242. ALDIZKARIA - 2015eko abenduaren 4a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

2463/2015 EBAZPENA, azaroaren 24koa, Nafarroako Enplegu Zerbitzuko zuzendari kudeatzaileak emana, Nafarroako Enplegu Zerbitzuko zuzendari kudeatzailearen otsailaren 16ko 218/2015 Ebazpena aldatzen duena. Hartan, 134.013 euroko gastua baimendu zen langabeziaren kapitalizazioagatik Gizarte Segurantzako kuotak ordaintzeko, 2015era luzatutako 2012ko gastuen aurrekontuko “Enplegu plana. Langabeziaren kapitalizazioagatik Gizarte Segurantzako kuoten ordainketa, Konferentzia Sektorialak kofinantziatua" izeneko 170001 15100 4809 241106 kontu-sailaren kargura; kuota horiek ekainaren 19ko 1044/1985 Errege Dekretuaren bidez daude arauturik.

Nafarroako Enplegu Zerbitzuko zuzendari kudeatzailearen otsailaren 16ko 218/2015 Ebazpenaren bidez, 134.013 euroko gastua baimendu zen langabeziaren kapitalizazioagatik Gizarte Segurantzako kuotak ordaintzeko diru-laguntza gisa, “Enplegu plana. Langabeziaren kapitalizazioagatik Gizarte Segurantzako kuoten ordainketa, Konferentzia Sektorialak kofinantzatua" izeneko 170001 15100 4809 241106 kontu-sailaren kargura, kuota horiek ekainaren 19ko 1044/1985 Errege Dekretuaren bidez arauturik.

Dagoen eskaera egonda, ez baita 218/2015 Ebazpenaren bidez baimendutako aurrekontuko diru-izendapenarekin estali, Eskubide Sozialetako kontseilariaren azaroaren 18ko 270/2015 Foru Aginduaren bidez onetsitako transferentziaren bitartez handitzea erabaki da, guztira 180.000 euro gehiago, langabeziaren kapitalizazioagatik Gizarte Segurantzako kuotak ordaintzeko diru-laguntzen deialdian zehaztutako zenbatekoa.

Azaldutakoarekin bat, eta martxoaren 14ko 15/2012 Foru Dekretuak onetsitako Nafarroako Enplegu Zerbitzuaren estatutuen 13. artikuluak ematen dizkidan eskudantziak erabiliz,

EBATZI DUT:

1. Langabeziaren kapitalizazioagatik Gizarte Segurantzako kuotak ordaintzeko diru-laguntzen deialdirako baimendutako gastua eta ondoren egindako diru-gehikuntza aldatzea, deialdi horretarako kredituari 180.000 euro gehituta; ekainaren 19ko 1044/1985 Errege Dekretuak arautzen ditu kuota horiek.

2. Deialdi horretan baimendutako gastuari 180.000 euro gehitzeko baimena ematea. Diru hori “Enplegu plana. Langabeziaren kapitalizazioagatik Gizarte Segurantzako kuoten ordainketa, Konferentzia Sektorialak kofinantzatua" izeneko 170001 15100 4809 241106 kontu-sailaren kargura ordainduko da 2015. urtera luzatutako 2012ko gastuen aurrekontutik (diru-laguntza eta laguntzen biltegi zentraleko zenbakia: 4964).

3. Ebazpen hau Nafarroako Aldizkari Ofizialean argitaratzea.

4. Ebazpen honen kontra, gora jotzeko errekurtsoa aurkez daiteke, Nafarroako Gobernuko Eskubide Sozialetako kontseilariari zuzendua, hilabeteko epean, argitaratu eta biharamunetik hasita, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 115. artikuluari eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluari jarraikiz.

Iruñean, 2015eko azaroaren 24an.–Nafarroako Enplegu Zerbitzuko zuzendari kudeatzailea, Paz Fernández Mendaza.

Iragarkiaren kodea: F1515885