Iragarkia
188. ALDIZKARIA - 2015eko irailaren 21a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
79/2015 EBAZPENA, irailaren 11koa, Unibertsitateen eta Hezkuntza Baliabideen zuzendari nagusiak emana, unibertsitateko ikasketak eta derrigorrezko ikasketen ondoko unibertsitatez kanpoko ikasketak egiten dituzten ikasleendako beken deialdi orokorra onesten duena, 2015-2016 ikasturterako.
Ikusirik, Departamentu honetako Baliabide Ekonomikoen Zerbitzuko zuzendariak 2015-2016 ikasturteko beketarako deialdi orokorrari dagokionez aurkeztutako txostena.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Unibertsitateko ikasketak eta derrigorrezko ikasketen ondoko unibertsitatez kanpoko ikasketak egiten dituzten ikasleendako beken deialdi orokorra onestea, 2015-2016 ikasturterako. Ebazpen honen eranskin bakarrean ageri da testua.
2. Deialdi honetarako gastua 3.629.104,00 eurokoa da, eta honako honen kargura finantzatuko da: 2016ko gastuen aurrekontuetan 2015era luzatutako 2012ko “Irakaskuntzako erdi eta goi mailetarako beka eta laguntzak” izeneko 410002 41140 4800 323100 kontu-sailaren baliokidearen kargura. Betiere, behar adinako kreditu egokia baldin badago.
3. Ebazpen hau eta eranskina igortzea Ogasuneko eta Finantza Politikako Departamentuak Hezkuntza Departamentuan duen kontu-hartzaile delegatuari, Unibertsitateen eta Hezkuntzako Teknologien Zerbitzuari, Lanbide Heziketaren Zerbitzuari, Hezkuntzako Ikuskapen Zerbitzuari, Antolamenduaren eta Aukera Berdintasunaren Zerbitzuari, Ebaluazioaren, Kalitatearen, Prestakuntzaren eta Bizikidetzaren Zerbitzuari, Baliabide Ekonomikoen Zerbitzuari, Ikastetxeen, Finantzaketaren eta Ikasketetarako Laguntzen Atalari, Beka Bulegoari eta Kudeaketa Ekonomikoaren Bulegoari, behar diren ondorioak izan ditzaten.
4. Deialdi hau eta eranskina Nafarroako Aldizkari Ofizialean argitara daitezela agintzea.
Iruñean, 2015eko irailaren 11n.–Unibertsitateen eta Hezkuntza Baliabideen zuzendari nagusia, Juan Ramón Elorz Domezain.
ERANSKINA
Unibertsitateko ikasketak eta derrigorrezko ikasketen ondoko unibertsitatez kanpoko ikasketak egiten dituzten ikasleendako beka eta laguntzen deialdi orokorra egiten da 2015-2016 ikasturterako. Deialdia ondoko arauek aginduko dute, eta horiek nahitaez bete beharko dira
I
Deialdiaren ezaugarriak
1. araua
1.–Nafarroako Gobernuak ikasketetarako eskaintzen dituen beka eta laguntzak Hezkuntza, Kultura eta Kirol Ministerioak eta/edo Eusko Jaurlaritzak dei egindakoen osagarri dira.
2.–Nafarroako Parlamentuak 2016rako aurrekontuan ezartzen duen kreditua izanen da deialdi honen muga deialdi honen bidez beka eta laguntzak onartu eta ordaintzeko. Hori horrela, ematen diren beka guztiak ordaintzeko aurrekontu krediturik aski ez badago, familiaren errentaren arabera ordainduko dira, txikienetik handienerako ordenan, kreditua bukatu arte. Kreditu ezagatik ordaindu ezin diren eskaerak ukatutzat hartuko dira.
II
Deialdian sartzen diren ikasketak
2. araua
1.–Deialdi honetan sartzen diren beka edo laguntzak ondoko ikasketa hauetarako izanen dira:
–Fakultateetan, unibertsitate kolegio edo institutuetan, goi eskola teknikoetan, unibertsitate eskoletan eta UHUNen egindako ikasketak, lizentziadun, ingeniari, arkitekto, diplomadun, maisu-maistra, ingeniari tekniko eta arkitekto tekniko izateko titulua lortzeko direnak.
