Iragarkia

212. ALDIZKARIA - 2015eko urriaren 26a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

6C/2015 EBAZPENA, irailaren 8koa, Politika Ekonomiko eta Enpresarialaren eta Lanaren zuzendari nagusiak emana, Zangozako Smurfit Kappa Navarra SA enpresaren hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.

Zangozako Smurfit Kappa Navarra SA enpresaren hitzarmen kolektiboaren testua (kode zenbakia: 31005501011981) aztertu da, enpresaren eta sindikatuen ordezkariek 2015eko abuztuaren 20an sinatu ondoren erregistro honetan 2015eko irailaren 4an sartu zena, Langileen Estatutuari buruzko Legearen Testu Bategina onetsi zuen martxoaren 24ko 1/1995 Legegintzako Errege Dekretuaren 90. artikuluko 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, denek jakin dezaten.

Iruñean, 2015eko irailaren 8an.–Politika Ekonomiko eta Enpresarialaren eta Lanaren zuzendari nagusia, Pilar Irigoien Ostiza.

“SMURFIT KAPPA NAVARRA, S.A.” ENPRESAREN LAN HITZARMEN KOLEKTIBOA, ZANGOZAN DUEN LANTOKIRAKO

I. KAPITULUA

Arau orokorrak

Alderdiak zehaztea.

Smurfit Kappa Navarra SA enpresan du eragina lan hitzarmen kolektibo honek, eta bi alderdiek hitzartua da, alde batetik enpresa zuzendaritzak, eta bestetik, enpresa batzordeak, aho batez.

1. artikulua. Langile eremua.

Hitzarmen kolektibo honek Smurfit Kappa Navarra SA enpresan du eragina (Zangozako lantegia) eta langile guztiei aplikatuko zaie, hala gaur egunekoei nola etorkizunekoei, goi zuzendaritzako pertsonala eta oihan ustiapenetako langileak salbuetsita.

Ordainsariei dagokienez, hitzarmenetik kanpora geldituko dira teknikarien eta administrarien VIII. eta IX. mailetako langileak, enpresarekin bakarkako kontratua euren borondatez adosten badute edo adostu badute.

2. artikulua. Indarraldia eta salaketa.

Hitzarmenak 2015eko urtarrilaren 1ean hartuko du indarra, eta 2017ko abenduaren 31ra bitarte iraunen du. Langileen Estatutuaren 86. artikuluan aurreikusitako ondorioetarako, ulertutako da hitzarmen hau 2017ko irailaren 30ean salatuta dagoela, eta negoziazio-mahaia 2018ko maiatzaren 31rako osatu beharko da. Indarraldia amaitzen denetik, 48 hilabeteko epea egonen da, hitzarmen berria negoziatzeko, eta epe horretan hitzarmen honek indarrean jarraituko du, berriak ordezten duen arte.

Epe horiek iraganik hitzarmena berritzeko adostasunik lortu gabe, Langileen Estatutuaren 83. artikuluan aurreikusitako prozedurei atxikitzeko eta men egiteko sistemak aplikatuko dira. Nahitaezko arbitrajea ez da onartuko gatazka konpontzeko metodo gisa.

Arrazoi ekonomiko, tekniko, antolaketako edo produkziokoak direla eta, enpresak hitzarmen honetan bildutako edozein baldintza aldatu nahiko balu, aldez aurretik negoziatu beharko du nahitaez, dela batzorde paritarioan dela bi ordezkaritzak elkartuta, eta, kasua bada, aldaketaren xedeko baldintzak berridazten ahal dira, baina ez da onartuko nahitaezko arbitrajea gatazka konpontzeko metodo gisa. Bi ordezkaritzen arteko akordioa beharko da aplikazio ezari buruzko desadostasuna Hitzarmen Kolektiboetarako Aholku Batzorde Nazionalaren edo autonomia erkidegoetan sortzen ahalko den hirualdekoaren eraginpean jartzeko.

3. artikulua. Ordainsariak.

1.–2015erako ordainsariak 2014ko abenduaren 31ko lansarien tauletan agertzen diren diru-kopuruei Estatuko 2014ko KPI erreala gehitzearen ondoriozkoak izanen dira. Igoera horrekin prestatu dira 11., 12., 16., 18., 19., 20., 24., 25., 31., 33., 34., 35. eta 38. artikuluetan bildutako taulak eta zenbatekoak.

2.–2016. urterako, 2015eko ordainsariei 2015eko Estatuko KPI errealeko igoera aplikatuko zaie.

3.–2017. urterako, 2016ko ordainsariei 2016ko Estatuko KPI errealeko igoera aplikatuko zaie.

Urte bakoitzean aldagaiak finkatzeko ondorioetarako, 42. artikuluan xedatuari jarraituko zaio (aldagaiak).

Hitzarmen honen indarraldian, KPIaren eta aldagaien batuketa negatiboa bada, %0 aplikatuko da soldataren berrikuspenean.

4. artikulua. Baldintza hobeak.

Hitzarmen honetako zehaztapen ekonomikoak eta beste era guztietakoak, oro har hartuta, gutxieneko mailakotzat hartzen dira; beraz, aurretik zeuden egoera guztiak hitzarmenaren barnean bilduak daude, eta orokorrean orain itundutakoak baino egoera hobeak zituzten langileei errespetatu eginen zaizkie lehengoak.

5. artikulua. Konpentsazioa.

Ordainsari kontzeptu guztietan edo batzuetan aldaera ekonomikoen sorburu izan daitezkeen legezko aldaketak hitzarmen honetan itundutakoak irentsiko ditu.

Eragin praktikoa izanen dute baldin eta urteko kalkuluen arabera orokorrean hitzarmen honen maila osotara hartuta gainditzen badute eta orduan bakarrik.

6. artikulua. Batzorde Paritarioa.

Batzorde Paritario horren eskumena izanen da legean ezarritako gaietan eta esleitzen zaion beste batzuetan esku izatea eta, bereziki, honako hauetan:

1.–Hitzarmen kolektiboa interpretatzea.

2.–Itundutakoa betetzen den zaintzea.

3.–Elkarren arteko adostasunez alderdiek ematen dizkioten gaiak.

Jarduteko prozedura:

Alderdi bakoitzak aurreko lerroaldean aipatutako gaiei buruz sortzen diren galderak eginen dizkie bere ordezkariei; beste alderdiari galdera horien berri emanen zaio, eta alderdiak ados jarri beharko dira 15 eguneko gehieneko epean, azken jakinarazpenetik aurrera zenbatuta, Batzorde Paritarioaren bilera egiteko eguna eta ordua finkatzeko. 15 eguneko gehieneko epean, Batzordeak akta eginen du hartu dituen erabakiekin eta hitzartu diren salbuespenekin, alderdiek ituntzen dituzten salbuespenak izan ezik. Erabakiek aho batekoak izan beharko dute eta interesdunei jakinaraziko zaizkie, bileraren aktaren bidez.

Bilera arruntak:

Hiru hilabetean behin, Batzorde Paritarioak bilera arrunta eginen du, denbora horretan sortu diren gaiak bilduta. Alderdiak ados egonda zehaztuko da zein egunetan eginen den.

7. artikulua. Aplikatu beharreko xedapenak.

Hitzarmen honetan aurreikusi ez den orotan, Langileen Estatutuan, Barne Araubideko Erregelamenduan eta indarra duten xedapenetan zehaztutakoari jarraituko zaio.

II. KAPITULUA

Lanbideen sailkapena eta mailak

8. artikulua. Lan taldeak eta azpitaldeak.

Enpresako langileak talde hauetan daude sailkatuak:

I.–Teknikariak.

II.–Administrariak.

III.–Mendekoak.

IV.–Beharginak.

IV. taldean, beharginei dagokien horretan, azpitalde hauek biltzen dira:

1. E mailako ofizialak.

1. A mailako ofizialak.

1. B mailako ofizialak.

1. C mailako ofizialak.

2. mailako ofizialak.

3. A mailako ofizialak.

3. B mailako ofizialak.

1. mailako espezialistak.

2. mailako espezialistak.

2. mailako espezialistak.

Laborategia.

Teknikarien taldean 2. mailako analista azpitaldea Barne Araubideko Erregelamenduan Laborategiko ofizialentzat ezarritako eginkizunekin lotzen da.

1. mailako analistak izanen dira 2. mailako analisten eginkizunetan ari direnak baina halako eraginkortasun graduan ezen arreta bereziko lanak egiteko eta laborategi bati dagozkion analisi eta entsegu guztiak menderatzeko gaitasuna baitute. Maila hori emateko lantegiko kudeatzaileak onetsi beharko du aurretik.

9. artikulua. Zereginak baloratzeko sistema.

Lan jardueraren ordainsarien egitura ahal den neurrian zuzena eta suspergarria izan dadin, langileak mailaz maila daude sailkatuta, egiten ari diren lanen arabera eta zeregin bakoitzari datxezkion faktoreak, tasunak eta erantzukizunak kontuan hartuta.

Ikusirik egin daitezkeen aldaketak eta har daitezkeen lan sistema berriak, enpresak berrikusiko ditu baloratutako zereginetan gertatzen diren aldaeren arabera eginiko balorazioak.

Enpresak ezarri nahi dituen aldaketak eta hartu nahi dituen lan sistema berriak abian jarri aurretik, enpresa batzordeak txostena eman dezake.

Era berean, geroan sor daitezkeen lanpostuak ere baloratuko dira. Berrikuspen edo balorazio berri hori enpresak eginen du.

Enpresak lanpostuen balorazioa egin aurretik, enpresa batzordeak txostena presta dezake.

Lanpostu bakoitzari esleitutako mailek ez dute lotura zuzenik lan azpitaldeekin eta horiek ez dituzte mailak finkatzen, baina mailek bai, ordea, parekatutako lan azpitaldeak finkatzen dituzte.

Mailak esleitutako lanaren arabera zehazten dira.

