1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
27/2015 FORU AGINDUA, irailaren 23koa, Ogasuneko eta Finantza Politikako kontseilariak emana, Ekonomia, Ogasun, Industria eta Enpleguko kontseilariaren martxoaren 25eko 105/2013 Foru Agindua aldatzen duena. Foru agindu haren bidez honako hauek onetsi ziren: 230 eredua: “Pertsona Fisikoen Errentaren gaineko Zerga eta Ez-egoiliarren Errentaren gaineko Zerga: zenbait loteria eta apusturen sarien gaineko karga bereziaren atxikipenak eta konturako sarrerak; Sozietateen gaineko Zerga: zenbait loteria eta apusturen sarien gaineko atxikipenak eta konturako sarrerak. Autolikidazioa” eta 136 eredua: “Pertsona Fisikoen Errentaren gaineko Zerga eta Ez-egoiliarren Errentaren gaineko Zerga: zenbait loteria eta apusturen sarien gaineko karga berezia. Autolikidazioa”.
Martxoaren 25eko 105/2013 Foru Aginduak “Pertsona Fisikoen Errentaren gaineko Zerga eta Ez-egoiliarren Errentaren gaineko Zerga: zenbait loteria eta apusturen sarien gaineko karga berezia. Autolikidazioa” izeneko 136 eredua onetsi eta arautzen du. Foru agindu horrek ezartzen du autolikidazioaren ondoriozko diru-sarrera 765 ereduko ordainketa-gutunaren bidez eginen dela.
Berriki onetsi da Ogasuneko eta Finantza Politikako kontseilariaren abuztuaren 12ko 9/2015 Foru Agindua. Haren bidez 763 eredua, “Joko-jardueren gaineko zerga, urteko eta urte anitzeko jardueren kasuetan. Autolikidazioa” onesten da. Foru agindu horretan adierazten da 765 ordainketa-gutuna bide bat dela 763 ereduan finkatutako autolikidazioaren diru-sarrera egiteko.
Bi zergen kudeaketa hobetzeko, bidezkotzat jotzen da bietako bakoitzari ordainketa-gutunaren eredu bat esleitzea. Horrenbestez, bidezko da 790 ordainketa-gutuna onestea zenbait loteria eta apusturen sarien gaineko karga bereziaren zorra ordaintzeko, eta 765 ordainketa-gutuna mantentzea joko-jardueren gaineko zergarako, urteko eta urte anitzeko jardueren kasuetan.
Pertsona Fisikoen Errentaren gaineko Zergari buruzko Foru Legearen testu bateginaren hogeita hamazazpigarren xedapen gehigarriko 7. atalak (ekainaren 2ko 4/2008 Legegintzako Foru Dekretuaren bidez onetsia) ezartzen du xedapen horretan ezarritako sariak lortu dituzten subjektu pasiboek autolikidazio bat aurkeztu beharko dutela karga berezi hau dela eta, dagokion zerga zorraren zenbatekoa zehaztuta, eta Ekonomia, Ogasun, Industria eta Enpleguko kontseilariak ezartzen dituen toki, modu eta epeetan sartu beharko duela zenbatekoa.
Horrenbestez, Pertsona Fisikoen Errentaren gaineko Zergari buruzko Foru Legearen testu bateginaren hogeita hamazazpigarren xedapen gehigarriko 7. atalean ezarritakoarekin eta Tributuei buruzko abenduaren 14ko 13/2000 Foru Lege Orokorraren 6. artikuluan eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluan ezarritako eskudantziarekin bat,
AGINDU DUT:
Artikulu bakarra.–Ekonomia, Ogasun, Industria eta Enpleguko kontseilariaren martxoaren 25eko 105/2013 Foru Agindua aldatzea. Haren bidez honako hauek onetsi ziren: 230 eredua: “Pertsona Fisikoen Errentaren gaineko Zerga eta Ez-egoiliarren Errentaren gaineko Zerga: zenbait loteria eta apusturen sarien gaineko karga bereziaren atxikipenak eta konturako sarrerak; Sozietateen gaineko Zerga: zenbait loteria eta apusturen sarien gaineko atxikipenak eta konturako sarrerak. Autolikidazioa” eta 136 eredua: “Pertsona Fisikoen Errentaren gaineko Zerga eta Ez-egoiliarren Errentaren gaineko Zerga: zenbait loteria eta apusturen sarien gaineko karga berezia. Autolikidazioa”.
Martxoaren 25eko 105/2013 Foru Aginduaren ondorengo manuek testu hau izanen dute:
Bat. 5.2. artikulua:
“2. 8. artikuluan xedatutakoari jarraituz aurkeztuko da 136 eredua, paper inprimatuan, foru agindu honen II. eranskinean ezarritako ereduari jarraituz; bi ale ditu, bata Administrazioarentzat eta bestea interesdunarentzat, eta 790 ereduko ordainketa gutuna.”
Bi. 7. artikulua, lehenbiziko lerroaldea:
“Nafarroako Zerga Ogasuna erakunde autonomoaren edozein bulegotan aurkeztu beharko da 136 eredua, eta Nafarroakoa Zerga Ogasunaren laguntzaile den edozein finantza-entitatetan diru-sarrera egin, 790 ordainketa gutunaren bitartez.”
Hiru. Martxoaren 25eko 105/2013 Foru Aginduaren II. eranskinean agertzen diren 765 ordainketa-gutunaren eta jarraibideen ordez, foru agindu honen eranskinean agertzen diren 790 ordainketa-gutuna eta jarraibideak erabiliko dira.
Azken xedapenetan lehena.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra, eta 2015eko urriaren 1etik aurrera aurkezten diren aitorpenei aplikatuko zaie.
Iruñean, 2015eko irailaren 23an.–Ogasuneko eta Finantza Politikako kontseilaria, Mikel Aranburu Urtasun.
ERANSKINA
–Ordainketa-gutuna (790 eredua), 136 eredurako (PDF).
–136 eredurako jarraibideak (PDF).
Iragarkiaren kodea: F1513196