Iragarkia
26. ALDIZKARIA - 2015eko otsailaren 9a
1. NAFARROAKO FORU KOMUNITATEA
1.7. BESTELAKOAK
23/2015 EBAZPENA, otsailaren 5ekoa, Hezkuntzaren, Lanbide Heziketaren eta Unibertsitateen zuzendari nagusiak emana, prozeduraren jarraibideak, egutegia eta eskabide eredua onesten dituena Nafarroako Foru Komunitatean Haur Hezkuntzako bigarren zikloko eta Lehen Hezkuntzako ikasketak egin behar dituzten ikasleak ikastetxe publikoetan eta pribatu itunduetan onartzeko, 2015-2016 ikasturterako.
8/2015 Foru Aginduak onesten ditu Nafarroako Foru Komunitatean Haur Hezkuntzako bigarren zikloko eta Lehen Hezkuntzako ikasketak egin behar dituzten ikasleak ikastetxe publikoetan eta pribatu itunduetan onartzeko prozedura arautzen duten oinarriak, eta haren 3. oinarriaren 3. idatz-zatian ezartzen den moduan, eskolatze arloan eskumena duen zuzendaritza nagusiak, urtero, ebazpen batean finkatuko ditu ikasturte bakoitzeko prozesua zehazten duten data eta jarraibideak.
Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Ikasleak ikastetxe publikoetan eta pribatu itunduetan onartzeko prozedurarako jarraibideak, egutegia eta eskabide eredua onestea, 2015-2016 ikasturtean Nafarroako Foru Komunitateko Haur Hezkuntzako bigarren zikloko eta Lehen Hezkuntzako ikasketak egin ditzaten; ebazpen honen I., II. eta III. eranskinetan jaso dira.
2. Ebazpen hau eta eranskinak igortzea Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura, Hezkuntzako Parte-hartzearen, Irakasleentzako Arretaren eta Informazioaren eta Komunikazioaren Teknologien Zerbitzura, Hizkuntzen eta Arte Ikasketen Zerbitzura, Lanbide Heziketaren Zerbitzura, Baliabide Ekonomikoen Zerbitzura, Hezkuntzako Azpiegituren Zerbitzura eta Nafarroako Eskolatze Batzorde Nagusira, behar diren ondorioak izan ditzaten.
3. Ebazpen honen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
4. Ebazpen hau eta eranskinak Nafarroako Aldizkari Ofizialean argitaratzea.
Iruñean, 2015eko otsailaren 5ean.–Hezkuntzaren, Lanbide Heziketaren eta Unibertsitateen zuzendari nagusia, David Herreros Sota
I. ERANSKINA |
HAUR HEZKUNTZAKO BIGARREN ZIKLORAKO ETA LEHEN HEZKUNTZARAKO JARRAIBIDEAK | |
IKASPOSTUA ESKATZEA | 1. Ikastetxeek eskabide orriaren fotokopia zigilatua emanen diote eskatzaileari, eskabidea zein egunetan sartu den adierazita duela. 2. Aurreinskripzioa egiteko eskabidearekin batera, erroldatze ziurtagiria edo bolantea aurkeztu behar da. Bertan, gutxienez ere, ikaslearen izena eta aitaren eta/edo amaren edo legezko tutorearen izena agertuko dira eta helbide horretan bizi behar dira dagokion puntuazioa lortzeko. 3. Ikastetxeek EDUCA bidez sartuko dituzte eskabide guztiak aurreinskripzioa egiteko epean, puntu guztiak beteta dituztela. 4. Nahitaez igorri eta jakinarazi behar da matrikularako aurreikuspena horretarako ezarritako epean, EDUCA programako “Ikastetxearen eskaintza (VII. eranskina)” delakoaren bitartez. |