10. artikulua. Lan mailak eta azpitaldeak.

a) I., II. eta III. taldeetako langileak.

(Teknikariak, administrariak eta mendeko langileak).

II. maila.–Administrari laguntzaileak eta laborategiko laguntzaileak, laborategiko 2. mailako analistak, kalkatzaileak, mendekoak.

III. maila.–2. mailako administrari-ofizialak, laborategiko 2. mailako analistak, delineatzaileak.

IV. maila.–2. mailako administrari-ofizialak, 1. mailako administrari-ofizialak, laborategiko 1. mailako analistak, 2. mailako kontramaisuak, bajetako ordezkoak, delineatzaileak, laguntzaile teknikoak.

V. maila.–2. mailako kontramaisuak, 1. mailako kontramaisuak, 1. mailako administrari-ofizialak, delineatzaile proiektugileak, laborategiko 1. mailako analistak, laguntzaile teknikoak.

VI. maila.–Delineatzaile proiektugileak, 1. mailako kontramaisuak, atalburuak, administrazioko buruak, teknikari tituludunak.

VII. maila.–atalburuak, administrazioburuak, teknikari tituludunak, departamentuburuak.

VIII. maila.–Departamentuko buruak, administrazioko buruak eta teknikari tituludunak.

IX. maila.–Goi mailako buruak eta teknikari tituludunak.

Langile orok du zein mailatan dagoen jakiteko eskubidea.

b) IV. taldea (beharginak).

II. maila.–Maila honetan langile sartu berriak eta prestakuntzan ari direnak sartzen dira soilik. Maila honetako iraupena hilabete batekoa izanen da gehienez ere lanpostu bakoitzean.

3. mailako espezialistarekin parekatutako lan azpitaldea.

III. maila.–Maila honetan langile sartu berriak, aldi baterako kontratudunak edo iraupen jakin bateko beste edozein kontratu duten langileak sartzen dira bakarrik, salbu eta II. mailan zehaztutakoa.

2. mailako espezialistarekin parekatutako lan azpitaldea.

IV. maila.–Papera egiteko makinetako bobinagailuko laguntzaileak, zuraren prestaketako laguntzaileak, papera egiteko makinetako 2. mailako laguntzaileak, paper eta resmen paketatzaileak, lanbide osagarrietako 1. mailako espezialistak.

1. mailako espezialistarekin parekatutako lan azpitaldea.

V. maila.–Kanpoko paper-orearen prestaketako gidariak, jasomakinen eta zubi-garabi kabinadunen gidariak, lanbide osagarrietako 3. mailako ofizialak.

3. B mailako ofizialarekin parekatutako lan azpitaldea.

VI. maila.–Zuraren prestaketako gidariak. Zelulosa-ebakinen gidaria.

3. A mailako ofizialarekin parekatutako lan azpitaldea.

VII. maila.–Papera egiteko makinetako bobinagailuko gidariak, jasomakinen eta zubi-garabi kabinadunen gidaria-taldeburua (igorpenak), papera egiteko makinetako 1. mailako laguntzaileak, paper-orea ataleko artekaria.

Uraren kaustifikazio eta aurretratamendurako laguntzailea, berreskuratze eta energiako laguntzailea, traktoristak, zuraren parkeko traktore-garabi gidariak, lanbide osagarrietako 2. mailako ofizialak.

2. mailako ofizialarekin parekatutako lan azpitaldea.

VIII. maila.–Errefinaketako gidaria, traktore-garabi gidatzailea-kontramaisuen bajetan ordezkoa (zuraren parkea), berreskuratze eta energiako bigarren artekaria (lurrunketa eta tall-oil), kaustifikazioko gidariak, lanbide osagarrietako 1. mailako ofizialak.

1. C mailako ofizialarekin parekatutako lan azpitaldea.

IX. maila.–Berreskuratze eta energiako lehen artekaria (galdara osagarria eta turbina). Lanbide osagarrietako 1. mailako ofizialak.

1. B mailako ofizialarekin parekatutako lan azpitaldea.

X. maila.–Paper-orea kontrolatzeko zentroko operadoreak, papera egiteko makinetako gidariak, bajetako ordezkoak, lanbide osagarrietako 1. mailako ofizialak.

1. A mailako ofizialarekin parekatutako lan azpitaldea.

XI. maila.–Berreskuratze eta energiako kontrol zentroko operadoreak, bajetako ordezkoak, lanbide osagarrietako 1. maila bereziko ofizialak.

1. E mailako ofizialarekin parekatutako lan azpitaldea.

c) Lana antolatzean ahaleginak eginen dira langile orok autoerrealizazioa, ekimena eta gogobetetasuna izateko modua izan dezan, bai eta lana aberatsagoa, aldakorragoa eta taldean egina izan dadin.

Enpresako zuzendaritzak, lanaren antolaketa dela-eta, goragoko nahiz beheragoko azpitalde edo mailako lanak esleitu ahalko ditu, edo azpitalde edo maila berean baina beste lanpostu batzuetan, gainetik duen nagusi hurrenaren aburuz langileak prestakuntza egokia baldin badu, baina betiere atal berean eta Langileen Estatutuan ezarritako mugen barnean.

Goragoko azpitaldeko lanak eginez gero, langileak berak duen azpitaldearen eta ordezkatzen duenaren arteko lana/orduen diferentzia kobratuko du (urteko ordainsari gordina urteko lanorduez zatitua). Ekainaren 16tik irailaren 15era ez da diferentzia hori jasoko, 13. artikuluan ezarritako plusarekin ordeztuko baita.

Langileak gaitzeko asmoz, zuzendaritza saiatuko da ezen nahi duten langileek, kontuan hartuta haien ahalmenak eta ezagupenak, aukera izan dezaten ohikoa ez duten lanpostu batean trebatzeko, beste atal batean, baina lan araubide berean. Era horretako proposamenak bere eginen ditu langileriak, gehienez ere hiru hilabeteko aldian.

Artikulu honen ondorioetarako, hauek dira atalak:

–Pastak.

–Berreskuratzea eta Energia.

–Papera.

–Mantentze-lana.

–Laborategia.

–Bulegoak.

d) IV. taldeko langileen lanpostu hutsak (beharginak).

IV. taldeko lanpostu hutsak (beharginak) betetzeko aukera dute lanbide talde berean ari diren langile finko guztiek.

Ahaleginak eginen dira erretiroa edo beste arrazoi bat dela kausa hutsik gelditzen diren lanpostuak lanpostua uzten duen langileak alde egin aurretik konpontzeko. Horretarako, beharrezkoa izanen da lanpostua utzi behar duen langileak 6 hilabete lehenagotik jakinaraztea erabaki hori.

Baldintza horiek betetzen ez badira, ahaleginak eginen dira lanpostua hutsik gelditzen denetik 90 eguneko epean behar den bermeekin betetzeko.

Lanpostu hutsak betetzeko deia eginen da.

Eskatzaileek proba psikoteknikoak egin beharko dituzte eta lanpostu hutsaren ezagupen teoriko eta praktikoei buruzkoak.

Honela baloratuko dira proba horiek:

–Psikoteknikoa: 0-10 puntu.

–Teorikoa: 0-15 puntu.

–Laneko segurtasuna eta osasuna. 0-20 puntu.

–Praktikoak: 0-25 puntu.

–Esperientzia lanpostu hutsean: 0-20 puntu.

Lanpostu horretan 6 hilabete baino gehiago (jarraian edo etenekin) eta, arloko buruaren arabera, eraginkortasun osoz aritu diren langileei 20 puntu emanen zaizkie.

Gainerako kasuetan, arloko buruak baloratuko du esperientzia, 0 eta 20 puntu bitarte.

–Prestakuntza: 0-10 puntu.

10 puntu horiek enpresak berak banatuko ditu, honako irizpide hauek kontuan hartuta:

–5 puntu, segurtasunaren arloko prestakuntzagatik.

–3 puntu, lanpostuaren berariazko prestakuntzagatik.

–2 puntu, prestakuntza orokorragatik.

Proben emaitzetan berdinketarik gertatuz gero antzinatasunari emanen zaio lehentasuna.

Proba horiek gainditzeko, gutxienez puntuen %60 atera beharko da, eta lanpostua puntuazio handiena lortu duen eskatzaileari adjudikatuko zaio.

Lanpostua finko bihurtzeko, probaldia ere gainditu beharko da, hilabetekoa aurreneko lau mailetakoentzat eta hiru hilabetekoa gainerakoentzat. Bakoitzaren gaineko txostena atalburuak eginen du.

Lanpostu hutsa ez badu langile finko batek ere eskatzen, edo probetako gutxieneko puntuazioa inork ere gainditzen ez badu, lanpostu huts horren deialdia behin-behineko langileei zuzenduko zaie.

Egindako probak eta ateratako emaitzak baloratuko dituen epaimahaia lau kidek osatuko dute, horietako bi enpresako zuzendaritzak izendatuak eta beste biak enpresa batzordeak bere kideen artetik hautatuak, bete beharreko lanpostu hutsen azpitalde berekoak edo goragokoak.

Batzordeko bi kide bederen ez badaude lanbide taldearen azpitalde berekoak edo goragokoak, batzordeak plantillako beste kideen artetik hautatuko ditu. Epaimahaiburua enpresak izendatutako bi kideetako bat izanen da eta, behar izanez gero, bere kalitateko botoa erabiliko du.

Barne Araubideko Erregelamenduaren 33. artikulutik 37.era arteko artikuluak, biak barne, indargabetu dira.

e) I., II. eta III. taldeko langileen igoerak (teknikariak, administrariak eta mendekoak). II.etik VII. era bitarteko mailak, biak barne.

I., II. eta III. mailetan lanpostu hutsen bat geldituz gero, erraztasunak emanen dira enpresako langileek haiek hartzeko aukera izan dezaten.

Hautapena egiteko sistema eta irizpideak finkatzea enpresari dagokio, honako hauek kontuan harturik:

–Lanpostu hutsak betetzeko deia eginen da.

