1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
888/2014 EBAZPENA, abenduaren 31koa, Hezkuntza Baliabideen zuzendari nagusiak emana, diru-laguntzak ematen dizkiena 2014-2015 ikasturtean curriculum egokituko kanpo programetan eskolatze partekatuaren modalitateko ikasle adingabeak hartzen dituzten ikastetxeei eta Adingabekoentzako Behaketa eta Harrera Zentroko eta Neurri Judizialak Betetzeko Zentroko gazte nerabeen hezkuntza arreta osatzen duten hezitzaileei; bestetik, 2014ko irailetik abendura bitarteko laguntza horien ordainketa baimentzen da.
Hezkuntzari buruzko maiatzaren 3ko 2/2006 Lege Organikoak atarikoan ezartzen du aniztasunari arreta ematearen printzipioak oinarrizko hezkuntza guztia gidatu behar duela. Horrela, ikasle guztiei beren ezaugarriei eta beharrei egokitutako hezkuntza emanen zaie. Hezkuntzako desberdintasunak konpentsatzeari buruzko II. kapituluak ezartzen duenez, hezkuntzarako eskubidea erabiltzean berdintasun printzipioa gauzatzeko, hezkuntza administrazioek konpentsazio ekintzak garatuko dituzte, egoera ahulean dauden pertsona, talde eta lurraldeei dagokienez, eta horretarako baliabide ekonomikoak eta behar diren babesak emanen dituzte.
Antolamenduaren, Kalitatearen eta Berrikuntzaren zuzendari nagusiak ekainaren 25ean emandako 345/2009 Ebazpenak curriculum egokituko programak garatzeko baimena eman zien Nafarroako Foru Komunitateko irabazi-asmorik gabeko entitateei.
Hezkuntza Baliabideen zuzendari nagusiak martxoaren 18an emandako 167/2014 Ebazpenaren bidez, 2013ko diru-laguntzaren modulu ekonomikoak 2014. urtera luzatu ziren, curriculum egokituko kanpo programetan eskolatze partekatuaren modalitateko ikasle adingabeei arreta ematen dieten ikastetxeentzat.
Nafarroako Gobernuaren abenduaren 29ko Erabakiaren bidez, baimena eman zitzaion Hezkuntza Baliabideen zuzendari nagusiari beharrezkoak ziren diru-laguntzak zuzenean eman zitzan, Nafarroako Foru Komunitateko irabazi-asmorik gabeko erakundeetako curriculum egokituko programak, hots, ekainaren 25eko 345/2009 Ebazpenaren bidez 2014-2015 ikasturterako baimendutakoak, finantzatzeko, baita Adingabekoentzako Behaketa eta Harrera Zentroko eta Neurri Judizialak Betetzeko Zentroko gazte nerabeen hezkuntza arreta osatuko duten hezitzaileak finantzatzeko ere.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Diru-laguntzak ematea ebazpen honen eranskinean ageri diren ikastetxe itunduei eta irabazi-asmorik gabeko erakundeei, 2014-2015 ikasturtean martxan diren curriculum egokituko programek sortutako gastuetarako, eta Adingabekoentzako Behaketa eta Harrera Zentroko eta Neurri Judizialak Betetzeko Zentroko gazte nerabeen hezkuntza arreta osatzen duten hezitzaileentzat; guztira, 1.049.179,01 euro dira.
2. 2014-2015 ikasturtean martxan diren hurrengo ikastetxeei modulu ekonomikoaren %40 ordaintzeko baimena ematea, 419.671,63 euroko zenbatekoa alegia, 2014. urtera luzatutako 2012ko ekitaldiko aurrekontuko “Haur eskolatugabeentzako arreta zentroak: Ilundaingo baserri-eskola, Etxabakoitz lantegi-eskola” izeneko 410003 41140 4811-322D02 kontu-sailaren kargura (kontabilitateko espedientea: 40006650):
IFZ | HERRIA | IKASTETXEA | ORDAINKETA %40 |
G31725484 | Ilundain | “Haritz Berri” baserri-eskola | 108.480,21 |
G31725485 | Ilundain | “Haritz Berri” baserri-eskola | 14.607,24 |
G48469803 | Basauri | Berriztu hezkuntza elkartea | 7.303,62 |
G31780562 | Iruña | “Etxabakoitz” lantegi-eskola fundazioa | 72.320,14 |
R3100108 D | Gares | “Puente” ikastetxea | 72.320,14 |
G31729114 | Cascante | “La Ribera” | 72.320,14 |
G31279961 | Berriozar | “Lantxotegi” lantegi-eskola | 36.160,07 |
G71005235 | Tutera | ‘’El Castillo’’ lantegi-eskola | 36.160,07 |
| 419.671,63 |
Gainerakoa, 629.507,38 euro, 2015eko urtarriletik abuztura bitartekoa, bi zatitan ordainduko da (%45 eta %15, hurrenez hurren), horretarako 2015eko ekitaldiko aurrekontuan ezartzen den kontu-sailaren kargura.
