1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
178/2015 EBAZPENA, azaroaren 17koa, Ingurumeneko eta Lurraldearen Antolamenduko zuzendari nagusiak emana, behin betiko onesten duena Baztango Aroztegiko jauregiaren Turismo, Hotel, Kirol eta Egoitza Eremuaren Udalez Gaindiko Plan Sektorialaren Konpentsazio Batzordearen Estatutuen proiektua.
Baztango Aroztegiko jauregiaren Turismo, Hotel, Kirol eta Egoitza Eremuaren Udalez Gaindiko Plan Sektorialaren Konpentsazio Batzordearen Estatutuen proiektua hasiera batean onetsi zen Lurraldearen Antolamenduaren, Mugikortasunaren eta Etxebizitzaren zuzendari nagusiaren uztailaren 22ko 654/2015 Ebazpenaren bidez; orobat, jendaurrean jarri zen (171. Nafarroako Aldizkari Ofiziala, uztailaren 22koa) eta entzutea eman zitzaien ukitutako jabeei.
Proiektua jendaurrean egon da hogei egunez. Epe horretan alegaziorik aurkeztu ez denez, bidezko da prozedura jarraitzea eta aipatu estatutuak behin betiko onestea, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 161., 76. eta 74. artikuluetan xedatutakoari jarraikiz eta, horrenbestez, Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen abuztuaren 28ko 137/2015 Foru Dekretuak ematen dizkidan eskudantziak erabiliz,
EBATZI DUT:
1. Behin betiko onestea Baztango Aroztegiko jauregiaren Turismo, Hotel, Kirol eta Egoitza Eremuaren Udalez Gaindiko Plan Sektorialaren Konpentsazio Batzordearen Estatutuen proiektua.
2. Sustatzaileari ohartaraztea Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 161.4 artikuluan ezarritakoari jarraikiz, epea emanen dela, hiru hilabetekoa gehienez ere, konpentsazio batzordea era dezan, eskritura publikoaren bidez.
3. Adieraztea ebazpen honek ez duela administrazio bidea amaitzen eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dutela haren kontra, Lurraldearen Antolamendu eta Etxebizitzako kontseilariari zuzendua, hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen epe horiek.
4. Ebazpen hau ukitutako jabeei jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2015eko azaroaren 17an.–Ingurumeneko eta Lurraldearen Antolamenduko zuzendari nagusia, Eva García Balaguer.
Iragarkiaren kodea: F1515858
