Iragarkia

46. ALDIZKARIA - 2015eko martxoaren 9a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

SAKANAKO MANKOMUNITATEA

Euskalgintzari zuzendutako diru-laguntzen deialdia

Sakanako Mankomunitateko lehendakariak 2015/39 eta 2015/44 bitarteko Ebazpenak eta 2015/46 Ebazpena eman ditu, Euskara Zerbitzuak eskaintzen dituen diru-laguntzen deialdiak onartzeko eginak.

Diru-laguntzei buruzko azaroaren 9ko 11/2005 Foru Legearen 14.3 artikuluan ezarritakoari jarraikiz, aipatutako deialdiak argitaratzea egokia da, interesdunek eskaerak egin ditzaten.

Lakuntzan, 2015eko otsailaren 27an.–Lehendakaria, Aitor Karasatorre Mugurutza.

OINARRIAK

1. Oinarrien xedea eta objektua. Oinarri hauen xedea da Sakanako euskalgintzari euskara sustatzeko jarduerak diruz laguntzeko modua arautzea.

2. Diru laguntzaren gaiak eta kontzeptuak. Diruz lagunduko dira euskararen ezagutza eta erabilera areagotzeko helburua duten egitasmoak zein euskararekiko jarrera hobetzekoa dutenak. Zehazkiago, honako hauek dira diruz lagunduko diren egitasmoak:

a) Ezagutzatik erabilerarako jauzia egitea helburu duten egitasmoak.

b) Euskara ez dakiten euskal herritarrak euskarara hurbiltzeko helburua duten egitasmoak.

c) Euskararen ondarea jaso, gorde edota hedatzea helburu duten egitasmoak.

d) Euskararen alderdi desberdinak aztertzea helburu duten jardunaldiak.

e) Euskalgintzan ibilbide oparoa izateagatik nabarmendutako pertsonak edo elkarteak omentzeko egitasmoak.

f) Euskararen familia bidezko transmisioa sendotzea helburu duten egitasmoak.

g) Euskaraz irakurtzeko zaletasuna sustatzea helburu duten egitasmoak.

h) Euskarazko sormen kulturala bultzatzea helburu duten egitasmoak (hitzaldiak, erakusketak, kontzertuak, antzerki emanaldiak eta lantegiak).

i) Etorkinen artean euskararen erabilera sustatzea helburu duten egitasmoak.

j) Euskarazko jostailu, joko eta denbora-pasak.

Oro har ez dira diruz lagunduko, euskaraz izanik ere, euskararen erabilera sustatzea helburu espezifiko eta nabarmena ez duten egitasmoak, ez eta Sakanako Mankomunitatearen beste edozein esparrutan diru-laguntza jaso dezaketen horiek, ez eta, oro har, Sakanako Mankomunitatearen Euskara Zerbitzuaren jarduera esparruaren barruan ez daudenak ere.

Halaber, ez dute diru-laguntzarik jasoko haur eta gazteendako antolatzen diren aisialdiko jarduerek, besteak beste, udaleku irekiek edo hiri-udalekuek eta ludotekek edo haur txokoek.

Bestalde, entitatearen ohiko funtzionamenduan eta Sakanan egindako jardueretan sortutako gastuak diruz lagunduko dira; zehazkiago:

a) Material suntsikorra.

b) Webgunearen mantenua.

c) SGAE.

d) Inbertsioak.

e) Bazkidetzak.

f) Prestakuntza ikastaroak.

Deialdi honetatik kanpo geldituko dira ordezkaritza eta protokolo gastuak (otorduak, opariak...), baita kideen bidaia gastuak ere.

Funtzionamendu gastuetarako diruz lagundutako jardueren aurrekontu osoaren %25 jaso liteke gehienez ere.

Deialdi honek 2015. urtean zehar burutuko diren ekintzak hartuko ditu kontuan.