–Lanpostuan aritzeko behar den gutxieneko prestakuntza eta titulazioa enpresak finkatuko ditu.

–Lanpostuan aritzeko gaitasunetan berdinduta izanez gero, lehentasuna antzinatasunari emanen zaio.

–Bi izangaien gaitasunak eta prestakuntza berdina baldin badira, enpresako langileek izanen dute lehentasuna lanpostu hutsak betetzeko.

Lanpostua finkatzeko, honako probaldi hauek gainditu beharko dira:

–Lehenbiziko hiru mailetan (II., III. eta IV. mailak), hilabetekoa.

–Gainerako mailetan (V., VI. eta VII. mailak), hiru hilabetekoa.

Atalburuak behar den txostena prestatuko du.

f) IV. taldeko kontratazio berriak (beharginak):

Sartu berri diren langile guztiek IV. taldeko II. mailan ezarritako soldata jasoko dute lan egiten duten lehenbiziko hilabetean.

Soldata maila hori langile sartu berrientzat eta prestakuntzan ari direnentzat da soilik, okupatzen ahal duten lanpostu desberdin bakoitzeko, eta, hortaz, halakorik ez zaie langileei aplikatuko lanpostu batean lehenago aritu ondoren geroago lanpostu horretarako kontratatzen badira. Epe horretan, horretarako ezarritako prestakuntza plana bete behar du langileak.

Ez dute lanposturik beteko, ezinbesteko kasuetan izan ezik.

g) Bajetako ordezkoak:

Bajetako ordezkoaren figura sortzen da, eta haren egutegia eta baldintzak hitzarmen hau sinatu eta hurrengo bi hilabetean zehaztuko dira.

h) Lanpostua finkatzeak ekarriko du langileari mugagabeko izaera ematea.

III. KAPITULUA

Ordainsariak eta lizentziak

11. artikulua. Lansariak mailaz maila.

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

12. artikulua. Antzinatasuna.

Antzinatasuna kalkulatzeko Barne Araubideko Erregelamenduan ezarritakoari jarraituko zaio.

Hirurtekoek eta bosturtekoek balio ekonomiko hauek izanen dituzte:

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

13. artikulua. Balioaniztasun plusa.

Ekainaren 16tik irailaren 15era, balioaniztasunean aritzen diren langileek 9 euroko osagarri lineal bat jasoko dute benetan lan egindako egun bakoitzeko. Hartara, ez dute azpitaldearen diferentzia kobratuko. Epe horretatik kanpo, azpitaldearen diferentzia jasoko da. Atal hau ez zaie aplikatuko bajetako ordezkoei, ez eta udan indargarri gisa kontratatutako langileei ere.

Balioaniztasunak lanbide talde berean eginen dira. Balioaniztasunik egin behar bada taldeen artean, azpitaldearen diferentzia jasoko da.

14. artikulua. Aparteko eskersariak.

Uztaileko eta Eguberrietako eskersariak, bakoitza hogeita hamar egunekoa, honela ordainduko dira:

–Enplegatuak: norberaren mailari dagozkion lansariak (11. artikulua), merezimenduen balorazioa, hitzarmen-osagarria eta antzinatasunagatiko igoera.

–Beharginak: norberaren mailari dagozkion lansariak (11. artikulua), plus finkoa, antzinatasunagatiko igoera eta LPEZko hobaria, egokitzen bada.

15. artikulua. Oporrak.

Opor egunak honela ordainduko dira:

–Enplegatuak: norberaren mailari dagozkion lansariak (11. artikulua), merezimenduen balorazioa, hitzarmen-osagarria eta antzinatasunagatiko igoera.

–Beharginak: norberaren mailari dagozkion lansariak (11. artikulua), plus finkoa, antzinatasunagatiko igoera eta LPEZko hobaria, egokitzen bada.

Oporretan egonik eritzen diren edo lanetik kanpoko istripua izaten duten langileei oporraldia eten eginen zaie, baina bajako frogagiri medikoa eraman beharko dute betiere, eta hitzarmenaren 28. artikuluan ezarritako araubide orokorrari jarraituko zaio.

Hartu gabe zenbat opor egun gelditu diren kalkulatzeko, oporraldian eri egondako egun naturalei 42/56 proportzioa aplikatuko zaie, baldin eta opor zikloetan 4 talde/hiru txanda erregimenean lan egin bada, 5 talde/hiru txandako kasuan; eta 40/56 proportzioa gainerako guztietan.

Oporrak eta, kasua bada, bakarka hartzen diren egunak ez dira diruz konpentsatzen ahal eta urte naturalaren barnean hartu beharko dira, salbu eta urtean zehar egutegia aldatu eta horren ondorioz hartzeko diren opor egunak ere aldatu beharra edo antzeko ondorioak gertatzen badira, edo bajak ordezkatu behar izanez gero.

16. artikulua. Aparteko orduak.

I.–Aparteko orduak ondorengo taulen arabera ordainduko dira:

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

Langile guztien eskubidea da astean dagozkien atseden egunak hartu ahal izatea. Horregatik, egun horietan bi alderdien borondatearen kontrako ohiz kanpoko arrazoiengatik lan eginen da bakar-bakarrik.

II.–Hiru multzotan banatzen dira aparteko orduak, zer dela-eta egin behar diren: ezinbesteko kasuak, egiturazkoak eta ohikoak.

–Ezinbesteko aparteko orduak izanen dira ohiz kanpoko ezustekoei edo hondamendiei aurrea hartu edo halakoak konpontzeko egiten direnak (suteak, uholdeak, etab.) eta, orobat, lehengaiak edo produktu bukatuak galtzeko arriskua dagoenean egiten direnak, bi alderdien nahiaren aurka bada ere.

Ordu horiek egitea nahitaezkoa izanen da.

–Egiturazko aparteko orduak dira ezusteko eskaerak, produkzio behar handiko uneak, ustekabeko absentziak, txanda aldaketak eta jardueraren izaerari lotutako egiturazko arrazoiak direla-eta egin beharrekoak. Halakotzat hartuko dira, orobat, produkzio prozesu arruntean gerta daitezkeen kalteak saihesteko egiten direnak. Aparteko ordu horiek eginen dira, baldin eta legean edo hitzarmen honetan aldi baterako kontratazioetarako edo kontratazio partzialetarako aurreikusitako aukerabideak erabiltzerik ez badago.

–Ohiko aparteko orduak izanen dira hitzarmen honetan itundutako lan ordutegiaren gainetik egiten direnak, lehen aipatutakoaren arabera ezinbesteko edo egiturazko aparteko ordutzat hartzeko egoerak tartean ez badira.

–Ohiko aparteko orduak kentzen dira, oro har. Aldian behin, enpresa batzordeak eta zuzendaritzak konpromiso hori betetzen ote den aztertuko dute.

Bi alderdi sinatzaileek uste dute aparteko orduak behar-beharrezkoa denean baizik ez egiteko erabakian oinarritzen den politika sozial solidarioak onurak dakartzala.

Aparteko orduak konpentsatzeko dagokion atsedenaldia hartzeko aukera dago, zein egunetan hartuko den nagusiarekin ados jarriz gero. Konpentsazioko atsedenaldia, ahal delarik, oporrak hartzeko ezarritako egunetan hartuko da, egutegi ofizialeko larunbatetan, igandeetan eta jaiegunetan izan ezik. Kasu horretan norberaren aferetarako egunak hartzeko arau berberak aplikatuko dira.

Hori ikusirik, arduradunek bi bide horiek erabiliko dituzte, kasuan kasuko langilearen nahiaren arabera. Hortaz, bi aukera horien artetik bereizkuntzarik ez da eginen. Konpentsatzeko atsedenaldia hartuz gero, zenbat apartako ordu egin diren, hainbeste atseden ordu hartuko dira, eta gainera, egindako ordu kopuruen %75 taula honen arabera ordainduko da (euro/ordua).

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

Hurrengo urteko urtarrilaren 31n konpentsazioko atseden egunak edo orduak hartu gabe egonen balira, likidatu eginen lirateke aurreko taularen balioa ordainduz.

17. artikulua. Lanean ez bertaratzeagatiko deskontuak.

Bidezko arrazoirik gabeko absentziak, baimen ez ordainduak eta arazo pertsonalengatik lanorduetan lanetik alde egiteak deskontatu eginen dira. Horrezaz aparte, bidezko arrazoirik gabeko absentzietan hutsegiteen eta zehapenen kapitulua aplikatuko da ondorengo formularen arabera (oporren, eskersarien, irabazien, jaiegunen eta igandeen zati proportzionalak barne).

Enplegatuak: ST × 2,00

Beharginak: ST × 2,02

ST = eguneko lansariak, hitzarmeneko osagarria, merezimenduen balorazioa eta antzinatasuna enplegatuentzat eta

Lansariak, plus finkoa, antzinatasuna eta LPEZeko hobaria beharginentzat.

Enpresa batzordeak proposa dezake oso ongi arrazoituriko absentzia partikular jakin batzuengatik deskontua egiteko orduan irizpide bereziak aintzat hartzea, eta gero, zuzendaritzak bidezkoa dena erabakiko du.

18. artikulua. Lanaldi jarraituagatiko konpentsazioa.

1. Eguneroko hiru txandatako lanaldi jarraituan ari diren langileei ondorengo konpentsazioa emanen zaie eguneko arauzko atsedenaldia ez hartzeagatik:

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

2. Bi txandatan ari diren langileek ogitartekoaren atsedena 9:00etatik 9:15era arte izanen dute goizeko txandan, eta 18:00etatik 18:15era arte arratsaldeko txandan.

Langile horiek ogitartekoaren atseden ordua aldatuko dute nagusiaren iritziz lanak hala eskatzen duenean, eta larrialdietan beharrezkoa izan daiteke atsedena ez hartzea ere.

Horrelako egoeretan, langile horiei eguneroko hiru txandakoei dagokien taula aplikatuko zaie.

