alondegi kalea, 1-1. solairua; 31002 Iruña), eta epe horretan zilegi izanen da idatziz nahi adina alegazio aurkeztea.
Gainera, dokumentua Nafarroako Gobernuaren zerbitzuen katalogoan kontsultatzen ahalko da, baita Sustapen Departamentuaren webgunearen “Jendaurreko epea eta parte-hartze publikoa” izeneko atalaren bidez ere: www.ExposicionPublicaOT.navarra.es.
3. Ebazpen hau Agoizko 1. Jabetza Erregistroari, Eguesibarko Udalari, finken titularrei eta espedientearen sustatzaileari jakinaraztea, behar diren ondorioak izan ditzan.
Iruñean, 2015eko otsailaren 18an.–Lurraldearen Antolamenduaren, Mugikortasunaren eta Etxebizitzaren zuzendari nagusia, José Antonio Marcén Zunzarren.
Iragarkiaren kodea: F1502703
