258. ALDIZKARIA - 2015eko abenduaren 30a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2015eko abenduaren 23an hartua, Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak onesten dituena 2016ko urtarrilaren 1etik abenduaren 31ra bitarterako, bi egun horiek barne.

Nafarroako Gobernuaren 1997ko abenduaren 15eko eta 2007ko ekainaren 18ko erabakietan ezarritako prozedurari jarraikiz, Nafarroako AP-15 Autobidearen enpresa kontzesiodunak 2015eko azaroaren 24ko eskabidearen bitartez eskatu du onetsi daitezela tarifak berrikusteko koefiziente berria eta 2016ko tarifa eguneratuen taula.

Aipatu erabakietan ezarritakoaren arabera, Nafarroako Gobernuak “Autopistas de Navarra, S.A.” sozietate kontzesiodunean daukan ordezkariak aldeko txostena emanik, honako hauek onestea proposatzen da:

a) 2015eko urtarrilaren 1etik abenduaren 31ra arte indarrean dauden Nafarroako Autobidearen oinarrizko tarifak eta oinarrizko bidesariak berrikustea, -%0,665eko eguneratze koefizientea aplikatuz, 2014ko azaroaren 1etik 2015eko urriaren 31ra arteko KPI nazionalaren (-%0,7) %95 hain zuzen. Oinarrizko tarifak euroko sei dezimalekin adierazi dira, euroa ezartzeko aplikatu beharreko araudian ezarritakoari jarraikiz, horiek zehazkiago kalkulatzeko zortzi dezimal erabiltzen badira ere. Oinarrizko bidesariak kalkulatzean, emaitzak euroko bost zentimotara biribildu dira, zentimoen zenbatekoa zeroan edo bostean buka dadin beti.

b) Gaur egun indarrean dauden berariazko deskontuak aplikatzetik ateratzen diren bidesariak eguneratzea. Nafarroako Gobernuak urtero AUDENASAri ordaintzen dion konpentsazioa berariazko deskontuei egozteko modua ezartzen da, hark deskontuen politika aplikatzeagatik eskuratzen duen diru-bilketa, behar ez adinakoa, berdintzeko; konpentsazio hori, Nafarroako Zerga Ogasunak kontsultari emandako erantzunaren arabera, haren onuradun diren eragiketen prezioari lotutako diru-laguntzatzat hartu behar da. Eta irizpide berri horri jarraituz, ez baitakar aldaketarik kontzesiodunarekin sinatutako hitzarmenetan, ezartzen dira 2016rako bidesariak, 2015ean indarrean egon diren berariazko deskontuak aplikatzetik ateratzen diren bidesariei gehikuntzarik aplikatu gabe.

Adierazitakoarekin bat, Nafarroako Gobernuak, Ogasuneko eta Finantza Politikako kontseilariak proposaturik,

ERABAKI DU:

1. 2016ko urtarrilaren 1etik abenduaren 31ra arte honako oinarrizko tarifa hauek aplikatzea Nafarroako AP-15 autobideko tarteetan (AUDENASA-Autopistas de Navarra SA da autobide horren kontzesioduna), ibilgailuen kategoriaren eta egindako tartearen arabera:

TARTEA

TARIFAK (euro/kilometro)

Arinak

Astunak 1

Astunak 2

Hegoaldea (Tutera-Iruña)

0,087381

0,124369

0,169594

Iparraldea (Iruña-Irurtzun)

0,096199

0,124369

0,169594

2. Aipatu aldirako bidesarien oinarrizko prezioak kategoria, mota eta ordainlekuen arabera kalkulatzeko, kasuan kasuko tarifa egindako tartearen luzerarekin biderkatu behar da, eta gero, BEZa gehitu. Emaitza euroko bost zentimotara biribilduko da. Hona hemen, bada, oinarrizko prezioak:

KATEGORIA

MOTA

(ZENBATEKOA EUROTAN, BEZA BARNE)