19. artikulua. Lanerako deiak eta joan-etorrietako gastuen konpentsazioa.

1. Lanak hala eskatzen duenean, langileei euren ordutegi edo lan ziklo normaletik kanpora lan egin dezaten eskatzen zaienean, eta horretarako lantegira joan-etorria egin beharrean direnean, 18,08 euroko hobaria emanen zaie euren ordutegi edo lan ziklo normaletik kanpora lan egiten duten lehenbiziko egunean.

2. Hobari bera emanen da, lehenbiziko egunean oraingo honetan ere, lan beharrengatik langileari bere ordutegi edo ziklo normala alda dezala eskatzen zaionean, eta hala egin ondoren. Hobari horixe emanen da txanda bikoizten denean ere.

3. Hobari hori aplikatuko da asteko atseden egunean lan egin behar baldin bada.

4. Aurreko ataletan ezarritako zenbatekoaren likidazioa egiteko, kasu guztietan langileriaren buruaren oniritzia beharko da.

20. artikulua. Gaueko lanaren plusa.

Gaueko 22:00etatik goizeko 6:00etarako txandetan jarraian edo aldian-aldian lan egiten dutenek gaueko lanaren plusa kobratuko dute lan egindako gau bakoitzeko.

Hitzarmen honen indarraldian, plus hau 3. artikuluan adierazten den igoeraren arabera eguneratuko da.

Lan egindako gau bakoitzari dagokion zenbatekoen taula (eurotan), 2015erako igoera aplikatu ondoren, honako hau da:

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

Langile batek gaueko txandan lanaldi osoa egiten ez badu, gauez lan egindako orduen arabera ordainduko zaio gaueko lanaren plusa.

21. artikulua. Ordainsari osagarriak.

Ordainsari osagarri hauek daude:

–I., II. eta III. taldeentzat, merezimenduen balorazio sistema bat eta hitzarmenaren osagarria.

–IV. taldeentzat, plus finkoko sistema bat.

22. artikulua. Merezimenduen balorazioa.

Merezimenduen balorazioan kontuan hartzen da enplegatuak agindu zaion eginkizunean izan duen jarrera. Merezimenduen balorazioan hainbat alderdi aztertzen dira:

Buruen eta enplegatuen alderdi komunak:

–Zintzotasuna eta diziplina.

–Gaitasuna, leialtasuna eta lankidetza.

–Lanean jarritako zuhurtasuna.

Buruen kasuan:

–Agintzeko dohainak.

–Erantzukizunerako sena.

–Segurtasuna eta higienea.

Enplegatuen kasuan:

–Lanaren kalitatea.

–Lan kopurua.

–Besteenganako jarrera.

Balorazioa nagusi hurrenek, zuzendariek eta langileriaren buruak eginen dute. Merezimenduak urtean behin berrikusiko dira, beharrezkoa bada.

Merezimenduen kontzeptuan kobratzen diren diru kopuruak urtero igoko dira hitzarmen honen 3. artikuluan xedatutakoaren arabera.

23. artikulua. Plus finkoa. IV. taldeko langileak (beharginak).

Plusak egun naturaleko sorrarazten dira, hilero kobratuko dira, dagokion hileko soldaten likidazioko azken egunean.

Lizentzia hartzen denean, 27. artikuluan ezarritakoari jarraituko zaio.

Bidezko arrazoirik gabeko absentziak, baimen ez ordainduak eta arazo pertsonalengatik lanorduetan alde egiteak gertatuz gero, 17. artikuluan xedatutakoari jarraituko zaio.

Laneko istripuen eta eritasun arrunten kasuan, 28. eta 30. artikuluetan egoera horietarako espresuki ezarritakoari jarraituko zaio.

Aparteko orduen balioen taulan plus finkoa sartua dago.

24. artikulua. Hona plusen taula:

IV. taldea (beharginak).

25. artikulua. Hitzarmenaren osagarriak.

I., II. eta III. taldeak (teknikariak, administrariak eta menpekoak).

Lizentzia hartzen denean, 27. artikuluan ezarritakoari jarraituko zaio.

Bidezko arrazoirik gabeko absentziak, baimen ez ordainduak eta arazo pertsonalengatik lanorduetan alde egiteak gertatuz gero, 17. artikuluan xedatutakoari jarraituko zaio.

Laneko istripuen eta eritasun arrunten edo lanetik kanpoko istripuen kasuan, 28. eta 30. artikuluetan egoera horietarako espresuki ezarritakoari jarraituko zaio.

26. artikulua. Martxoko eta iraileko pagak.

Enpresako Barne Araubideko Erregelamenduaren 53. artikulua indargabetu eta haren ordez artikulu honetan xedatutakoak aginduko du:

paga, sorrarazi eta hurrengo urteko martxoan ordainduko dena, aurreko urtean (sortzapen urtean) langile bakoitzari dagozkion hitzarmen esleipenaren eta antzinatasunaren %8koa izanen da, oinarritzat hartuta aurreko urtean izandako azpitaldea, plantillan iraundako denbora eta antzinatasunaren batez bestekoa.

Opor egunak aldatzeagatik, konpentsazio gisa, ondokoa hitzartu da:

Iraileko paga bat sortzea, aurreko ataleko paga osatzen duten kontzeptu beren %3ko zenbatekoa izanen duena. 2016tik aurrera jasoko da paga hori, honela:

–2016: %2.

–2017: %1 handituko da aurrekoa.

27. artikulua. Lizentzia ordainduak.

I) Arrazoi hauetako bat dela medio, aldez aurretik abisatuta eta justifikatuta, langileak lanera ez joateko edo lanetik ateratzeko eskubidea izanen du, ordaindua izateko eskubidea galdu gabe, honenbeste denbora:

1.–15 egun natural, dagokion erregistro publikoan inskribatutako ezkontzaren edo izatezko bikotearen kasuan, gehienez ere 4 atseden egun izanik. 15 egun horietan 4 atseden-egun baino gehiago baldin badaude, epe hori luzatuko da, 4tik gorako atseden-egunak adina.

2.–Seme-alabak jaio, adoptatu edo familian mugarik gabe hartzea, eta ezkontidearen eta, orobat, langilearen nahiz ezkontidearen gurasoen, seme-alaben, aitona-amonen, biloben edo anaia-arreben, bai eta langilearen suhi-errainen eta anaia-arreben ezkontideen heriotza, eritasun larria, istripuan izandako lesio larriak, ebakuntza kirurgiko larria eta ospitaleratzea, edo ebakuntza, ospitaleratu beharra izan gabe etxean atseden hartzea agintzen bada: 2 egun. Arrazoi horregatik langilea bidaia egin beharrean bada, baimena lau egunekoa izanen da.

Ezkontidea edo seme-alabaren bat hilez gero, lizentzia 6 egunekoa izanen da, eta hori dela kausa bidaiaren bat egin behar baldin badu, 8 egunekoa.

Baimena ospitaleratzeagatik ematen bada, ez da, inola ere, ospitaleratzeak dirauena baino luzeagoa izanen.

3.–Seme-alaben, aitaren nahiz amaren, anai-arreben eta koinatu-koinaten ezkontza eta langilearen nahiz haren ezkontidearen osaba-izeba propioen heriotza eta umeak aldi baterako familian hartzea: egun bat.

4.–Egun natural 1, ohiko bizilekuz aldatzeagatik.

5.–Hezkuntza Plan Orokorrean biltzen diren titulu akademiko edo profesionalen bat eskuratzeko, ikasketak egiten dituen langileak eskubidea izanen du behar dituen baimenak hartzeko azterketak egitera joateko.

Absentziaren berri aldez aurretik eman behar da eta ondoren justifikatu eginen da, azterketetan parte hartu izanaren ziurtagiriaren bidez.

6.–Publikoa edo pertsonala den eginbehar saihestezina betetzeko behar-beharrezkoa den denbora, Langileen Estatutuaren 37. artikuluko 3.d idatz-zatian araututako baldintza eta muga beretan.

7.–Eginkizun sindikaletan edo langileen ordezkaritza lanetan aritzeko behar-beharrezkoa den denbora, legeetan ezarritakoari jarraikiz.

Lizentzia horien oinarria eta xedea da lizentzien arrazoi izandako zergatiei edo ondorioei erantzutea.

Lizentzia hartzeko eskubidea izanen da gertaera eragilea sortzen den unetik beretik, honako kasu hauek kenduta: eritasun larria, ebakuntza kirurgiko larria eta ospitaleratzea, zeren horrelakoetan lizentzia egunak banatu baitaitezke ospitaleratzeak dirauen egunetan, langilearen nahierara, eta betiere, hartzen diren egunak ez badira gertaera eragilea sortzen denetik hartuz gero lan egutegiaren arabera dagozkionak baino gehiago.

2. atalean aipatzen diren ahaideen egoera larria frogatu beharko da medikuak luzatutako txostenean edo inprimakian, eta bertan agerraraziko da eriari edo istripua izan duenari asistentzia emandako data, edo ebakuntza kirurgikoa egindako eguna, pazientearen izena eta deiturak eta eritasunaren, lesioaren edo ebakuntza kirurgikoaren larritasunaren egiaztapena.

Ebakuntza kirurgikoa larria dela ulertuko da anestesia orokorra ematen den bakoitzean.

II) Lizentzia ordainduak ordainduko dira sailkapen mailaren (11. artikulua) eta antzinatasunaren arabera. Beharginek, gainera, plus finkoa eta LPEZko hobaria jasoko dituzte. Enplegatuek hitzarmenaren osagarria eta merezimenduena kobratuko dituzte, halakorik balego.

III) Ezkondu gabeko bikotea osatzen dutela legez egiaztatzen duten langileek ezkonduek bezalako lizentziak izanen dituzte.

8.–Medikuarengana joatea:

Behar den denbora izanen dute langileek Gizarte Segurantzako espezialistarengana edo familia medikuarengana joateko, lanaldiaren barrenean dagoenean; bisita edo kontsulta lan ordutegitik kanpo egiten bada, dagokien txandara normal-normal joanen dira, edo ahalik eta lasterren hori dela-eta ez bada posible txandaren hasieran iristea.