3. Diru-laguntzaren zenbatekoa. Xede hauetarako, guztira, 5.000,00 euro erabiliko dira, Euskara Zerbitzuko 2015eko ekitaldiko aurrekontuetako 4 451 48208 (Euskara taldeendako diru-laguntzak) kontu-sailean jasotako kredituaren kontura. Baimendutako gastua handitu edo murriztu ahal izango du aldaketaren zenbatekoaren arabera eskumena esleituta duen organoak. Dena den, horrek ez du beste deialdi bat egitea ekarriko.

Aurrekontuetan gehienez ere aurreikusi den diru-esleipena, behar den epean eta behar den moduan aurkezten diren eskaeren artean zatituko da, deialdiko baldintzak betetzen dituztenen artean, betiere diru-laguntzek deialdiari esleitu zaion diru-kopurua baino gehiago jotzen badute.

4. Deialdiaren publizitatea. Deialdi hau aditzera emateko, prentsa-oharra bidaliko da hedabideetara, eta jakinarazpena igorriko zaie diru-laguntzaren hartzaile diren balizko onuradunei. Horretaz gain, deialdiaren testu osoa Sakanako Mankomunitatearen webgunean argitaratuko da, bai eta Nafarroako Aldizkari Ofizialean ere.

5. Eskabideak aurkezteko epea. Eskabideak egiteko epea 2015ko urtarrilaren 1etik 2015ko martxoaren 31ra arte izango da, egun biak barne.

6. Aurkeztu beharreko dokumentazioa. Deialdi honetako laguntza eskuratzeko eskatzaileek honako dokumentazio hau aurkeztu beharko dute eskabidearekin batera:

a) IFKaren fotokopia.

b) Egin nahi den jardueraren gaineko plangintza xehatua.

c) Jarduerei lotutako diru-sarreren eta gastuen gaineko aurrekontua.

d) Aitorpena, administrazio publikoei edo entitate pribatuei eskatutako edo haiek emandako diru-laguntza guztiena. Adierazi beharko da eskaerak ebazteke edo ebatzita dauden; azkenengo kasu horretan, erantsiko da kontzesioari buruzko ebazpenaren kopia.

Dokumentazioa Sakanako Mankomunitateko erregistro orokorrean aurkeztu behar da edo Herri Administrazioen Araubide Juridikoari eta Administrazio Prozedura Erkideari buruzko Legearen 38. artikuluak aurreikusitako edozein lekutan. Hona helbidea:

Sakanako Mankomunitatea

Uriz 32

31830 Lakuntza

948 464840

euskara@sakana-mank.com

7. Eskatzaileek bete beharreko baldintzak. Honako hauek eskatzen ahal dituzte diru-laguntzak:

a) Sakanako euskara taldeek.

b) Euskararen normalizazioa helburu duten erakundeek, nahiz eta Sakanakoak izan ez, besteak beste, Sakanan jarduna dutenak.

c) Jarduera bakoitzak gehienez ere 1.000 euroko aurrekontua izanen du.

d) Eskatzaile bakoitzak gehienez ere 3 jardueratarako dirua eska lezake.

e) Eskatzaileek Sakanako Mankomunitatearekiko zerga betebeharrak ordainduta izatea ezinbestekoa da (mankomunitateak ofizioz egiaztatuko du inguruabar hori eta behar den eginbidearen bitartez jasoko).

8. Aurkeztutako eskabidean egindako okerrak zuzentzea. Eskatzaileak aurkeztutako dokumentazioan okerrik dagoela edo agiriren bat falta dela ikusten bada, hamar egun emango zaizkio eskatzaileari akatsak zuzentzeko edo agiriak osatzeko. Epe hori igaro eta akatsa zuzendu edo agiriak osatu ez badira, eskatzaileak eskaeran atzera egin duela ulertuko da. Sakanako Mankomunitateko lehendakariak horretarako ebazpena egingo du.

9. Ebazpena. Deialdi honetako diru-laguntzak esleitzeko ebazpena Sakanako Mankomunitateko lehendakariak emango du Euskara Batzordearen irizpena ikusita, hamabost eguneko epean.