ESKABIDEAK AURKEZTEA ETA BANATZE ETA DIBORTZIO EGOERAK | Eskabidea baliozkotzat eta eraginkortzat joko da ondoko kasuetako bat gertatzen denean: –Bi gurasoek sinatu dute. –Gurasoetako batek bakarrik sinatu du, baina Zin eginez aitortzen dut gurasoak/tutoreak ados gaudela eskabide honekin laukitxoa markatu du. –Gurasoetako batek bakarrik sinatu du, baina Aitortzen dut gurasoak/tutoreak banatze, dibortzio edo desadostasun egoeran gaudela eta ebazpen judiziala edo indarreko agiria ematen dut, non ondorioztatzen den soilik niri dagokidala erabakitzea semea/alaba zein ikastetxetan eskolatu laukitxoa markatu du, aipatutako agiriak eman ditu eta agiri horietatik erabakia soilik berari dagokiola ondorioztatzen da. Agiri horietatik ez bada ondorioztatzen erabakia soilik berari dagokiola, eskabidea tramitatuko da banatze, dibortzio edo desadostasun egoeretan ikastetxeek nola jardun behar duten arautzen duten jarraibideetan eskolatzeari buruzko zatian (1. atala) ezarritako irizpideen arabera ulertu badaiteke bi gurasoek onartzen dutela, eta egoera hori emandako agiriekin egiaztatu bada. –Beste edozein kasutan, eskatzaileari eskabidea osatzeko eskatu beharko zaio, ematen zaion epean ez badu egiten, eskabidea baliogabetuko dela ohartaraziz. |
POSTA KODEA | 1. Eskatzailearen helbidearen posta kodea eta eskatzen den ikastetxearena kode bera izan beharko dira, irizpide osagarri horren bidez eskatzaileari 0,5 puntu eman ahal izateko. Errolda ziurtagirian edo bolantean, helbide hori ohiko helbide gisa agertu beharko da, gutxienez ere, 2015eko urtarrilaren 1a baino lehen. 2. Ikastetxean ikasleak bi egoitza desberdinetan, bata bestearen ondoren, eskolatuz gero, bi posta kodeak hartuko dira kontuan. |
JAIEGUNAK | 1 Ebazpen honen II. eranskinean adierazitako datak aginduzkoak dira. “Bukaera egunen bat” jaieguna bada ikastetxe batean, jai ez den hurrengo egunera aldatuko da, eta behar duen publizitatea emanen zaio. |
IRIZPIDE OSAGARRIAK | 1. 8/2015 Foru Aginduak, 2. oinarriko 7. idatz-zatian ezartzen duen gisan, ikastetxe bakoitzeko organo eskudunak gehienez ere puntu bat ematen ahalko du beste irizpide osagarri batzuengatik. 2. Ikastetxeek EDUCA bidez igorri beharko dituzte irizpide osagarri hauek Nafarroako Eskolatze Batzorde Nagusira, behin baino ez eta 2015eko urtarrilaren 29ko 14:00ak baino lehenago, hark gainbegira ditzan. 3. Nafarroako Eskolatze Batzorde Nagusiak ikastetxeei jakinaraziko die, EDUCA bidez, proposatu dituzten irizpide osagarriak onartu edo baztertu egiten dituen. |
IKASLEAK ONARTZEKO BAREMOA | 1. Jendaurrean egon beharko dute, bai barematzeko irizpideek, bai erreklamazioren bat egin ahal izateko ezarri den prozedurak. 2. Dokumentuz egiaztatzen ahal diren irizpideak bakarrik onartuko dira baremorako. 3. 2013. urteko lanbidearteko gutxieneko soldata urtean 9.034,20 eurokoa da. Errenta aitorpena aurkeztuz gero, baliozkotze mekanikoaren kodea daraman ale bat izan beharko du. Per capita errenta kalkulatzeko, ondotik (dagokion atalean) ematen diren jarraibideak hartuko dira kontuan. Per capita errenta kalkulatuta, balio hori EDUCA aplikazioan dagokion laukitxoan sartuko da. 4. EDUCAk horietako bakoitzari esleituko dizkion errenta tarteak eta puntuazioa ondokoak dira: –Per capita errenta, lanbidearteko gutxieneko soldataren erdia (4.517,10 euro) edo txikiagoa bada: 1,5 puntu. –Per capita errenta, lanbide arteko gutxieneko soldataren erdia baino handiagoa, eta lanbidearteko gutxieneko soldataren hiru laurden (6.775,65 euro) edo txikiagoa bada: 1,0 puntu. –Per capita errenta, lanbide arteko gutxieneko soldataren hiru laurden baino handiagoa, eta lanbidearteko gutxieneko soldata (9.034,20 euro) edo txikiagoa bada: 0,5 puntu. –Per capita errenta lanbidearteko gutxieneko soldata baino handiagoa bada : 0 puntu. 