35. ALDIZKARIA - 2015eko otsailaren 20a

1. NAFARROAKO FORU KOMUNITATEA

1.7. BESTELAKOAK

193/2015 EBAZPENA, urtarrilaren 30ekoa, Nafarroako Familiarako eta Berdintasunerako Institutuko zuzendari kudeatzaileak emana, Nafarroako Familiarako eta Berdintasunerako Institutuari atxikitako haur eskoletako ikaspostuen 2015-2016 ikasturteko deialdia kudeatuko duen Hautapen Batzordeko kideak izendatu eta batzordeari zenbait eginkizun esleitzen dizkiona.

Ikusirik Hezkuntzaren, Lanbide Heziketaren eta Unibertsitateen zuzendari nagusiak otsailaren 14an emandako 2/2015 Ebazpena, funts publikoak jasotzen dituzten Haur Hezkuntzako lehen zikloko ikastetxeetan 2015-2016 ikasturtean haurrak onartzeko prozedura arautzen duena.

Ikusirik Familiako eta Haur eta Nerabeentzako Arretako Zuzendariordetzaren txostena.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Familiarako eta Berdintasunerako Institutua erakunde autonomoaren estatutuak onesten dituen uztailaren 25eko 75/2012 Foru Dekretuak ematen dizkidaten ahalmenak erabiliz,

EBATZI DUT:

1. Ondoko hauek izendatzea Nafarroako Familiarako eta Berdintasunerako Institutuari atxikitako haur eskoletako ikaspostuen 2015-2016 ikasturteko deialdia kudeatuko duen Hautapen Batzordeko kide:

–Batzordeko burua: Agustín Oyaga Zalba jauna, Nafarroako Familiarako eta Berdintasunerako Institutuko Familiako eta Haur eta Nerabeentzako Arretako zuzendariordea.

–Batzordeko kidea: Marisol Arguiñano Sánchez andrea, Nafarroako Familiarako eta Berdintasunerako Institutuko Familia Ataleko burua.

2. Hautapen Batzordeari ebazpen honen eranskinean agertzen diren eginkizunak esleitzea.

3. Ebazpen hau Nafarroako Aldizkari Ofizialean argitaratzea.

4. Ebazpen hau Familiako eta Haur eta Nerabeentzako Arretako Zuzendariordetzara igortzea, behar diren ondorioak izan ditzan, eta ohartaraztea ebazpenak ez duela administrazio bidea amaitzen eta, haren kontra, gora jotzeko errekurtsoa jartzen ahal dela, Gizarte Politiketako kontseilariari zuzendua, jakinarazi eta biharamunetik hasita hilabeteko epean.

Iruñean, 2015eko urtarrilaren 30ean.–Nafarroako Familiarako eta Berdintasunerako Institutuko zuzendari kudeatzailea, Teresa Nagore Ferrer.

ERANSKINA

Hautapen Batzordearen eginkizunak

Lehena.–Ikaspostuak gordetzeko prozedura zehaztu eta aurrera eramatea.

Bigarrena.–Nafarroako Familiarako eta Berdintasunerako zuzendari kudeatzaileari proposatzea, hura baita titularra, funts publikoak jasotzen dituzten Haur Hezkuntzako lehen zikloko ikastetxeetan 2015-2016 ikasturtean haurrak onartzeko deialdia ebatz dezala.

Hirugarrena.–Nafarroako Familiarako eta Berdintasunerako zuzendari kudeatzaileari proposatzea bete beharreko ikaspostuen kopurua zein den erabaki dezala, eta ikaspostu hutsen zerrenda eta onarpen prozesuan aplikatu beharreko baremoa eman ditzala argitara ikastetxeetako eta Nafarroako Familiarako eta Berdintasunerako Institutuko iragarki oholetan.

Laugarrena.–Nafarroako Familiarako eta Berdintasunerako Institutuko zuzendari kudeatzaileari proposatzea onartuen eta itxaron zerrendan daudenen behin-behineko zerrendak argitara ditzala.

Bosgarrena.–Onartuen eta itxaron zerrendan daudenen behin-behineko zerrenden aurka egindako erreklamazioak ebaztea.

Seigarrena.–Nafarroako Familiarako eta Berdintasunerako Institutuko zuzendari kudeatzaileari proposatzea onartuen eta itxaron zerrendan daudenen behin betiko zerrendak argitara ditzala.

Zazpigarrena.–Eskatzaileek bi ikastetxe hautatu badituzte, bata Nafarroako Gobernuaren menpekoa, eta bestea Iruñeko Udalaren menpekoa, honela jokatuko da:

a) Eskaerak eta erreklamazioak batera baloratuko dira.

b) Entitate titularrak hartzen duen ebazpenaren aurka gora jotzeko errekurtsoa jarriz gero, onartuen eta itxaron zerrendan daudenen behin betiko zerrendak argitaratzen dituen entitateko titularrari egokituko zaio errekurtsoaren tramitazioa eta ebazpena.

Iragarkiaren kodea: F1501800