221. ALDIZKARIA - 2015eko azaroaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

37/2015 EBAZPENA, urriaren 26koa, Lehendakaritzako, Funtzio Publikoko, Barneko eta Justiziako Departamentuko idazkari tekniko nagusiak emana, Lehendakaritzako, Funtzio Publikoko, Barneko eta Justiziako Departamentuko idazkari tekniko nagusiaren urriaren 15eko 36/2015 Ebazpenean atzemandako akatsa zuzentzen duena. Haren bidez, Nafarroako Administrazio Publikoaren Institutuaren Zerbitzuko zuzendariaren esku utzi zen euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko eskumena.

Lehendakaritzako, Funtzio Publikoko, Barneko eta Justiziako Departamentuko idazkari tekniko nagusiaren urriaren 15eko 36/2015 Ebazpenaren bidez, Nafarroako Administrazio Publikoaren Institutuaren Zerbitzuko zuzendariaren esku utzi zen euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko eskumena. Ebazpen hori 2015eko 212. Nafarroako Aldizkari Ofizialean argitaratu zen, urriaren 26an.

Euskara jakitearen gaineko ziurtagiriak emateko eskumena hutsegitez Nafarroako Administrazio Publikoaren Institutuaren Zerbitzuko zuzendariaren esku utzi zela atzeman denez, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105.2 artikuluan ezarritakoari jarraikiz, bidezko da akatsa zuzentzea.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legeak ematen dizkidan ahalmenak erabiliz,

EBATZI DUT:

1. Lehendakaritzako, Funtzio Publikoko, Barneko eta Justiziako Departamentuko idazkari tekniko nagusiaren urriaren 15eko 36/2015 Ebazpenean (2015eko 212. Nafarroako Aldizkari Ofiziala, urriaren 26koa) atzemandako akatsa zuzentzea, ondoren adierazten den moduan. Haren bidez, Nafarroako Administrazio Publikoaren Institutuaren Zerbitzuko zuzendariaren esku utzi zen euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko eskumena.

Honela dioen tokian: “euskarari eta Europar Batasuneko hizkuntzei”.

Honela behar du: “Europar Batasuneko hizkuntzei”.

2. Ebazpen hau Nafarroako Administrazio Publikoaren Institutuari igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan.

Iruñean, 2015eko urriaren 26an.–Lehendakaritzako, Funtzio Publikoko, Barneko eta Justiziako Departamentuko idazkari tekniko nagusia, Olga Artozqui Morrás.

Iragarkiaren kodea: F1514533