Ebazpen hori interesdun guztiei jakinaraziko zaie. Esleipen ebazpenean nori eman zaion diru-laguntza zehaztu behar da, eta berariaz adierazi behar da gainerako eskaerak ezetsi direla. Era berean, ebazpenak adierazi beharko ditu haren aurka jotzeko dauden errekurtso bideak, zein organoren aurrean aurkeztu behar diren eta zein epe dagoen hori egiteko, interesdunek egoki iritzitako beste edozein errekurtso bide erabiltzeko eskubidea baztertu gabe.

Ebazpena eman eta ordaintzeko epea lau hilabetekoa izango da, gehienez ere. Diru-laguntza eman eta ordainketa agintzeko ebazpena emateko epea 2015eko abenduaren 31n amaituko da. Behin epe hori berariazko ebazpenik eman gabe igaro eta gero, eskatzaileak eskaera ezetsitzat jotzen ahalko du.

10. Balioesteko irizpideak. Euskara Batzordeak eskabideak baloratuko ditu, ohiko saioan, eta honako alderdiak izanen ditu kontuan:

a) Jarduerak hizkuntza normalizazioan duen eragina eta efektu biderkatzailea: 35 puntu.

b) Jardueraren kalitatea, originaltasuna eta berrikuntza maila: 25 puntu.

c) Autofinantzaketa maila: 10 puntu.

d) Entitate eskatzailearen jarraitutasuna eta egonkortasuna: 10 puntu.

e) Beste entitate batzuekin elkarlanean jardutea: 20 puntu.

11. Diru-laguntzaren ordainketa. Emandako diru kopurua bi zatitan ordainduko da: %50, diru-laguntza emateko ebazpena jakinarazten den unean, eskatzaileak horretarako zehazten duen kontu korronte zenbakira eginiko banku-transferentziaren bidez. Gainerako %50, berriz, eginiko jardueren memoria eta kontuak balioetsitakoan. Memoria eta kontuak aurkezteko epea 2016ko urtarrilaren 8an bukatuko da.

Onuradunen bati esleitutako laguntzaren zenbatekoa murrizten bada dokumentazio osoa ez aurkezteagatik, ez justifikatzeagatik edo epeak edo deialdiko oinarrietakoren bat ez betetzeagatik, soberakina gainerako onuradunen artean proportzionalki banatzen ahalko da.

12. Bateragarritasuna. Deialdi honetako diru-laguntzak bateragarriak dira beste erakunde publiko zein pribatuk helburu berberaz emandakoekin, betiere gehiegizko finantzaketarik gertatzen ez bada.

13. Diru-laguntzen itzulketa. Onuradunek diru-laguntza osoa edo zati bat itzuli beharko dute ondotik azaltzen direnak gertatzen direnean:

a) Diru-laguntza eskuratzea horretarako eskatzen diren baldintzak bete gabe, onuradunari egozten ahal zaizkion arrazoiengatik.

b) Eskatzen diren agiriak ez aurkeztea horretarako ezarritako epean.

c) Egitasmoa aurkezturik eta diru-laguntza jasorik, egitasmoaren jarduerak gauzatu gabe uztea.

d) Bateraezinak diren diru-laguntzak aldi berean jasotzea.

e) Nahitaez onartu behar diren egiaztapenak ez onartzea edo oztopatzea.

14. Arau-hauste eta zehapenak. Arau-hauste eta zehapenei dagokienez, Diru-laguntzei buruzko azaroaren 17ko 38/2003 Lege Orokorrak eta uztailaren 21eko 887/2006 Errege Dekretuaren bidez onartutako Diru-laguntzen Erregelamendu Orokorrak aginduko dute. Zehapen prozedura Nafarroako Foru Komunitateko Administrazioari buruzko abenduaren 3ko 15/2004 Foru Legearen V. tituluan ezarritakoa izanen da.

15. Datuen babesa. Eskatzaileen datuak Datuak babesteari buruzko abenduaren 13ko 15/1999 Lege Organikoan ezarritakoaren arabera tratatuko dira. Eskatzaileek ematen dituzten datuak Sakanako Mankomunitateak kudeatzen dituen datu pertsonalen fitxategietan sartuko dira. Betiere helburua izango da diru-laguntzen deialdi hau eta horrekin zerikusia duen beste edozein administrazio espediente kudeatzea. Fitxategi horren arduraduna Sakanako Mankomunitateko Euskara Zerbitzua izango da, eta sartu, zuzendu, ezereztu eta aurka egiteko eskubideak Sakanako Mankomunitatea duen jendearendako harrera bulegoan (Lakuntzan, Uriz 32) egikaritu ahal izango dira.