Gizarte Segurantzaren espezialistarengana gaueko txandaren ondo-ondoan joan behar bada eta txanda edo hitzordua ezin izan bada aldatu, langilea kasuan kasuko departamentura edo langileen departamentura joanen da konponbide bat bilatzeko, hara normaltasunez joan ahal izateko.

9.–Norberak hartzeko libre duen eguna:

2015ean egun bat edukiko da norberak libre hartzeko; honakoak dira hura hartzeko arauak:

1.–Langileek hura eska dezakete 2015eko urtarriletik aurrera, urte horretarako.

2.–Eskaerak sartzeko hurrenkeraren arabera emanen da zorrozki, eta egun bera ezin du hartu lanpostu bakoitzeko pertsona batek baino gehiagok, non ez duen arduradunak kontrakoa irizten.

3.–Egun hori hartu ahal izateko, atal horretako beste pertsona batek lankidearen lanpostua bete beharko du.

4.–Hura 15 egun lehenago eskatuko da, gutxienez, eta enpresak aste batean erantzunen du gehienez, edo, nolanahi ere, ahalik eta lasterren.

5.–Enpresak behin egin diezaioke uko langilearen eskaerari.

IV. KAPITULUA

Laguntza sozialak

28. artikulua. Eritasun arruntaren edo lanetik kanpoko istripuaren ondoriozko bajak.

a) Eritasun bakoitzeko lehenengo hiru egunetan enpresak langile bakoitzaren kontzeptu hauen %100 ordainduko du:

a’) Beharginak: dagokion lansaria, antzinatasuna, plus finkoa, LPEZeko hobaria, lanaldi jarraituaren konpentsazioa, gaueko lanaren plusa eta igande eta jaieguneko lanaren plusa.

b’) Enplegatuak: dagokion lansaria, antzinatasuna, merezimenduak, hitzarmen-osagarria, lanaldi jarraituaren konpentsazioa, gaueko lanaren plusa eta igande eta jaieguneko lanaren plusa.

b) Eritasun bakoitzeko 4. egunetik 15.era, biak barne, legeak halaxe aginduta, enpresak aldi baterako ezintasunaren aurreko hilean kontingentzia arruntengatik kotizatutakoaren %60 ordainduko du bajako egun bakoitzeko.

Eritasun bakoitzeko 16. egunetik 20.era, biak barne, enpresak Gizarte Segurantzaren prestazioak osatuko ditu langile bakoitzaren aipatu ordainsari kontzeptuen %85era arte.

21. egunetik aitzina, enpresak %100era arte osatuko ditu kontzeptu horiek.

Eritasun bakoitzeko laugarren egunetik 20. egunera arte, biak barne, enpresak arestian aipatutako prestazioak osatuko ditu a) idatz-zatian agertzen diren ordainsari kontzeptuen %100era arte, baldin eta I., II., III. eta IV. taldeetan (teknikariak, administrariak, mendekoak eta beharginak) eritasunaren ondoriozko absentismo indizea, aurreko hamabi hilabeteetan metatutako portzentajea hartuta, %3,75 baino handiagoa ez bada. Indizea kalkulatzeko ondorioetarako, kontuan hartuko da teorian 1.720 lanordu izanen direla, 2015ean, eta 1.704, berriz, hurrengo urteetan.

c) Aurreko idatz-zatian adierazten den absentismoen indizearen mendeko enpresa-osagarriak honela aplikatuko dira: hilabete bakoitzean kalkulatuko da hilabete horretan gehi aurreko hamaika hilabeteetan metatutako absentismoaren portzentajea, beharginak eta enplegatuak denak batera hartuta.

Portzentajea ezarritako muga hori baino handiagoa ez bada, ondorengo hilabetean gertatzen diren eritasun bajetan enpresa-osagarria aplikatuko da. Baina portzentaje muga hori gainditzen bada, ez da absentismo indizearen menpeko enpresa-osagarririk aplikatuko. Ondorengo hilabeteetan era berean jokatuko da.

Urte osoan metatutako indizeak orokorrean aurreikusitako helburua betetzen badu, indizea gainditu den hilaren ondorengoan baja hartu izanagatik bere garaian osagarria kobratu gabe gelditutako langileei enpresa-osagarriak emanen zaizkie.

Enpresa batzordeak aurreko hileko eritasun bajak aztertuko ditu bilera guztietan, enpresako medikuarekin batera horien arrazoiak eta iraupena ikuskatuz.

Artikulu honetan araututako osagarrien gehieneko iraupena eta Gizarte Segurantzako Araubide Orokorrean lanerako ezintasun iragankorreko egoera edo kontingentziarako une bakoitzean ezarritakoa berdinak izanen dira.

Artikulu honetan aipatzen diren Gizarte Segurantzako prestazioen gainean enpresa-osagarriak kobratzeko eskubidea izateko, langile guztiek baldintza hauek bete behar dituzte:

1.–Eritasun edo lanetik kanpoko istripu egoera baja medikoaren bidez frogatzea. Osasun zerbitzuan edo atariko postontzian aurkeztu beharko da, eta langileren batek trabak baditu horrela aurkezteko, langileen departamentuarekin harremanetan jarri beharko du, beste bide bat bilatzeko, egun bateko baja bada ere. Hala egin ezean, ez du eskubiderik izanen inolako ordainsaririk jasotzeko.

2.–Langileriaren Departamentuari absentziaren berri ematea gertatzen den egun berean, edo ezinezkoa izan dela egiaztatzea; gainera, norberaren kontramaisuari ere jakinarazi behar zaio. Era berean, alta jasotzen denean ere abisatu beharko da nahitaez.

3.–Zazpi egunetik goitiko absentzietan, interesduna enpresako zerbitzu medikoan azalduko da astero, sendaketa prozesuaren jarraipena egin diezaion. Hori dela-eta, zerbitzu medikoak hitzordua jarriko dio eri dagoen langileari. Osasun egoera dela-eta zerbitzu medikora joateko gauza ez bada, langileriaren departamentuari jakinaraziko dio, bisitaldia bere etxean egin diezaioten.

Aurreko betebehar hori bete dela frogatzeko, enpresako zerbitzu medikoak bisitaldi bakoitzaren frogagiria luzatuko du eta langileriaren departamentura eramanen.

4.–Enpresako medikuak eta enpresa batzordeak eritasun kasuetarako, oro har, ezartzen duten bizimodua izatea.

4. idatz-zati honetan ezarritakoari eta aurreko 3.ean xedatutakoari dagokienez, enpresako medikuak Gizarte Segurantzako medikuarekin egoki iruditzen zaizkion kontaktuak izanen ditu.

2., 3. eta 4. puntuetan ezarritako baldintzak betetzen ez badira, besterik gabe, artikulu honetan eritasun bajarako ezarritako onura osagarriak galduko dira.

Eritasun kasurako osagarriak arautzean, enpresaren eta langileen ordezkariek duten helburua da eritasun arriskuei, alderdi ekonomikotik begiratuta, modu arrakastatsuan aurre egiteko adinako soldata mailak bermatzea langile guztientzat.

Aldi berean, bi ordezkaritzek jakin badakite langileak eurak arduratu behar direla eritasun baja modu egokian erabiltzeaz.

Horretarako, alde batetik ahalmena ematen zaio enpresa batzordeari kontrolerako neurriak proposa ditzan, beharrezkotzat jotzen baditu, eta bestetik onurak kentzeko ahalmena ere ematen zaio, neurri hori merezi duten langileen kasuan, hemen jasotako jarduketa irizpideak gorabehera.

Ahalmena ematen zaio, halaber, langileriaren buruari, behar diren aholkuak jaso ondoren, hemen ezarritako arauak eta printzipioak hausten dituen orori osagarriak kentzeko, arau-hausteaz ziur badago. Arlo honetan, hala enpresa batzordearen erabakiak nola langileriaren buruarenak apelaezinak izanen dira.

d) Eritasun arruntaren edo lanetik kanpoko istripuaren ondoriozko baja izanda, 4. egunetik 20.era arteko kasuan Gizarte Segurantzak bere prestazioen zenbatekoa %75era igoko balu, 1979ko hitzarmen kolektiboaren egoerara itzuliko litzateke.

e) Gizarte Segurantzak murriztuko balu ezintasun iragankorreko prestazioen zenbatekoa, langilearen hartzeko guztiak (Gizarte Segurantzaren prestazioa eta enpresa-osagarria) neurri berean murriztuko lirateke.

29. artikulua. Amatasuna.

Enpresak emakumezko langilearen ordainsari kontzeptuen %100era arte osatuko ditu Gizarte Segurantzaren prestazioak, amatasun atsedenaldiko lehenengo 56 egunetan.

30. artikulua. Laneko eritasunaren ondoriozko bajak.

Laneko istripuaren kasuan, enpresak Gizarte Segurantzaren prestazioak osatuko ditu langile bakoitzaren kontzeptu hauen %100era arte: dagokion lansaria, antzinatasuna, hitzarmenaren osagarria, merezimenduak, plus finkoa, LPEZko hobaria, lan jarraituaren plusa, lanaldi jarraituaren konpentsazioa, gaueko lanaren eta igande eta jaieguneko lanaren plusak.

Osagarri hori bajako lehenengo egunetik sortuko da.

Adierazitako osagarriaren gehieneko iraupena eta Gizarte Segurantzako Araubide Orokorrean lanerako ezintasun iragankorreko egoera edo kontingentziarako une bakoitzean ezarritakoa berdinak izanen dira.

Laneko istripuetarako ezarritako prestazio osagarriak jasotzeko eskubidea izateko, eritasun arrunten edo lanetik kanpoko istripuen kasuetarako 28. artikuluan ezarritako 1, 2, 3 eta 4. baldintza berberak bete beharko dira.