MARTZILLA-Nagusia

MARTZILLA-Lotunea

TEBAS

SARATSA

Arinak

I. mota

5,45

2,70

3,60

2,10

Astunak 1

II. mota

7,75

3,85

5,15

2,75

Astunak 2

III. mota

10,55

5,25

7,00

3,75

3. Nafarroako Gobernuak urtero AUDENASAri ordaintzen dion konpentsazioa berariazko deskontuei egozteko modua ezartzen da, hark deskontuen politika aplikatzeagatik eskuratzen duen diru-bilketa, behar ez adinakoa, berdintzeko; konpentsazio hori, Nafarroako Zerga Ogasunak kontsultari emandako erantzunaren arabera, haren onuradun diren eragiketen prezioari lotutako diru-laguntzatzat hartu behar da. Hona nola:

3.1 Balio Erantsiaren gaineko Zergari buruzko abenduaren 30eko 19/1992 Foru Legearen 26. artikuluko 2. idatz-zatiko 3. zenbakiaren arabera, Nafarroako Gobernuak urtero egiten duen ekarpena bidesariaren prezioari lotutako diru-laguntzatzat hartu behar da eta, beraz, zerga-oinarriaren parte behar du izan. Urtean indarra izanen duenez, hura hasi aurretik oinarri hori kalkulatzeko, honako hau hartuko da kontuan:

–Zenbatsukoa den aurreko urterako aterako den ekarpena.

–Zenbatsukoak diren bukatzen den urtean aplikatzen diren berariazko deskontuak kasu desberdinetan.

–Ekarpen horren egozpena deskontu desberdinetan, honako 3.2 atalean adierazten diren portzentajeen arabera.

3.2 Gutxi gorabehera bada ere, esan daiteke Nafarroako Gobernuaren ekarpena deskontuen merkataritza politika aplikatzeagatik behar adina lortu ez diren diru-sarrerak berdintzeko dela era honetan:

–%90, ibilgailu astunentzat, handi samarra baita horrelako erabiltzaileei aplikatzen zaien deskontuaren portzentajea; izan ere, bada interesa bide segurtasuna handitu dadin gaitasun handiko bide horretan, eta handia da erabiltzaile horiek azpiegituran eragiten duten higadura.

–Gainerako %10a, ibilgailu arinen erabiltzaile guztiei aplikatzen zaizkien berariazko deskontuengatik (72 ordu baino lehenagoko dohaineko itzulera kontuan izan gabe).

–Gainerako deskontuak, hala nola, 72 ordu baino lehenagoko dohaineko itzulera eta ohiko erabileragatiko deskontua, enpresaren merkataritza politikatzat jotzen dira.

3.3 Kalkulu horiek abenduan egiten dira urtero, Nafarroako Gobernuak, tarifak eta bidesariak berrikustearekin batera, urtero eguneratu behar dituen berariazko deskontuen politikaren arabera ateratzen diren prezioak ezartzeko unean; era horretan, prest egoten dira hurrengo urteko urtarrilaren batean eta jakiten da zer zerga-oinarri baliatuko den BEZa igortzeko kasu desberdinetan. Ezinezkoa denez jakitea nor diren autobidearen erabiltzaile guztiak, ezin izanen da zerga-oinarri hori zuzendu urte naturala bukatu eta dagokion ekarpenaren zenbatekoa jakin ondoren.

3.4 Beraz, 2015. urtean egin beharreko ekarpenerako eta kasu desberdinetan aplikatzen diren deskontuetarako AUDENASAk igorri dituen aurreikuspenak kontuan izanda, diru-laguntzaren zenbateko hauek ateratzen dira berariazko deskontuen prezioari loturik:

–Berariazko deskontuak ibilgailu arinentzat (72 ordu baino lehenagoko itzulera kontuan hartu gabe): %22,33.

–Berariazko deskontuak ibilgailu astunentzat (1 eta 2): %57,41.