5. Minusbaliotasun maila, %33koa edo handiagoa, dokumentu hauetako baten bidez frogatuko da: a) Adinekoen eta Gizarte Zerbitzuen Institutuak (IMSERSO) edo autonomia erkidegoko organo eskudunak emandako ebazpena edo ziurtagiria. (Gaur egun, Nafarroan, Gizarte Politiketako Departamentua da organo eskuduna). b) Gizarte Segurantzako Institutu Nazionalaren (INSS) ebazpena, ezintasun iraunkor osoagatik, erabateko ezintasun iraunkorragatik edo baliaezintasun handiagatik pentsioduna dela adierazten duena. c) Ekonomia eta Ogasun Ministerioaren edo Defentsa Ministerioaren ebazpena, lanerako ezintasun iraunkorragatik edo lanerako desgaitasunagatik erretiro pentsioa aitortzen duena. 6. Legez familia ugariko kide dela egiaztatzeko, horretarako ezarritako titulu ofiziala aurkeztuko da. 7. Eskaerak hartzeko epea bukaturik, ez da baremoan eragin dezakeen dokumentazio gehiago onartuko. 8. Onartuen behin-behineko eta behin betiko zerrendak EDUCAtik ateratako eredua erabiliz emanen dira aditzera, eta ikastetxeko toki ageri batean erakutsiko dira. 9. Zerrendak argitaratu aurretik, ikastetxeek onarpena EDUCAren bidez jakinarazi beharko dute. |
PER CAPITA ERRENTAREN KALKULUA, IKASLEAK ONARTZEKO BAREMORAKO | 1. Ondorio hauetarako, familia unitatearen errentatzat joko d(ir)a likidazio oinarri guztizkoa(k) (Nafarroan, errenta aitorpeneko 525 laukitxoa). 2. Ondorio hauetarako, familia unitatetzat joko dira familia bateko kideak, errenta aitorpeneko lehenengo orrian daudenak (aitorpenaren egilea, ezkontidea eta PFEZaren gaineko foru araudian ezarrita dauden terminoetan murrizketarako eskubidea duten pertsonak). 3. Ondorio hauetarako, familia unitatearen per capita errenta kalkulatuko da likidazio oinarri guztizkoa (atal honetako 1. puntua) zati familia unitateko kide kopurua eginez (atal honetako 2. puntua). |
GIZARTE ETA KULTURA EGOERA AHULEAN DAUDEN IKASLEENTZAKO ERRESERBA | 1. Erreserbatutako ikaspostu horiek eskuratu ahal izateko, ezinbestekoa da herriko Oinarrizko Gizarte Zerbitzuaren txostena aurkeztea. |
BESTE ERRESERBA BATZUK | 1. Ikasleak atzerriko hizkuntza bat ikasteko mugi daitezela errazteko, hori dela-eta ikastetxera joaten ez diren ikasleak beren ikaspostuetan matrikulatuta mantenduko dituzte ikastetxeek, gehienez ere, ikasturte batez. Epe hori bukatuta ikaslea ez bada ikastetxera itzultzen, zegokion ikaspostua galduko du. 2. Behin matrikulatu ondoren, aurreko puntuan aipatzen den kasuan dagoen ikasleak egoera hori jakinarazi beharko dio ikastetxeari, baita joanen den ikastetxearen izena, herria eta herrialdea ere. |