Baldintzak betetzen ez diren kasuetan 28. artikuluan ezarritako neurri horiei jarraituko zaie.

31. artikulua. Ezkontza eta jaiotza.

Ezkontza eta jaiotza sariak ezarri dira gertaera eragilearen momentuan enpresan urtebete jarraian daramaten langileentzat, honakoak hain zuzen:

–Ezkontzak: 109,91 euro.

–Jaiotzak: 73,34 euro.

Ondorio horietarako, ezkondu gabeko bikoteen legezko formalizazioak eta bikote horietan gertatzen diren jaiotzeek goian aipatutako sariak hartzeko eskubidea sortuko dute.

32. artikulua. Bizi asegurua.

Enpresak kontratatua duen bizi-aseguru kolektiboak indarrean jarraitzen du eta kontingentzia eta berme berberak aseguratzen ditu, hauexek:

1.–Berez gertatutako heriotza: 27.045,54 euro.

2.–Istripuaren ondoriozko heriotza (lanekoa edo lanetik kanpokoa): 40.568,32 euro.

3.–Istripuaren ondoriozko baliaezintasun erabatekoa eta iraunkorra (lanekoa edo lanetik kanpokoa): 40.568,32 euro.

4.–Eritasunaren ondoriozko baliaezintasun erabatekoa eta iraunkorra: 27.045,54 euro.

Edozein arrazoirengatiko heriotzaren kalte-ordaintzat 27.045,54 euroko asegurua baino ez dute izanen 65 urtetik gorako langileek, zeren, polizako baldintzetan ezarritakoaren arabera, adin horretan berme osagarriak amaitzen baitira.

Aseguru primari enpresak eta langileek egin beharreko ekarpena %70ekoa eta %30ekoa izanen da, hurrenez hurren.

Urteko prima bakoitzaren kostuaren gutxi gorabeherako kalkulua eginen da. Zenbatetsitako kostuaren %30 zati 14 eta zati aseguratutako langileen kopurua egin ondoko emaitza izanen da langileek asegururako pagatu beharreko kuota. Diru hori hilero deskontatuko da nominako hartu-agirietatik, aparteko pagak barne direla. Urteko kostu zenbatetsiaren eta ekitaldian konpainiari benetan ordaindutako primaren artean alderik izanez gero, behar den zuzenketa eginen da hurrengo urterako kostua kalkulatzerakoan.

Aseguru kolektiboak lantokiko langile guztiak hartzen ditu, enpresan lanean hasten diren egunetik beretik. Asegurutik kanpo eszedentzian daudenak baino ez dira gelditzen.

33. artikulua. Askotariko prestazioak.

Konpentsazio kutxara enpresak egin beharreko ekarpena 8.168,55 eurokoa da 2015. urtean. Errege kabalgatarako 2015eko urtarrilean 1.769,85 euro jarriko ditu, antolakuntza gastutarako, eta 81,70 euro fabrikako enplegatu finko eta aldi baterakoen urtebetetik zortzira arteko seme-alaba bakoitzarentzat.

Lan nekagarrien konpentsazio ekonomikoa 4,42 eurokoa izanen da orduko.

34. artikulua. Erretiro aurreratua eta erretiro partziala.

a) Adin ofiziala baino lehenago erretiratzen den langileari kalte-ordaina emanen zaio. Horren balioa, 2015.ean, ondorengo taulakoa da:

–Erretiroa urtebete aurreratzeagatik: 5.091,54 euro.

–Erretiroa bi urte aurreratzeagatik: 10.183,10 euro.

–Erretiroa hiru urte aurreratzeagatik: 15.274,64 euro.

–Erretiroa lau urte aurreratzeagatik: 20.366,15 euro.

–Erretiroa bost urte aurreratzeagatik: 25.457,72 euro.

Balore horiei hitzarmen honen 3. artikuluan 2016. eta 2017. urteetarako ezarritako igoera portzentajeak erantsiko zaizkie.

b) Enpresak eta batzordeak erretiro partzialeko planei buruz 2013ko martxoaren 25ean sinatu eta ondoren GSINen erregistratu zuten hitzarmenean ezartzen den bezala, akordio horren eranskinean zehaztutako langileek jarrai dezakete erretiroa hartzen horko baldintzen arabera, eta hori guztia hirugarren klausula betez.

c) Enpresa behartua dago 63 urtetik gorako langileek erretiro partziala hartzeko aurkezten dituzten eskaerak onartzera, betiere indarreko legeak ezarritakoa eta baldintza hauek betetzen badira:

–Lanpostuak amortizatu beharrik ez izatea.

–Langileak erretiro partziala hartu nahi duen eguna baino 6 hilabete lehenagotik abisatzea.

–Erretiro partzialen urteko kopurua plantillako langileen %5etik gorakoa ez izatea.

Erretiro partzialen bat egiten bada, horrekin loturik doan errelebo kontratua sinatuta, ez da erretiro aurreraturako kalte-ordainik aplikatuko.

Urtero, enpresak amortizatzen ahal diren lanpostuen berri emanen dio batzordeari.

V. KAPITULUA

Lanaldia, laneko egutegia eta oporrak

35. artikulua.

a) 2015eko urteko lanaldia 1.712 ordukoa izanen da, eta 2016an eta 2017an, berriz, 1.704 ordukoa.

Urteko lanaldia ordu gutxiagokoa ezartzekotan, paper-ore, paper eta kartoiaren Estatuko hitzarmenean xedatutakoari jarraituko zaio.

b) Lantegian etengabe lan eginen da urte osoan, 365 egunetan, alegia, Eguberri eta Urte Berritan izan ezik, egun horietan lanari utziko baitzaio abenduaren 24ko 14:00etatik abenduaren 26ko 6:00ak arte, eta abenduaren 31ko 14:00etatik urtarrilaren 2ko 6:00ak arte, eta herriko festetako geldialdia, hau da, irailaren 11ko goizeko 6:00etatik irailaren 19ko goizeko 6:00ak arte. Atal honi dagokionez, lehen eta bigarren xedapen gehigarrietan xedatutakoari jarraituko zaio.

c) 5 lantalde/3 txanda gisako langileentzat oporrak 15 eguneko ziklotan finkatu dira, ekainaren 16tik irailaren 15era arte. Dena den, opor zikloak alda daitezke lanpostu bereko langileak elkarrekin ados jarrita eta atalburuari jakinarazi ondoren.

Gainerako 16 opor egunak honela banatzen dira:

–8 egun maiatzean eta ekainean 2016-2017rako prestatutako egutegiaren arabera.

–Irailaren 8tik azaroaren 20ra.

Aldatzen diren opor zikloetan barrena, langile ukituak beste lantalde eta ordutegi batera aldatuko dira, eta euren artean konponbideren bat bilatuko dute hartutako eta lan egindako lanaldien arteko desfaseak konpentsatzeko.

Opor zikloetan gerta daitezkeen altak eta bajak direla-eta, ez da oporraldiaren iraupena aldatuko, eta hartu ez diren opor egunak azken zikloaren ondorengo hilabeteetan hartuko dira.

d) 3 lantalde/2 txandako langileen kasuan, ziklo bakoitzean oporrak hartu behar dituzten lanpostuak esleituko dira, baina zikloari atxikitzea borondatezkoa da. Aurreikusitakoak baino eskaera gehiago izan eta adostasunik ez badago, zozketa bidez ebatziko da.

3 lantalde/2 txandako langileek eta lanaldi zatitukoek euren oporrak esleitu zaien zikloan hartzen badituzte, hobe, baina ziklotik kanpora ere hartzen ahal dituzte opor egunak zerbitzuak aukera ematen badu eta pool egunak errespetatuz 3 lantalde/2 txandakoen kasuan, lan beharrek eskatzen badute.

Nolanahi ere, opor zikloen ondoren gehienez ere lau egun uzten ahal dira hartu gabe.

e) Langileak maiatzaren 15erako atxikiko dira behin betikoz opor zikloetan. Hori dela-eta, langile guztiek jakitera emanen dituzte, apirilaren 30a baino lehen, ziklo aldaketari edo atxikipen borondatezkoari buruz lankideen artean hartutako erabakiak, lanaldi zatituko edo 3 lantalde/2 txandako langileen kasuan.

f) Konpentsazio atsedenaldia hartzeko egunez baliatzeko arauak.

1. Zelulosako eta papera egiteko makinetako 5 lantalde/3 txandako langileak:

a) Egun horietaz baliatuko dira arduradunaren iritziz lanaren antolakuntzak bide ematen duen egunetan, bide hauetako bat hautatuz:

–Pool egunetan, edo

–Goizeko, arratsaldeko eta gaueko txandako egunetan, baldin eta absentzia betetzeko Pool-ean beste pertsona bat badago. Salbuesten dira larunbat, igande eta jaiegunetako arratsaldeak eta larunbatak.

–Beste edozein txandatan, ados jartzen bada Pool-ean egonik inolako absentziarik bete beharrik ez duen beste lankide batekin.

b) Saiakuntza fisikoetako, mantenuko edo mantentze-lanetako 5 lantalde/3 txandako langileak.

a) idatz-zatian zehaztutako arau bera.

c) Gainerako langileak:

a) idatz-zatian zehaztutako arau bera.

2. Egun baterako bi eskaera suertatuz gero (Pool-ean dagoenak eta txandakoak eginak) eta bietako bati baizik ematerik ez badago, lehentasuna izanen du Pool-ean dagoen pertsonak.

3. Debekatuak daude aparteko orduak, konpentsazioko atsedenaldia hartzeko asmoz egiten badira, salbu eta arduradunaren iritziz salbuespenezko kasuak gertatzen direnean.

4. Urrian aztertuko da zenbat konpentsazio egun gelditzen diren plantillako langileek hartu gabe utziak eta ahaleginak eginen dira, behar izanez gero, egun horiek lanaren antolaketarako modurik egokienean banatu eta har daitezen.

