1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
9C/2015 EBAZPENA, irailaren 28koa, Politika Ekonomiko eta Enpresarialaren eta Lanaren zuzendari nagusiak emana, Zangozako eta Cordovillako lantokietarako Smurfit Kappa Navarra SA enpresaren berdintasun planari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Zangozako eta Cordovillako lantokietarako Smurfit Kappa Navarra SA enpresaren berdintasun planari buruzko akordioa (kode zenbakia: 31100031112015) aztertu da, Erregistro honetan 2015eko irailaren 11n sartu zena eta enpresaren ordezkariek eta sindikatuen ordezkariek 2013ko uztailaren 23an izenpetu eta 2015eko irailaren 25ean zuzendu zutena, Langileen Estatutuari buruzko Legearen testu bategina onetsi zuen martxoaren 24ko 1/1995 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen eta Akordioen Erregistro eta Gordailuei buruzko maiatzaren 28ko 713/2010 Errege Dekretuaren 2.1.f) artikuluan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2015eko irailaren 28an.–Politika Ekonomiko eta Enpresarialaren eta Lanaren zuzendari nagusia, Pilar Irigoien Ostiza.
ERANSKINA
Smurfit Kappa Navarra SA enpresaren berdintasun plana. Zangoza - Cordovilla (PDF).
Iragarkiaren kodea: F1514592