2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAGA
Osoko Bilkuraren eskudantziak Alkatetzaren esku uztea
2015eko urtarrilaren 28ko osoko bilkuran, Larragako Udalak erabaki du Herrilanetako, Hirigintzako eta Ingurumeneko zinegotzi delegatuaren esku uztea (arlo horretan Alkatetzari dagozkion eskumenak erabiltzen baititu) obra honen kontratazioaren ondoko faseak: “Larragako eguneko arreta emateko zentroa - 3. fasea”, honako hauetan xedatuari jarraikiz: Nafarroako Toki Administrazioari buruzko uztailaren 2ko 6/1990 Foru Legearen 226.1 eta 8 artikuluak, Sektore Publikoko Kontratuei buruzko Legeaz azaroaren 4ko 3/2011 Legegintzako Errege Dekretuaren bidez onetsi zen testu bateginaren bigarren xedapen gehigarriari dagokionez, eta Toki Araubidearen Oinarriak arautzen dituen apirilaren 2ko 7/1985 Legearen 22.4 artikulua. Xedea da kontratazio horretarako tramiteak arintzea.
Argitara ematen da, Toki Entitateen Antolaketaren, Funtzionamenduaren eta Araubide Juridikoaren Erregelamenduaren 51.3. artikuluan ezarritakoa bete beharrez.
Larragan, 2015eko otsailaren 2an.–Alkatea, Antonio Lamberto Urquijo.
Iragarkiaren kodea: L1503027