5. Urte bakoitzeko abenduaren 31rako langile guztiek hartuak izan beharko dituzte konpentsazioko atsedenaldia hartzeko egun guztiak.

g) Urte bakoitzeko lan egutegiak prestatzerakoan kontuan hartuko dira agintaritza indardunak finkatutako festa nazionalak eta herrikoak, eta behar diren egokitzapenak eginen dira egutegietan artikulu honen a) idatz-zatian urte bakoitzerako ezarritako lanorduak betetzeko.

h) Igandeetan eta jaiegunetan lan egin beharreko txanda jarraituko langileek, baldintza horietan lan egiteagatik, lan jarraituaren plusa kobratuko dute, eguneko 5.59 eurokoa beharginek, edo eguneko 5.67 eurokoa enplegatuek.

Plus honek ez ditu aparteko eskersariak ez eta bestelako kontzeptuak igotzen; beraz, lan jarraituaren plus gisa gehienez ere 2.042,18 euro kobratuko dira urteko.

Lan jarraituaren plusa kobratzen duten langileak, gaur egun igande eta jaiegunez txandatan lan egiten ez badute, behartuak daude baldintza horietan lan egitera lan antolakuntzak hala eskatzen duen momentuan.

Lan jarraituaren plusa oso-osorik kobratuko da eritasunaren ondoriozko lanerako ezintasun iragankorreko kasuetan, edozein dela ere absentismoaren indizea, baina 28. artikuluan ezarritako 1, 2, 3 eta 4. baldintzak betetzen badira, betiere.

i) Gaur egun indarra duen lan jarraituaren plusa gorabehera, beste osagarri bat emanen da festen egutegi ofizialeko igande eta jaiegunetan lan egiteagatik.

Osagarri hori lan egindako igande edo jaiegun bakoitzagatik kobratuko da soilik.

Hitzarmen honen indarraldian, osagarri hau 3. artikuluan adierazten den igoeraren arabera eguneratuko da.

Festen egutegi ofizialeko igande eta jaiegunetan lan egiteagatik ordaindu beharreko kopuruen taula, 2015erako itundutako igoera aplikatu ondoren, honako hau da:

a) I., II. eta III. taldeak (teknikariak, administrariak eta menpekoak).

b) IV. taldea (beharginak).

j) Merkatuan lehiatzeko gaitasuna suspertzeko edo enpleguaren egonkortasunari eta eskariari hobeki erantzuteko, ondoko neurri hauek hartuko dira barneko malgutasuna bultzatzeari dagokionez:

–Malgutasunaren portzentajeak ez dira modu irregularrean aplikatuko, non eta ez den beharrezkoa lantegiko instalazioak erabat edo zati batean geldiaraztea bukatutako produktuen stockak handitu direlako, dela salmentak jaisteagatik dela lehengaien faltagatik, baldin eta hura enpresaren erabaki batek eragin ez badu.

–Aurreko kasuren batengatik barneko malgutasuna aplikatu behar denean, enpresa batzordearekin negoziatu beharko dira eten horren baldintzak, baita sortutako egunak bueltatzeko ondorioak edo haien balizko konpentsazioa ere.

VI. KAPITULUA

Enpresa batzordea eta ekintza sindikala

36. artikulua.

Enpresa batzordearen eta ekintza sindikalaren arloan Paper-ore, Paper eta Kartoiaren Estatuko Hitzarmen Kolektiboa aplikatuko da.

Enpresa batzordeko kideen ordu ordainduei dagokienez, konpentsazio indibiduala onartua dago, bi hiletik behin eginen dena, baina oporretako hilabetea konpentsazio horretatik kanpo gelditzen da.

VII. KAPITULUA

Beste xedapen batzuk

37. artikulua.

Enpresak berak kontratatuko ditu zuzenean, oro har, behin-behineko langileak; horiek bere azpitalde parekatuari dagokion zenbatekoa jasoko dute, Barne Araubidearen Erregelamenduaren 14. artikulua indarrik gabe geratuta. Horretarako, lan poltsa bat sortuko da, interesdun orok parte hartzeko modukoa, eta langile horiek beteko dituzte lanpostuak egiturazko betebehar bat zehazten denean. Hautatutako behin-behineko langilea finko bihurtuko da enpresan urtebeteko epean edo lehenago ere, agintedunek hala erabakitzen badute.

Zuzendaritzari dagokio kasu bakoitzean hartu beharreko irtenbidea zein den erabakitzea, zenbat langile behar diren eta kontratuak zenbat iraunen duen.

Enpresa batzordeari jakinaraziko zaio, batzordeko idazkariaren bitartez.

Neurri horiek aplikatuko dira legezko araudiak itundutakoa aplikatzea ahalbidetzen duen bitartean.

38. artikulua. Prestakuntza.

a) Prestakuntza ordu bakoitzaren konpentsazioa, lanordutik kanpo izanez gero, 11,49 euro.

b) Enpresa batzordeak, urte bakoitzeko irailean, zuzendaritzari hurrengo urterako prestakuntza ikastaroen proposamena egin diezaioke, zuzendaritzak aztertu eta, behar bada, aurrekontuan sar ditzan.

c) Lan egutegi berriaren ondorioz, benetan lanik ez egiteko zenbat egun falta diren 213 eguneko egutegia osatu arte, horrenbeste prestakuntza ezarriko dira. Prestakuntza horiek, lehentasunez, 8 orduko jardunaldi jarraituetan edo 8 orduko jardunaldi zatituetan zehaztuko dira, enpresaren kargura izanik bazkaria antolatzea instalazioetan, edo, bestela, gutxienez lau orduko prestakuntzak antolatuko dira, baina ezin dira bitik gora izan.

Jardunaldi horiek lan egutegiaren barnean eginen direnez, gutxienez hilabete bat lehenago egin beharko da abisua. Ezin dira udako hilabeteetan finkatu, non ez den salbuespeneko arrazoiren bat, batzordearekin hitzartu beharko dena.

Bisurteetan pool egun bat erantsiko da hala dagokien langileen lanaldietan.

39. artikulua. Soberako lanaldiak (Pool).

a) Pool egunen xedea da absentismo guztiak betetzea (eritasun edo istripuaren ondoriozko lanerako ezintasun iragankorra, lizentziak, baimenak, enpresa batzordeko nahiz segurtasun eta higienearen batzordeko kideen absentziak), bai eta zegokien opor zikloan lanerako ezintasun iragankorrean egotearen ondorioz plantillako langileek ziklotik kanpora hartutako opor egunak ere.

Era berean, pool egunekin beteko dira prestakuntzaldian dauden langileengatik sor daitezkeen premiak. Horrelakoetan ordezkapena goizeko txandan eginen da.

Bakarka hartzeko egunak edo konpentsazioko atseden egunak ere ordezkatuko dituzte, larunbat, igande eta jaiegunetan egiten diren arratsaldeko eta gaueko txandak izan ezik.

Idatz-zati honetan adierazitako guztia atal berean gertatzen diren absentziez ulertzen da. Hauek dira lantegiko atalak:

–Pastak.

–Berreskuratzea eta Energia.

–Papera.

–Mantentze-lana.

–Laborategia.

–Bulegoak.

b) Igandeko eta jaiegunetako pool egunak asteko beste egun batzuetara aldatzen ahalko dira, arduradunaren iritziz zerbitzuko beharrek horretarako bide ematen badute.

Pool eguna aste barreneko beste egun batera, aurreko batera zein ondokora, aldatuz gero, eta langileak egutegian esleitutako igande edo jaiegun batean lanera joan beharra badu, fabrikara joan beharko du bere zerbitzuak beharrezkoak diren txandan. Lehenbiziko kasuan (aurreko egunera aldatzea), gehitu den lanegunaren truke egun bateko konpentsazioa besterik ez du izanen, bakarka hartzeko egunak erabiltzeko ezarritako araudi berarekin.

c) Absentzia bete behar duen langilea aukeratzeko, honakoak aztertuko dira: lanpostu hutsa, ohiko taldeko gainerako langileen gaitasun profesionala eta gainetik dagoen taldeko langileen gaitasun profesionala. Arduradunek hartuko dituzte, kasuz kasu, erabaki komenigarrienak.

d) Ordezkapen bat gaueko txandan eginez gero eta biharamunean ez bada arratsaldez edo gauez ordezkapenik egin beharrik, eta ordezkapena egin beharra gaueko txandan lan egin ondoren ezagutu edo sortua ez bada, egun horretan ez da zerbitzu emanen.

40. artikulua. Bulegoen ordutegia.

Bulegoen ordutegiaren barnean, bazkaltzeko etenaldian ordu erdiko malgutasuna onartzen da, eta ondorioz, gutxienez ordu bateko tartea eta gehienez ordu eta erdikoa erabil daiteke. Malgutasuna egunero egokitu behar da, ezarritako lanaldia osatuz, betiere.

Lanaren antolaketagatik ezinezkoa den zerbitzuetan ez da malgutasuna erabiltzen ahal.

Bulegoetako langileek urteko ostiral guztietan 8:00etatik 15:00era arte eginen dute lan, ekainetik irailera artekoak kenduta. Erretenen sistema bat ezarriko da, kontabilitate itxiera egiteko aurreikusitako datak beteko direla bermatzeko. Horren zehaztapena eta neurria kasu bakoitzean finkatuko dira lantegiko zuzendaritzaren iritzira.

VIII. KAPITULUA

Puntualtasuna eta kontroleko erlojua

41. artikulua.

Lanera berandu iristea, bidezko arrazoirik gabe, edo kontroleko erlojuan ez fitxatzea hutsegite arin, larri edo oso larria izan daiteke eta horren arabera zehatuko da, Barne Araubideko Erregelamenduaren 88. artikuluari jarraikiz.

–Hutsegite arinak:

Bidezko arrazoirik gabe hogeita hamar egun jarraituko epean hiru alditik zazpira bitarte berandu iristea, edo bi aldiz, atzerapena ordu bat baino gehiagokoa denean eta, orobat, epe horretan kontroleko erlojuan bi aldiz ez fitxatzea.