JENDAURREKO ZOZKETA | 1. Jendaurreko zozketa egin behar duten ikastetxeek hura zein egun, ordu eta tokitan eginen den garaiz adieraziko diote Eskolatze Bulegoari. Zozketa gutxienez ere ikastetxeko zuzendariaren/titularraren aurrean eginen da, Hezkuntzako Ikuskapen Zerbitzua bertan dela. 2. Jendaurreko zozketa egiteko prozedura: a) Zozketan parte hartuko dutenekin zerrenda bat prestatuko da eta haietako bakoitzari zenbaki bat emanen zaio, batetik (1) hasi eta N arte (N parte-hartzaile kopurua da). Zerrenda zenbakidun hori zozketa hasi aurretik jarriko da jendaurrean. b) Gutun-azal edo poltsa zabal eta opaku batean sartuko dira paper edo bola zenbakituak, hasi batetik (1) eta N arte (zozketatu beharreko eskabide kopuruak aginduko du). c) Jarraian, bakoitzean paper edo bola bat aterako da. d) Ateratako paperaren edo bolaren zenbakiak esanen du zerrendako zein pertsonak lortu duen ikaspostu hutsa. e) Urte berean jaiotako anai-arreben eskaeren kasuan, Hezkuntzako kontseilariaren otsailaren 4(e)ko 8/2015 Foru Aginduaren 2. oinarriko 10. idatz-zatian ezarritakoari jarraituko zaio. f) Ikaspostu huts guztiak esleitu ondoren, prozedura berarekin segituko da itxaron zerrenda prestatzeko, zozketako parte-hartzaileen zerrenda agortu arte. g) Zerrenda hau erabiliko da esleitutako ikaspostuei uko egiten bazaie. h) Aurreko prozedura osoaren akta idatzi, eta hartan erregistratuko da zozketaren emaitza. i) Zozketa bukatuta, haren emaitzaren arabera eratuko da onartu direnen zerrenda. |
ERREKLAMAZIOAK BEHIN-BEHINEKO ZERRENDARI | 1. Zer ikastetxetan egin den aurreinskripzioa, hango zuzendariari/titularrari zuzenduko zaizkio behin-behineko zerrendari egiten zaizkion erreklamazioak, ebazpen honen II. eranskinean ezarritako epeko azken eguneko 14:00ak baino lehen. |
AGIRIAK | 1. Ikasle berriek ikastetxe batean matrikula egiteko honako dokumentazioa aurkeztu beharko dute, bai epe arruntean eta berezian, bai ikasturtea hasita sartzen direnean: a) Familia liburuaren edo jaiotza agiriaren fotokopia eta, ikastetxeak erka ditzan, jatorrizko agiriak. b) Txerto txartela edo zein txerto dosi hartu dituen edo zein osasun azterketa egin zaion adierazten duen beste agiri mediko bat. c) Osasun txartelaren fotokopia. d) Egindako osasun azterketen txostenak, ikasleak urritasunik, eritasunik edo ikastetxeak jakin beharreko beste osasun arazorik baldin badu (txosten audiometrikoak, otorrinolaringologikoak, oftalmologikoak eta abar). e) Erroldaren ziurtagiria edo bolantea aurreinskripzioaren orriarekin batera aurkeztuko da ikastetxean, horretarako ezarritako epeetan. 2. Eskabide eta matrikulazio tramiteei dagozkien prozesu eta dokumentu guztietan, ikaslearen izen-deiturak bat etorriko dira familia liburuan agertzen direnekin. |
EPE BEREZIA | 1. Herrialdez edo bizilekuz aldatu direlako epe arruntean eskabidea egin ez zuten ikasleek soilik izanen dute aukera eskabidea epe berezian aurkezteko. 2. Bizilekuz aldatu dela egiaztatzeko erroldatze agiri edo bolantea aurkeztu beharko da, eta bertan egiaztatu beharko da epe arrunta amaitu ondorengo datarekin eman duela alta bizileku berrian. |
EPEZ KANPO ESKOLATZEA | 1. Ikaspostua eskatzen ahalko duten ikasle bakarrak izanen dira epe arruntaren eta bereziaren ondotik bizilekuz aldatu direlako ikastetxe berria behar dutela justifikatzen dutenak. Egoera horren egiaztagiriak aurkeztu beharko dira. 2. Ikastetxe guztiek eman eta jasoko dituzte eskabideak, ikaspostu hutsak izan edo ez, eta tramitatu eginen dituzte behar diren oharrekin, Hezkuntza Departamentuari ikasle horiek eskolatzen laguntzearren. |