16. Ordezko arauak. Deialdi honetan aurreikusten ez den orotarako Administrazioari buruzko uztailaren 2ko 6/1990 Foru Legea eta Diru-laguntzei buruzko azaroaren 17ko 38/2003 Legea aplikatuko dira.

17. Errekurtsoak. Deialdi honen aurka, baita oinarri hauen aurka eta haiek betearazteko hartzen diren ebazpenen aurka ere, errekurtso hauetako edozein aurkezten ahalko da, aukeran:

a) Berraztertzeko errekurtsoa, egintzaren udal organo egileari zuzendua, hilabeteko epean, errekurritzen den egintza jakinarazi edo argitaratu eta biharamunetik hasita.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritzen den egintza jakinarazi edo argitaratzen denetik aitzina.

c) Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean. Errekurritzen den egintza jakinarazi edo argitaratu eta biharamunean hasiko da epe hori.

SAKANAKO EUSKALGINTZARI
ZUZENDUTAKO DIRU-LAGUNTZAK

Eskabidea

–Erakunde eskatzailea:

• Izena ........................................................................ IFK ................
• Helbidea ..........................................................................................
• Herria ............................................................................... PK .........
• Telefonoa ................ E-posta ..........................................................
• Kontu korrontearen zenbakia ..........................................................

–Arduraduna:

• Izen-deiturak ...................................................................................

–Jardueraren ezaugarriak:

• Jardueraren izenburua ....................................................................
• Jarduera noiz ..................................................................................
• Jarduera non ...................................................................................
• Jarduera nori zuzentzen zaio ..........................................................
• Jardueraren xedea ..........................................................................
• Jardueraren programa zehatza (edukia, azpiegiturak eta abar) ....................................................................................................................

–Aurreikusitako diru-sarrerak eta gastuak (azalpena eta kopuruak):

• Sarrerak:
• Proiektuaren berezko diru-sarrerak .............................................
• Udalaren ekarpena ......................................................................
• Erakunde pribatuen diru-laguntza ................................................
• Sakanako Mankomunitateari eskatzen zaiona .............................
• Guztira, diru-sarrerak ...................................................................
• Gastuak:
• Guztira, gastuak ...........................................................................

Lekua eta data

 Arduradunaren sinadura eta erakundearen zigilua

Jakinarazten dizugu zure datuak fitxategi batean sartuko direla Datu Pertsonalak Babesteko abenduaren13ko 15/1999 Lege Organikoak ezarritakoa betetzeko. Betiere, horren helburua izango da diru-laguntzen deialdi hau eta horrekin zerikusia duen beste edozein administrazio espediente kudeatzea. Fitxategi horren arduraduna Sakanako Mankomunitateko Euskara Zerbitzua da, eta sartu, zuzendu, ezereztu eta aurka egiteko zure eskubideak horren aurrean egikaritu ahal izango dituzu, eta horretarako jo beharko duzu NANarekin Sakanako Mankomunitateak jendearendako harrera bulegora (Lakuntzan, Uriz 32).

Zinpeko aitorpena

Eskatzaileak hau aitortzen du:

 Ez dagoela sartuta diru-laguntza publikoak itzularazteko edo zigortzeko inongo prozeduratan.

 Laguntza eskabide honetaz landa ez duela helburu bererako beste laguntzarik eskatu edo jaso, beste inongo erakunde publiko nahiz pribatuk emana.

 Diru-laguntza eskatu diela beheko erakunde hauei:

 Helburu bererako edozein erakunde publiko nahiz pribaturi diru-laguntza eskabiderik eginez gero, Sakanako Mankomunitateari jakinarazteko konpromisoa hartzen duela bere gain.

Eta, hala ager dadin, izenpetu egiten du

 (Data eta sinadura)

Iragarkiaren kodea: L1503263