–Hutsegite larriak:

Bidezko arrazoirik gabe hogeita hamar egun jarraituko epean zortzi alditik hamarrera bitarte berandu iristea, edo hirutik bostera bitarte, atzerapena ordubete baino gehiagokoa denean eta, orobat, epe horretan kontroleko erlojuan hiru alditik bostera ez fitxatzea, eta hiru hilabeteko epean hutsegite arina berriro egitea.

–Hutsegite oso larriak:

Bidezko arrazoirik gabe hogeita hamar egun jarraituko epean hamar aldiz baino gehiagotan berandu iristea, edo bost aldiz baino gehiagotan, atzerapen bakoitza ordu bat baino gehiagokoa denean eta, orobat, epe horretan bost aldiz baino gehiagotan ez fitxatzea, eta sei hilabeteko epean hutsegite larria berriro egitea.

Aurreko guztia ulertzen da lan egin gabeko denborari dagokion deskontua galarazi gabe, zeina kalkulatzeko hitzarmen honen 17. artikuluan ezarritako koefizientea aplikatuko baita.

IX. KAPITULUA

Ordainsari aldagarriak

42. artikulua. Ordainsari aldagarriak.

A) Paper makinaren eragimena.

1.–Aplikazio eremua.

Soldata kontuetan hitzarmen kolektiboaren eraginpeko langile guztiak.

2.–Banatzeko irizpideak.

Hiru hilean behin kobratzen den ordainsaria, hiruhilekoa bukatutakoan, atxikitako taularekin bat, 11., 12., 18., 19., 20., 24., 25., 35. eta 38. artikuluetan bildutako soldata kontzeptuen baturaren gainean, bakoitzaren lanbide kategoria edo mailaren arabera.

3.–Kalkulatzeko irizpideak.

Hiru makinetako eragimenen batez besteko aritmetikoa, ehunekotan neurtua.

“Eragimena ehunekotan” deitzen zaio makina bat lanean ari den denborari, hau da, makina erabilgarri den denbora osotik (24 ordu eguneko) geldiune guztiak kenduta.

Multzo horretan ez dira sartuko eskaerarik ezagatik makina geldirik dagoen denbora edo inbertsio lanak egiteko denbora, edo geldialdi programatuetan ezarritakoa gainditzen duten denborak, instalazio batzuk geldi egon beharrez papera egiteko makinak ere gelditu beharra baldin badago. Kasu horietan, eragimena kalkulatzerakoan ez dira kontuan hartuko geldiune horiek, edo makina horietako batek geldi egon behar badu hilabetea baino denbora gehiago, hori ez da eragimenaren kalkuluan sartuko.

Atal hori eguneratzeko fabrikaren egoera berriarekin, hitzartu da irailean eta urrian kalkulatzeko irizpide berriak finkatzea.

4.–Ordainsarien taula.

B) Segurtasuna.

1.–Aplikazio eremua.

Soldata kontuetan hitzarmen kolektiboaren eraginpeko langile guztiak.

2.–Banatzeko irizpideak.

Hiruhileko batean maiztasun indizea “zero” denean (MI=0), %1,14 ordainduko da, 11., 12., 18., 19., 20., 24., 25., 35. eta 38. artikuluetan bildutako soldata kontzeptuen baturaren gainean, bakoitzaren lanbide azpitaldearen edo mailaren arabera.

Urte bukaeran maiztasun indize metatua “zero” baldin bada, pizgarri erantsi gisa %0,57 kobratuko da.

c) Absentismoa.

1.–Aplikazio eremua.

Soldata kontuetan hitzarmen kolektiboaren eraginpeko langile guztiak.

2.–Banatzeko irizpideak.

Hilabete batean absentismoaren indizea (gaixotasunak, baimenak eta ordaindutako zein ordaindu gabeko absentziak, medikuarenera joatea eta justifikatu gabeko faltak, norberak hartzeko libre duen eguna kontuan izan gabe) %4tik beherakoa bada, atxikitako taularen araberako ordainsaria emanen da, 11., 12., 18., 19., 20., 24., 25., 35. eta 38. artikuluetan bildutako soldata kontzeptuen baturaren gainean, bakoitzaren lanbide azpitaldearen edo mailaren arabera. Absentismoaren indizea kalkulatzeko, ez dira kontuan hartuko 90etik gorako egunak iraupen luzeko gaixotasunetan.

Urte bukaeran absentismo indize metatua %4,0 edo txikiagoa baldin bada, ordaindu gabeko hilabeteei dagokien zatia kobratuko da.

3.–Ordainsarien taula.

D) Aldagaiak finkatzea.

Lortutako aldagaiak finkatuko dira urte bakoitzean, baldintza hauek betez gero:

–Lantegiaren EBITa, %100etik %109,99ra: %25 finkatuko da.

–Lantegiaren EBITa, %110etik %129,99ra: %50 finkatuko da.

–Lantegiaren EBITa, %130etik %149,99ra: %75 finkatuko da.

–Lantegiaren EBITa, %150etik gora: %100 finkatuko da.

Lortutako aldagaien portzentajea kalkulatzeko ondorioetarako, aurreko urtean jasotakoen batez besteko aritmetikoa eginen da, eta goiko taula aplikatuko zaie. Honela aplikatuko dira haien finkapenari dagokionez:

–2015: 0 finkapena.

–2016: 2015eko aldagaitik %1,1era (halakorik balego) bitarteko soberakina finkatuko da.

–2017: 2016an lortutako aldagaia finkatuko da, hitzarmenaren 42. artikuluan ezarritako irizpideak betetzen badira.

–2018: 2017an lortutako aldagaia finkatuko da, hitzarmenaren 42. artikuluan ezarritako irizpideak betetzen badira.

Hilabetero, enpresak aldagaiei buruzko informazioa emanen dio batzordeari, haien jarraipena eta eboluzioa egiteko.

LEHEN XEDAPEN GEHIGARRIA

a) Hitzarmen honen indarraldian, lantegian normaltasunez eginen da lan, lan egin beharreko edozein jaiegunetan bezala, abenduaren 24ko 14:00etatik abenduaren 26ko 6:00ak arte eta abenduaren 31ko 14:00etatik urtarrilaren 2ko 6:00ak arte. Multzo horretan sartuko dira, halaber, 2015eko urtarrilaren 1a eta 2a (goizeko 6:00ak arte).

Enpresak prestatuko ditu aurreko paragrafoan zehaztutako egunetan lan egitea borondatez onartzen dutela adierazi duten langileen zerrenda eta egutegiak.

Egun horietan beharrezko lanpostuak beteta egonen direla bermatzeko formulak ezartzeko asmoz, ondokoa hitzartu da:

1. Hitzarmenaren indarraldian egun horietan lan egiteko konpromisoa hartu duen boluntarioen bitartez beteko dira lanpostuak.

2. Enpresa batzordearen eta enpresaren arteko batzorde bat eratuko da boluntarioen bidez betetzen ez diren lanpostuen arazoak konpontzeko.

3. Atalak aztertuko ditu beste neurri osagarri batzuk atal bakoitzean lana bermatzeko.

b) Aurreko atalean azaldutako egun eta txandetan lan egiten duten langileek, euren lanagatiko konpentsazio orokor eta guztizko gisa diru kopuru hauek kobratuko dituzte:

Balio horiei hitzarmen honen 3. artikuluan 2016 eta 2007rako ezarritako igoera portzentajeak erantsiko zaizkie.

c) Gainera, abenduaren 24an eta abenduaren 31n gaueko txandako langileek pool-eko egun bat gutxiago izanen dute lan egindako gau bakoitzeko. Egun hori hartua edo konpentsatua izan daiteke.

d) Konpentsazio horiek kobratuko dira aipatu egunetako lanaldia hitzarmen honetan ezarritako urteko lanaldiaren gainetik dagoelako.

e) Prestatzen diren zerrendekin posible bada beharrezko lanpostu guztiak betetzea plantaren funtzionamendu arrunterako, enpresak konpromisoa hartzen du ezen, merkatuaren arrazoiak direla-eta lanpostu horietakoren bat egun horietan beharrezkoa ez bada, bertaratu behar ez dutenek hitzartutako zenbatekoen %25 jasoko dutela (baina ez C atalean ezarritako egunak).

BIGARREN XEDAPEN GEHIGARRIA

Zangozako festetako lanaldiak: Fabrikan etenik gabe lan egin eta horrela produkzio prozesua ahal den hobea izatea bermatu beharra dagoenez, beste egutegi bat aztertu eta hitzartu da behar horri erantzuteko. Hartara, aldatu dira Zangozako festetan ezarritako oporrak.

Bi alderdiek hitzartuta, egutegi berri horrek 2016an hartuko du indarra, eta, bermatzen du urte osoan lan eginen dela langileen balioaniztasunen bidez, Eguberrietan izan ezik, orduan orain arte bezala jarraituko baita.

Opor egunak aldatzeagatik, konpentsazio gisa, ondokoa hitzartu da:

a) Iraileko paga bat sortzea, hitzarmen kolektibo honen 26. artikuluan ezartzen den bezala.

b) Plus lineal bat ezartzea, 50 eurokoa lan egindako egun bakoitzeko herriko festetan, 2016tik aurrera, produkzioko langile bakoitzeko (hau da, pasten, berreskurapen eta energiaren, paperaren, mantentze-lanen, makinetako saiakuntza fisikoen eta efektuen biltegiaren eremuei lotuak daudenak eta egutegiaren arabera Zangozako festa egunetan lan egin eta benetan lan egiten dutenak). Kanpoan gelditzen dira paragrafo honetan berariaz sartuta ez dauden langileak.

c) Egutegi hori aldatu behar bada, enpresa batzordearekin hitzartuko da.

Balio horiei hitzarmen honen 3. artikuluan 2017rako ezarritako igoera portzentajeak erantsiko zaizkie.

Iragarkiaren kodea: F1513132