KOMUNIKAZIO BIDEAK | –Helbide elektronikoa: nescolar@navarra.es. –Gurasoei eta ikasleei informazioa eta aholkua ematea: 848 42 66 17. –Tramitazio eta onarpen kontuak, ikastetxeentzat: 848 42 69 77. –Eskolatze Arloko koordinatzailea: 848 42 32 12. –FAXa: 848 426987. |
II. ERANSKINA 2015-2016 Ikasturtea Haur eta Lehen hezkuntzako ikasleak onartzeko prozesuaren egutegia |
PROZESUA | HASIERA DATA | BUKAERA DATA | |
EPE ARRUNTA | |||
Irizpide osagarriak Batzordeari igortzea | Urtarrilaren 29a | 14:00ak arte | |
Eskabideak jasotzea (izena emateko epea) | Otsailaren 9a | Otsailaren 13a | 14:00ak arte |
Azken eguna aurreinskribatutako ikasleen datuak EDUCA bidez sartzeko | Otsailaren 16a | ||
Eskaerak barematzea | Otsailaren 16ra arte | ||
Onartutako ikasleen behin-behineko zerrenda ikastetxean, ongi ikusteko moduko toki batean, jartzea eta onartutako ikasleen jatorrizko ikastetxeei jakitera ematea | Otsailaren 25era arte | ||
Onartuen behin-behineko zerrendaren kontrako erreklamazioak | Otsailaren 26a | Otsailaren 27a | 14:00ak arte |
Onartuen behin-behineko zerrendaren kontrako erreklamazioak ebaztea | Martxoaren 2a | ||
Onartutako ikasleen behin betiko zerrenda ikastetxean, ongi ikusteko moduko toki batean, jartzea | Martxoaren 3a | ||
VII. eranskina (Aurreikusitako matrikula datuak) EDUCAren bidez igorri eta jakinaraztea | Martxoaren 3a | ||
Lehen hautuan onartu ez diren ikasleei ikaspostuak esleitzea | Martxoaren 4a | Martxoaren 13a | |
4. hautuko ikasleei ikaspostuak esleitzea | Martxoaren 16a | Martxoaren 24a | |
Bigarren Hezkuntzako ikastetxera berari atxikitako ikasleen zerrenda igortzea | Martxoaren 31 | Apirilaren 1a | |
Ikasleak matrikulatzea | Ekainaren 22a | Ekainaren 26a | 14:00ak arte |
VII. eranskina (Matrikulatutako ikasleen datuak) EDUCA bidez igorri eta jakinaraztea | Ekainaren 29a | ||
EPE BEREZIA | |||
Eskabideak jasotzea (izena emateko epea) | Irailaren 1a | Irailaren 2a | 14:00ak arte |
Azken eguna aurreinskribatutako ikasleen datuak EDUCA bidez sartzeko | Irailaren 2a | ||
Eskaerak barematzea | Irailaren 2a | ||
Onartuen behin-behineko zerrenda | Irailaren 2a | ||
Onartuen behin-behineko zerrendaren kontrako erreklamazioak | Irailaren 3a | Irailaren 4a | 14:00ak arte |
Ebazpena eta onartuen behin betiko zerrenda | Irailaren 4a | ||
Ikasle onartuak eta ez-onartuak EDUCAren bidez igorri eta jakinaraztea | Irailaren 4a | ||
Ikasleak matrikulatzea | Irailaren 7a | Irailaren 8a | 14:00ak arte |
VII. eranskina (Matrikulatutako ikasleen datuak) EDUCA bidez igorri eta jakinaraztea | Irailaren 8a | ||
Lehen hautuan onartu ez diren ikasleei ikaspostuak esleitzea | Irailaren 9a | ||
iii. eranskina haur eta lehen hezkuntzan izena emateko eskabidea. 2015-2016 ikasturtea Inprimakia bete baino lehenago, irakurri atxikitako informazioa: |
IKASLEAREN DATUAK | ||||||||
1. deitura: | 2. deitura: | |||||||
Izena: | Jaioteguna: | |||||||
Jaioterria: | Nazionalitatea: | |||||||
Helbidea: | Herria: | |||||||
Posta kodea: | Helbide elektronikoa: | |||||||
1. telefono zk.: | 2. telefono zk.: | |||||||
