200. ALDIZKARIA - 2015eko urriaren 7a

1. NAFARROAKO FORU KOMUNITATEA

1.7. BESTELAKOAK

486/2015 EBAZPENA, irailaren 22koa, Industriaren, Energiaren eta Berrikuntzaren zuzendari nagusiak emana, administrazio baimena eman eta goi tentsioko instalazio elektrikoaren proiektua onesten duena.

Eduardo Ryan Murúa jaunak, Iberdrola Distribución Eléctrica S.A.U. ordezkatuz, proiektuaren administrazio baimena eta onespena eskatu ditu ondoko instalazio elektrikorako. Hona hemen haren ezaugarriak.

–Eskatzailea: Iberdrola Distribución Eléctrica SAU.

–Instalazioaren kokapena: Irurtzun herria.

–Xedea: 13,2 kV-ko linea elektrikoaren hobekuntza, badaezpadako mantentze-lanen kariaz.

–Ezaugarri teknikoak: “Irurtzun-Irurtzun” 13,2 kV-ko linea elektrikoa eraberritzea, 15607., 4303. eta 3801. euskarriaren artean:

5607.-4303. euskarrien tartea:

Hasiera

Egungo 56.07 euskarria

Amaiera

Egungo 43.03 euskarria

Linea berriaren luzera

92 metro

Eroale berria

LA-56

Euskarri muntatuak

1

Linea desmuntatuaren luzera

145 metro

Euskarri desmuntatuak

3

Eroale desmuntatua

LA-56

5608-3801 euskarrien tartea (Irular TZrako deribazioa):

Hasiera

56.08 euskarri berria

Amaiera

Egungo 38.01 euskarria

Linea berriaren luzera

34 metro

Eroale berria

LA-56

Euskarri muntatuak

0

Linea desmuntatuaren luzera

45 metro

Euskarri desmuntatuak

2

Eroale desmuntatua

LA-56

Tokia

Irurtzun

–Aurrekontua: 24.067,53 euro.

Orobat, Iberdrola Distribución Eléctrica, S.A.U.k adierazi digu badituela aurkeztutako proiektuaren III. eranskineko ondasun eta eskubide ukituen zerrendan agertzen diren lurzati ukituen baimenak.

Ikusirik aurkeztutako dokumentazioa, eta kontuan hartuta Sektore Elektrikoari buruzko abenduaren 26ko 24/2013 Legean eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuan xedatua, bidezkoa da eskatutakoa onartzea.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22 artikuluak ematen dizkidan eskudantziak erabiliz,

EBATZI DUT:

1. Iberdrola Distribución Eléctrica, S.A.U.ri administrazio baimena ematea aipatutako instalaziorako.

2. Instalazio hori egiteko aurkeztutako proiektua, Francisco Javier Juárez Gay industria ingeniariak sinatua, onestea. Hamabi hilabete eman zaizkio obrak gauzatzeko.

3. Instalazioak aurkeztu den proiektuaren arabera egin beharko dira, eta Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretuan xedatutakoarekin bat etorriko dira.

4. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri erantsiko zaizkio aipatutako araudian ezarritako agiriak eta obra bukaerako ziurtagiria, teknikari eskudun batek sinatua.

5. Baimen hau eta proiektuaren onespena ematen badira ere, ez dira galarazten instalazioaren eskatzaileak, instalazioa gauzatzeko, lortu beharreko kontzesio, baimen, lizentzia eta baimenak, publikoak nahiz pribatuak, aplikatzekoak diren beste xedapen batzuekin bat eta, bereziki, lurraldearen antolamenduari eta ingurumenari buruzkoak.

6. Ebazpen hau Energiaren, Meatzaritzaren eta Industria Segurtasunaren Zerbitzura igortzea, behar diren ondorioak izan ditzan.

7. Ebazpen hau Iberdrola Distribución Eléctrica, S.A.U.ri jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomikorako kontseilariari zuzendua, jakinarazi eta biharamunetik hilabeteko epean. Hartan espediente zenbakia adierazi beharko da.

8. Ebazpen hau Nafarroako Aldizkari Ofizialean argitaratzea, denek jakin dezaten.

Industriaren, Energiaren eta Berrikuntzaren zuzendari nagusia, María Yolanda Blanco Rodríguez.

Iragarkiaren kodea: F1513102