Ibilgailu arinen kasuan, kalkulua biribildu gabe egin da, AP-15 txartelaren edo antzeko gailuaren bidez ordaintzen baita. Ibilgailu astunen kasuan, ordaintzeko AP-15 txartelik edo antzekorik erabiltzea derrigorrezkoa ez denez, kalkuluaren emaitza euroko bost zentimotara biribildu da, zenbatekoa zero edo bost zentimotan buka dadin beti.

4. Nafarroako Gobernuaren 1997ko abenduaren 15eko, 2000ko otsailaren 28ko, 2001eko martxoaren 19ko eta 2007ko ekainaren 18ko erabakietan ezarritakoa eta erabaki honen 3. atalean adierazitakoa aplikatuz, aldi horretarako eguneratu egiten dira, baita ere, berariazko deskontuak aplikatzetik ateratzen diren bidesariak, eta, beraz, honela geldituko dira, kategoria, mota eta ordainlekuen arabera (BEZa barne):

4.1 Ibilgailu arinak:

Bidesariaren ordainlekua

Berariazko deskontua duten bidesariak (BEZa gabe)

Jasanarazitako BEZa

Berariazko deskontua duten bidesariak (BEZa barne)

Bidaia bakoitzeko bidesaria (itzulera doan), BEZa barne

Martzilla-Nagusia

2,59

0,63

3,22

1,610

Martzilla-Lotunea

1,33

0,32

1,65

0,825

Tebas

1,74

0,42

2,16

1,080

Saratsa

1,04

0,25

1,29

0,645

Bidesaria AP-15 txartelarekin ordaintzen duten ibilgailu arinen erabiltzaileei aplikatuko zaizkie berariazko deskontuak, edo deskontuei loturiko antzeko gailu batekin ordaintzen dutenei (Teleordainketari buruzko 2008ko martxoaren 14ko hitzarmena). Itzulerako bidaia 72 ordu baino lehen egiten badute, itzulerako bidaia hori doan izanen da.

Ibilgailu arinen gainerako erabiltzaileei indarra duten oinarrizko tarifak eta bidesariak aplikatuko zaizkie.

4.2 Ibilgailu astunak 1:

Bidesariaren ordainlekua

Berariazko deskontua duten bidesariak (BEZa gabe)

Jasanarazitako BEZa

Berariazko deskontua duten bidesariak (BEZa barne)

Martzilla-Nagusia

2,48

0,99

3,45

Martzilla-Lotunea

1,32

0,50

1,80

Tebas

0,95

0,60

1,55

Saratsa

0,95

0,36

1,30

Ibilgailu astunak 2:

Bidesariaren ordainlekua

Berariazko deskontua duten bidesariak (BEZa gabe)

Jasanarazitako BEZa

Berariazko deskontua duten bidesariak (BEZa barne)

Martzilla-Nagusia

2,48

1,27

3,75

Martzilla-Lotunea

1,32

0,64

1,95

Tebas

0,95

0,78

1,75

Saratsa

0,95

0,46

1,40

1 ibilgailu astunei (II. mota) eta 2 ibilgailu astunei (III. mota) berariazko deskontuak egin ondoko bidesariak, aurreko taulan adierazi direnak, aplikatuko zaizkie, zein den ere ordaintzeko erabiltzen den modua.

5. Erabaki honek 2016ko urtarrilaren 1etik aurrera izanen ditu ondorioak, egun hori barne.

6. Erabaki hau Herri Lan Zuzendaritza Nagusira, Nafarroako Gobernuak kontzesiodunean duen Ordezkaritzara eta Ogasuneko eta Finantza Politikako Departamentuko Idazkaritza Nagusira igortzea, eta Autopistas de Navarra SAri jakinaraztea.

7. Erabaki hau Nafarroako Aldizkari Ofizialean argitaratzea abenduaren 31 baino lehen, orok jakin dezan.

Iruñean, 2015eko abenduaren 23an.–Nafarroako Gobernuko kontseilari idazkaria, María José Beaumont Aristu.

Iragarkiaren kodea: F1517250