Baremaziorako, amaren, aitaren edo tutoreetako baten lantokiko helbidea eman nahi da, etxeko helbidearen ordez: | ||||||||
Helbidea: | Herria: | |||||||
2014-2015 IKASTURTEAN EGINDAKO IKASKETAK | ||||||||
Ikasmaila: | Etapa: | |||||||
Ikastetxea: | Herria: | |||||||
2015-2016 IKASTURTERAKO ESKATZEN DITUEN IKASTETXEAK | ||||||||
IKASTETXEA | IKASMAILA | AUKERA* | HERRIA | |||||
1. | ||||||||
2. | ||||||||
3. | ||||||||
*AUKERAK (Aukera guztiak ez daude eskuragarri ikastetxe guztietan) | ||||||||
G Irakaskuntza gaztelaniaz | G-IIP Gaztelaniaz, ingelesa ikasteko programarekin | |||||||
A Irakaskuntza gaztelaniaz eta euskara irakasgai gisa | A-IIP Aurreko aukera eta euskara irakasgai gisa | |||||||
D Irakaskuntza euskaraz | D-IIP Euskaraz, ingelesa ikasteko programarekin | |||||||
B Irakaskuntza euskaraz gaztelaniazko irakasgai batzuekin | G-Br Gaztelaniaz, British programarekin G-AIP Gaztelaniaz, alemana ikasteko programarekin | |||||||
Atzerriko hizkuntza: | Erlijioa (zein erlijio adierazi) ........... Hezkuntza Arreta | |||||||
Zerbitzuak: | Garraioa: Bai Ez | Jantokia: Bai Ez | ||||||
ESKATUTAKO IKASTETXEAN DITUEN ANAI-ARREBAK | ||||||||
IZENA | IKASMAILA | IKASTETXEA | ||||||
AURKEZTUTAKO AGIRIAK | ||||||||
NAHITAEZKOAK | Familia liburuaren / pasaportearen fotokopia | |||||||
Erroldatze agiri edo bolantea | ||||||||
AUKERAKOAK | Balidazio mekanikoaren kodea duen errenta aitorpenaren alea | |||||||
Urritasun egiaztagiria Baimena ematen da datuak horretarako sortu den erroldan sartzeko (89/2004 FA, apirilaren 7koa) | ||||||||
Ikaspostua erreserbatzeko aukera du; Gizarte Zerbitzuen txostena beharrezkoa da | ||||||||
Lanpostuaren ziurtagiria | ||||||||
Legez familia ugariko kide dela egiaztatzen duen agiri ofiziala. | ||||||||
Hezkuntza premia bereziak dituen ikaslea | ||||||||
Aitortzen dut eskabidean jarritako informazioa eta ekarritako dokumentazioa egiazkoak direla eta Hezkuntza Departamentuari baimena ematen diot behar diren egiaztapenak egiteko. Zin eginez aitortzen dut gurasoak/tutoreak ados gaudela eskabide honekin (nahitaezkoa da hau markatzea bi gurasoek ez badute eskabidea sinatu) Aitortzen dut gurasoak/tutoreak banatze, dibortzio edo desadostasun egoeran gaudela eta ebazpen judiziala edo indarreko agiria ematen dut, non ondorioztatzen den soilik niri dagokidala erabakitzea semea/alaba zein ikastetxetan eskolatu (nahitaezkoa bi gurasoek ez badute eskabidea sinatu edo ez badute aurreko laukitxoa markatu). .....................(e)n, 2015eko ..................aren ...........(e)an AITA / AMA / TUTOREA IKASTETXEAREN ZIGILUA Izen-deiturak: NANa/AIZ/Pasaportea: Sinadura: Bildutako datuak behar den bezalako konfidentzialtasunarekin eta erreserbarekin informatizatuko dira, eta ezarritako helbururako bakarrik erabiliko, Datu Pertsonalak Babesteari buruzko abenduaren 13ko 15/1999 Lege Organikoaren arabera. | ||||||||
Prozesu osorako informazio interesgarria
1. Onartzeko baremoa. Baremazioa eginen da ikastetxeen eskabide kopurua ikaspostu hutsena baino handiagoa denean. Berdinketak ebazteko irizpideak ordena honekin aplikatuko dira:
–Ikastetxean anai-arrebak matrikulaturik izateagatik edo guraso nahiz tutoreren batek ikastetxean lan egiteagatik puntu gehien lortu dituena.
