1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
175/2015 EBAZPENA, irailaren 23koa, Landa Garapeneko, Nekazaritzako eta Abeltzaintzako zuzendari nagusiak emana, Nekazaritza Zerbitzuko zuzendariaren esku uzten duena araudiak nekazaritza arloan Landa Garapeneko, Nekazaritzako eta Abeltzaintzako zuzendari nagusiari ematen dizkion zenbait eskumen administratiboren erabilera.
Abuztuaren 12ko 59/2015 Foru Dekretuaren bidez, Landa Garapeneko, Ingurumeneko eta Toki Administrazioko Departamentuaren egitura organikoa ezarri zen. Abuztuaren 28ko 137/2015 Foru Dekretuaren bidez, Landa Garapeneko, Ingurumeneko eta Toki Administrazioko Departamentuaren egitura organikoa ezarri zen.
Nafarroako Foru Komunitateko Administrazioari buruzko abenduaren 3ko 15/2004 Foru Legearen azken xedapenetako lehenak ezartzen du lege horren aurretiko araudiak kontseilariei esleitzen zizkien ebazteko eskumenak zuzendari nagusiei dagozkiela, salbuespen batzuk gorabehera.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 36.1 artikuluak xedatzen du organoen berezko eskumenak maila bereko edo beheragoko beste organo batzuen esku uzten ahalko direla.
Landa Garapeneko, Ingurumeneko eta Toki Administrazioko Departamentuko jarduerak azkarrak eta eraginkorrak izan daitezen, bidezkotzat jo da Nekazaritza Zerbitzuko zuzendariaren, Abeltzaintza Zerbitzuko zuzendariaren eta Nekazaritzako Ustiategien eta Elikagaien Sustapenerako Zerbitzuko zuzendarien esku uztea indarreko araudiak Landa Garapeneko, Nekazaritzako eta Abeltzaintzako zuzendari nagusiari esleitzen dizkion eskumen batzuk.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen abuztuaren 28ko 137/2015 Foru Dekretuarekin bat,
EBATZI DUT:
1. Nekazaritza Zerbitzuko zuzendariaren esku uzten dira araudiak nekazaritza arloan Landa Garapeneko, Nekazaritzako eta Abeltzaintzako zuzendari nagusiari esleitzen dizkion honako eskumen administratibo hauek:
–Produktu fitosanitarioen erabiltzaile profesionalak prestatzeko ikastaroak emateko baimena duten entitateak izendatzea.
–Produktu fitosanitarioak erabiltzeko gaikuntza ikastaroen baliozkotzea eta homologazioa.
–Ekoizle eta Operadoreen Erregistro Ofizialean babes fitosanitarioaren baliabideak inskribatzea.
–Establezimendu eta Zerbitzu Plagiziden Erregistro Ofizialean inskripzioa egitea.
–Labore ongarrien eta Substratuen Fabrikatzaileen Erregistro Ofizialean inskripzioa egitea.
–Lohiak Nekazaritzarako Ustiatzen Dituzten Entitateen Erregistroan inskripzioa egitea.
–Produktu fitosanitarioak aplikatzeko ekipamenduen ikuskapen teknikorako estazioak baimentzea.
–Produktu fitosanitarioak aplikatzeko ekipoak ikuskatzeko urteko programa onestea.
–Haziak eta mintegiko landareak ekoiztu eta merkaturatzeari aplikatu beharreko araubide juridikoari buruzkoak, diru-laguntzei eta tasei dagozkienak izan ezik.
2. Abeltzaintza Zerbitzuko zuzendariaren esku uzten dira araudiak abeltzaintza arloan Landa Garapeneko, Nekazaritzako eta Abeltzaintzako zuzendari nagusiari esleitzen dizkion honako eskumen administratibo hauek:
–Albaitariak gaitzea edo sinestamendua ematea abeltzaintzari lotutako jardueretarako.
–Abeltzaintzako ustiategiak baimendu eta erregistroan inskribatzea: altak, bajak eta aldaketak.
–Garraiolariak, abereentzako ibilgailuak eta zaintzaile baimenduak baimentzea eta erregistroan inskribatzea.
–Abereen eta abere-produktuen agente ziurtatzaileak baimendu eta erregistroan inskribatzea.
–Europako Batasunaren barreneko trukeetarako merkatariak eta merkataritzako artekariak baimendu eta erregistroan inskribatzea.
–Abereen elikaduraren arloko establezimendu eta operadoreak baimendu eta erregistro ofizialean inskribatzea.
–Albaitaritzako botikekin lotutako establezimenduak baimendu eta erregistro ofizialean inskribatzea.
–Gizakien kontsumorako ez diren abere-azpiproduktuen operadoreak baimendu eta erregistro ofizialean inskribatzea.
–Abereak garraiatzeko ibilgailuak garbitu eta desinfektatzeko zentroak baimendu eta erregistroan inskribatzea.
–Behi, ardi, ahuntz, txerri eta zaldi aziendako material genetikoa jaso, bildu, banatu eta merkaturatzeko operadoreak baimendu eta erregistroan inskribatzea.
–Osasun defentsarako elkarteen osasun planak eta horien aldaketak onestea.
3. Nekazaritzako Ustiategien eta Elikagaien Sustapenerako Zerbitzuko zuzendariaren esku uzten dira araudiak Landa Garapeneko, Nekazaritzako eta Abeltzaintzako zuzendari nagusiari esleitzen dizkion honako eskumen administratibo hauek:
–Mahatsondoak birlandatzeko eskubideak transferitzeko baimena.
–Mahatsondoak landatzeko baimena.
–Nafarroako Mahastien Erregistroan inskripzioa egin, baja eman eta aldaketa egiteko baimena.
–Nafarroako Nekazaritzako Ustiategien Erregistroan inskribaturik dauden nekazaritzako ustiategien eta ustiategi titularren katalogazioak onestea.
4. Eskuordetza honen bidez ematen diren ebazpen guztietan inguruabar hori aipatu beharko da espresuki. Ebazpen horiek Landa Garapeneko, Nekazaritzako eta Abeltzaintzako zuzendari nagusiak emanak bailiran hartuko dira ondorio guztietarako.
5. Ebazpen hau Nekazaritza Zerbitzuari, Abeltzaintza Zerbitzuari, Nekazaritzako Ustiategien eta Elikagaien Sustapenerako Zerbitzuari eta Idazkaritza Tekniko Nagusiari jakinaraztea.
6. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2015eko irailaren 23an.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1514150