3. Diru-laguntza honen xedea da ikasle horiei dohainik ematea arreta eta ekainaren 13ko 93/2008 Foru Aginduan aipatzen diren sustatze eta konpentsatze neurriak eta curriculuma jasotzeko aukera ematea.
Diru-laguntza kontzeptu hauetarako erabili beharko da:
Hezitzaileen kostua: irakasleak eta/edo adituak.
Behar den ekipamendua erosi eta amortizatzeko gastuak eta funtzionamendu gastuak.
Zeharkako beste kostu batzuk.
Hezitzaileen kostuan (lansariak gehi gizarte segurantzako gastuak) hezitzaileen ratio bat sartzen da, astean 30 irakastordu emateko, eta lanaldi laurden bat irakasleak ez diren langile osagarri bakoitzeko.
4. Diru-laguntzaren onuraduna den entitate titularrak honako dokumentazio hau aurkeztu beharko du Baliabide Ekonomikoen Zerbitzuan 2015eko otsailaren 20a baino lehen:
Ekonomia eta Ogasun Departamentuaren ziurtagiria, zerga betebeharretan egunean dagoela ziurtatzen duena.
Gizarte Segurantzako Diruzaintza Orokorraren ziurtagiria, Gizarte Segurantzako kuoten ordainketan egunean dagoela ziurtatzen duena.
Eta 2015eko urriaren 15a baino lehen, dokumentazio hau:
1.–Langileen gastuen frogagiriak.
Enpresaren ziurtagiria, programan lan egin duten pertsonen nominak ordaindu izanarena, haien izenak eta zenbatekoak eta lan hitzarmen kolektiboaren araberako lanbide kategoria adierazita.
Langileen Gizarte Segurantzako kotizazioen frogagiriak.
PFEZri dagozkion zenbatekoen atxikipenen frogagiriak.
Langile autonomoak baldin badira, ordainketaren frogagiria, BEZaren likidazioarena eta dagozkion zerbitzuak emateko kontratua.
2.–Entitatearen inbentarioan diru-laguntzaren bidez erositako material inbentariagarria sartu izanaren ziurtagiria.
Funtzionamendu kostuen, ekipamenduaren amortizazio kostuen eta beste zehar-kostu batzuen ordainagiri eta fakturen aurkibidea eta zerrenda zenbakiduna eta ordenatua (jatorrizkoak eta fotokopiak).
Jasotako diru-laguntza ez justifikatzeak berarekin ekarriko du justifikatu gabeko zenbatekoak itzultzea.
5. Nafarroako Aurrekontu Orokorren kargurako diru-laguntzen onuradunen gardentasunerako betebeharrak arautzen dituen 59/2013 Foru Dekretuaren 2. artikuluan aipatzen diren entitateek Gardentasunari eta Gobernu Irekiari buruzko ekainaren 21eko 11/2012 Foru Legearen bederatzigarren xedapen gehigarrian ezarritako gardentasunerako betebeharra bete beharko dute Nafarroako Aurrekontu Orokorren kargurako diru-laguntzak jasotzen badituzte eta bi inguruabar hauek suertatzen badira:
a) Emandako diru-laguntza 20.000 eurotik gorakoa izatea urtean.
b) Emandako diru-laguntza entitate onuradunaren negozio-zifraren edo urteko aurrekontuaren %20tik gorakoa izatea.
Aurreko atalean ezarritako kopuruak gainditzen diren zehazteko, Nafarroako Foru Komunitateko Administrazioak edo haren erakunde publikoek urte naturalean emandako diru-laguntza guztien kopuruak batuko dira. Urte batean baino gehiagotan ordaintzen diren diru-laguntzen kasuan, aurrekontuko ekitaldi bakoitzean emandako kopurua hartuko da kontuan ondorio horietarako, eta ez guztizko batura. Erreferentziako negozio-zifra edo urteko aurrekontua honako hauen arteko txikiena izanen da:
a) Aurreko urteko negozio-zifra edo betearazitako aurrekontua.
b) Hala badagokio, negozio-zifra, edo diru-laguntza ematen den ekitaldian entitatearen organo eskudunak onartutako aurrekontua.
Aipatu diren inguruabarrak gertatzeagatik gardentasunari lotutako betebeharrak dituzten entitate onuradunek jarraian adierazten den informazioa eman beharko dute:
a) Entitatearen gobernu, administrazio eta zuzendaritza organoen osaera.
b) Organo horiek osatzen dituzten kargudunen zerrenda.
c) Entitateak aurreko urtean kargudun bakoitzari emandako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan jasotakoa izanen da.
d) Kargudun bakoitzak gobernuko, administrazioko eta zuzendaritzako eginkizunetan duen dedikazioaren araubidea.
e) Entitate onuradunaren urteko azken kontuen kopia bat.
Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoaren bide telematikoak erabiliz, eta diru-laguntza kudeatzen duen administrazio unitateari bidaliko zaio. Informazioa bidaltzeko epea hilabetekoa izanen da, diru-laguntza ematen duen ebazpena jakinarazten den egunetik hasita; bestela, argitaratzen den egunetik hasita.
Informazio hori urtebetez egonen da aztergai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori igarota, informazioa argitaratzeko ardura duen unitateak ofizioz kenduko du. Hala egin ezean, entitate onuradunak kentzeko eskatzen ahalko du, eta eskakizun hori gehienez ere hilabeteko epean bete beharko da eskaera egiten denetik hasita.
Entitateak gardentasun betebeharra bete behar ez badu, aurreikusitako inguruabarrak gertatzen ez direlako, horren gaineko deklarazio bat aurkeztu beharko du.
Entitateak ekitaldi berean diru-laguntza bat baino gehiago jasotzen baditu, ez du informazioa errepikatu beharko diru-laguntza bakoitzean, salbu eta hasieran eman zituen datuak aldatzen badira.
Onuradunak informaziorako betebeharrak ez betetzeak ekar ditzakeen zehapenak galarazi gabe, ez betetze horren ondorioz ezin izanen da emandako diru-laguntza ordaindu, aurrerakinak barne, eta, hala bada, kobratutako zenbatekoak itzuli beharko dira, Diru-laguntzei buruzko Foru Legearen 35.1.c) artikuluan ezarritakoari jarraikiz.
6. Ebazpen honen kontra gora jotzeko errekurtsoa jar daiteke, Hezkuntza Departamentuko kontseilariari zuzendua, deialdia argitara eman eta biharamunetik hilabeteko epean.
7. Ebazpen hau eta eranskina Nafarroako Aldizkari Ofizialean argitara daitezela agintzea.
8. Ebazpen hau eta eranskina igortzea ikastetxe interesdunei, Gizarte Politiketako Departamentuko Garapenari Arreta Emateko eta Pertsonak Gizarteratzeko Zerbitzuari, Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Antolamenduaren eta Aukera Berdintasunaren Zerbitzuari, Hezkuntzako Ikuskapen Zerbitzuari, Baliabide Ekonomikoen Zerbitzuari, Aniztasunarekiko Arretaren eta Hezkuntza Premia Berezien Atalari, Ikastetxeen, Finantzaketaren eta Ikasketetarako Laguntzen Atalari eta Kudeaketa Ekonomikoaren Bulegoari, behar diren ondorioak izan ditzaten.
Iruñean, 2014ko abenduaren 31n.–Hezkuntza Baliabideen zuzendari nagusia, Iñigo Huarte Huarte.
ERANSKINA 410003-41140-4811-322D02 kontu-saila: |
IFZ | HERRIA | IKASTETXEA | UNIT. | ORDAINKETA %40 | ORDAINKETA %45 | ORDAINKETA %15 | DIRU-LAGUNTZA, GUZTIRA |
G31725484 | ILUNDAIN | HARITZ BERRI baserri-eskola | 3 | 108.480,21 | 122.040,23 | 40.680,07 | 271.200,51 |
G31725484 | ILUNDAIN | HARITZ BERRI baserri-eskola | 1,5 | 21.910,85 | 24.649,71 | 8.216,58 | 54.777,14 |
G48469803 | BASAURI | Berriztu hezkuntza elkartea | 0,5 | 7.303,62 | 8.216,57 | 2.738,86 | 18.259,05 |
G31780562 | IRUÑA | “Etxabakoitz” lantegi-eskola fundazioa | 2 | 72.320,14 | 81.360,15 | 27.120,05 | 180.800,34 |
R3100108 D | GARES | “PUENTE” ikastetxea | 2 | 72.320,14 | 81.360,15 | 27.120,05 | 180.800,34 |
G31729114 | CASCANTE | “La RIBERA” | 2 | 72.320,14 | 81.360,15 | 27.120,05 | 180.800,34 |
G31279961 | BERRIOZAR | “LANTXOTEGI” lantegi-eskola | 1 | 36.160,07 | 40.680,08 | 13.560,02 | 90.400,17 |
G71005235 | TUTERA | ‘’EL CASTILLO’’ lantegi-eskola | 1 | 36.160,07 | 40.680,08 | 13.560,02 | 90.400,17 |
| 426.975,24 | 480.347,12 | 160.115,70 | 1.067.438,06 |
426.975,24 | 640.462,82 | |
2014 | 2015 |
F1501135 |
Iragarkiaren kodea: F1501135