–Desgaitasuna izatea.
–Gurasoren baten edo legezko tutoreen bizilekua edo lantokia gertu izatea.
–Familia unitatearen urteko errentak.
–Legez familia ugariko kide izatea.
–Beste irizpide osagarri batzuk, aurrekoak aski ez badira izan lehentasun ordena ezartzeko:
- Eskatzailearen helbideak eta eskatutako ikastetxeak posta kode bera izatea, 2015/01/01a baino lehenago.
- Nafarroako Eskolatze Batzordeak onartutakoa(k), ikastetxeko eskola kontseiluak proposatu ondoren.
–Jendaurreko zozketa eskatzen den ikastetxeko zuzendariaren/titularraren aurrean, Hezkuntzako Ikuskapen Zerbitzua bertan dela.
2. Ikasposturik gabeko ikasleak. Lehenik eskatutako ikastetxean ikasposturik lortzen ez bada, Hezkuntza Departamentuak esleituko du ikaspostua, baita eskabideak baliogabetzen badira ere.
3. Ikasleak onartzeko araudia ondoko helbidean dago:
http://www.educacion.navarra.es/eu/web/dpto/normativa.
Informazio interesgarria epe arrunterako
4. Eskatzaile bakoitzak eskabide bakarra aurkeztu beharko du, behar bezala betea, lehen tokian eskatutako ikastetxean. Eskabide bat baino gehiago aurkeztuz gero, denak baliogabetuko dira eta ez dira tramitatuko.
5. Kontuan hartu beharreko epeak:
–Eskabideak eta baremoari eragiten ahal dioten agiriak aurkeztea: otsailaren 9tik otsailaren 13ko 14:00ak arte.
–Onartuen behin-behineko zerrenda ikastetxean jendaurrean jartzea: otsailaren 25era arte.
–Onartuen behin-behineko zerrendari erreklamazioak egitea: otsailaren 26tik otsailaren 27ko 14:00ak arte.
–Onartuen behin betiko zerrenda jendaurrean jartzea: martxoaren 3an.
–Onartutako ikastetxean matrikula egitea: ekainaren 22tik ekainaren 26ko 14:00ak arte.
Informazio interesgarria epe berezirako
6. Herrialdez edo bizilekuz aldatu direlako epe arruntean eskabidea egin ez zuten ikasleek soilik izanen dute aukera eskabidea epe berezian aurkezteko. Bizilekuz aldatu dela egiaztatzeko erroldatze agiri edo bolantea aurkeztu beharko da, eta bertan egiaztatu beharko da epe arrunta amaitu ondorengo datarekin eman duela alta bizileku berrian.
7. Eskatzaile bakoitzak eskabide bakarra aurkeztu beharko du, behar bezala betea, lehen tokian eskatutako ikastetxean. Eskabide bat baino gehiago aurkeztuz gero, denak baliogabetuko dira eta ez dira tramitatuko.
8. Kontuan hartu beharreko epeak:
–Eskabideak eta baremoari eragiten dion dokumentazioa aurkeztea: irailaren 1etik irailaren 2ko 14:00ak arte.
–Onartuen behin-behineko zerrenda ikastetxean jendaurrean jartzea: irailaren 2an.
–Onartuen behin-behineko zerrendari erreklamazioak egitea: irailaren 3tik irailaren 4ko 14:00ak arte.
–Onartuen behin betiko zerrenda jendaurrean jartzea: irailaren 4an.
–Onartutako ikastetxean matrikula egitea: irailaren 7tik irailaren 8ko 14:00ak arte.
Informazio interesgarria epez kanpoko eskabideetarako
9. Ikaspostua eskatzen ahalko duten ikasle bakarrak izanen dira epe arruntaren eta bereziaren ondotik bizilekuz aldatu direlako ikastetxe berria behar dutela justifikatzen dutenak. Egoera horren egiaztagiriak aurkeztu beharko dira.
10. Ikastetxe guztiek eman eta jasoko dituzte eskabideak, ikaspostu hutsak izan edo ez, eta tramitatu eginen dituzte behar diren oharrekin, Hezkuntza Departamentuari ikasle horiek eskolatzen laguntzearren.
Iragarkiaren kodea: F1501928
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
