1. NAFARROAKO FORU KOMUNITATEA
1.7. BESTELAKOAK
176/2015 EBAZPENA, irailaren 24koa, Landa Garapeneko, Nekazaritzako eta Abeltzaintzako zuzendari nagusiak emana, Landa Garapeneko zuzendari nagusiaren abuztuaren 7ko 552/2015 Ebazpena aldatzen duena, laguntza eskaerak aurkezteko epea luzatzeko. 552/2915 Ebazpenaren bidez, “Barne merkatuko informazio eta sustapen jarduerak” azpineurrirako laguntzen 2015eko deialdia eta oinarri arautzaileak onetsi ziren Nafarroako 2014-2020 Landa Garapeneko Programaren barnean.
Landa Garapeneko zuzendari nagusiaren abuztuaren 7ko 552/2015 Ebazpenaren bidez, “Barne merkatuko informazio eta sustapen jarduerak” azpineurrirako laguntzen 2015eko deialdia eta oinarri arautzaileak onetsi ziren Nafarroako 2014-2020 Landa Garapeneko Programaren barnean.
Kalitate figuren bidez babestuta dauden nekazaritzako elikagaiak sustatzeko ekintzei pizgarriak eman gogo zaizkie laguntza horien bidez; figura horiek kudeatzen dituzten entitateek bultzatzen dituzte sustapen ekintzak, eta Nafarroako Foru Komunitatean, zehazki, kontseilu arau-emaileek.
Babestutako Jatorri Deituren (BJD) eta Adierazpen Geografiko Babestuen (AGB) Kontseilu arau-emaile horiek eta Nekazaritza Ekologikoko Ekoizpenaren Kontseiluak (CPAEN-NNPEK) babesten dituzten produktuen kalitatea eta jatorria bermatzeaz eta haien ospea zaintzeaz gain, babestutako ekoizpenak sustatu, balioetsi eta haiei buruzko informazioa emateko eginkizunak dituzte; horregatik, funtsezkotzat jotzen da erakunde horienganako laguntza instituzionala, finantza ahalmen handigoa lortu eta gauza izan daitezen beren helburuak betetzeko beharrezkoak eta osagarriak diren ekintzak burutzeko. Sustapen hori gabe, ekoizpen sistemak, kalitate kontrola eta produktuaren ziurtapena hobetzeko ahaleginak alferrikakoak izanen dira, segur aski.
Laguntza horiek funtsezkotzat jotzen dira Nafarroako nekazaritzaren sektorerako; horrexek kalitate figurek babestutako nekazaritzako elikagai ugari ekoitzi eta prestatzen ditu, eta merkatuan jarri behar ditu kontsumitzaileak behar adina ezagutu eta baloratzen dituela; gainera, merkaturatze sistema eta erronka berriei erantzuten die, bai banaketa handiaren esparruan, bai hobi espezializatuen eta zirkuitu laburren esparruan, elikagai kate osoa barne hartuta, bereziki sektore ekoizlea eta eraldatzailea; eta, aldi berean, lanerako aukerak mantentzen ditu, eta berriak sortzen, landaguneetan.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen abuztuaren 28ko 137/2015 Foru Dekretuarekin bat,
EBATZI DUT:
1. 4. puntua aldatzea “2015eko ekitaldiko deialdian eskaerak aurkezteko epea”, hura 30 egun luzatuta; hortaz, honela geldituko da testua:
“Deialdi honetan eskaerak aurkezteko epea 60 egun naturalekoa izanen da, ebazpen hau Nafarroako Aldizkari Ofizialean argitaratu eta biharamunetik hasita”.
Iruñean, 2015eko irailaren 24an.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1513201