–Europako Goi Mailako Hezkuntzaren Esparruari egokitutako unibertsitate ikasketak, graduko eta masterreko titulu ofizialak lortzeko direnak.
–Erlijio ikasketak.
–25 urtetik gorakoentzako sarbide-kurtsoa, UHUNek emana.
–Egokitzapen kurtsoak, bigarren zikloko unibertsitate ikasketak jarraitu nahi dituzten unibertsitate eskoletako tituludunentzat edo unibertsitateko irakaskuntzen lehenbiziko zikloa gainditu dutenentzat.
–Goi mailako heziketa zikloetara sartzeko prestakuntza ikastaroa.
–Hasierako Lanbide Kualifikazioko Programak, Lanbide Lantegiak eta Oinarrizko Lanbide Heziketa.
–Erdi eta goi mailako heziketa zikloak.
–Batxilergoa.
–Kirol irakaskuntzak.
–Arte irakaskuntza profesionalak.
–Goi mailako Arte Ikasketak
–Hizkuntza eskola ofizialetan egindako hizkuntza ikasketak.
2.–Noiz ez den laguntzarik emanen.
1. Ikasketa hauetarako ez da ez bekarik ez laguntzarik emanen: unibertsitateko hirugarren zikloa edo doktoregoa, espezializazio ikasketak, karrera bukaerako lana edo proiektua eta lizentziako tesina, unibertsitateetako berezko tituluak, Haur Hezkuntza, Lehen Hezkuntza edo Derrigorrezko Bigarren Hezkuntza.
2. Lanbide Heziketa, Batxilergoa edo erdi mailako beste ikasketa bat titulartasun publikoa duten ikastetxeetan, ikastetxe pribatu itunduetan edo oso-osorik diruz lagundutakoetan eta Nafarroako Gobernuaren diru-laguntza berariazkoa duten ikastetxeetan egiten ari diren ikasleei ere ez zaie irakaskuntzarako bekarik emanen.
3. Hizkuntza eskola ofizialetako ikasketetan, horiek osagarriak direnez, laguntzak bakar-bakarrik irakaskuntzagatik edo matrikulagatik emanen dira.
4. Ez zaie beka edo laguntzarik emanen lanbide jardueretan aritzeko gaitasuna ematen duen titulu akademikoaren jabe diren ikasleei, non eta egin nahi dituzten ikasketak ez diren maila edo gradu handiagokoak (hau da, diplomadunaren titulu akademikoa izatea eta lizentziatura bateko ikasketak egitea -4. edo 5. maila, hala badagokio-, edo master bat).
5. Ez da beka edo laguntzarik emanen bigarren diploma lortzeko helburua duten ikasketetarako.
6. Ez da beka edo laguntzarik emanen bigarren lizentzia lortzeko helburua duten ikasketetarako.
7. Ez da beka edo laguntzarik emanen bigarren master ofiziala lortzeko helburua duten ikasketetarako.
8. Ez da beka edo laguntzarik emanen gradu mailako bigarren titulua lortzeko helburua duten ikasketetarako.
9. Ikasketak aldatzeko bekarik ez da emanen, ikasmailetan gora egiten ez bada. Batxilergoko 2. maila gainditu ondoren goi mailako prestakuntza zikloak egiten hasten diren ikasleak arau horretatik salbu geldituko dira.
10. Unibertsitateko lehenbiziko ikasmaila egin ondoren goi mailako prestakuntza ziklo bateko lehen ikasmaila egitera aldatzen diren ikasleei ez zaie bekarik emanen, salbu eta unibertsitateko ikasmaila hori egiteko bekarik izan ez bazuten.
III
Ikasketak zein ikastetxetan egin beharko diren
3. araua
1.–Beka edo laguntza eskatzen duten ikasleek beren ikasketak Espainiako lurraldean kokatutako ikastetxe publiko nahiz pribatuetan egin beharko dituzte, Hezkuntza, Kultura eta Kirol Ministerioak edo behar den autonomia erkidegoak aitortu eta baimenduak direnetan, hain zuzen.
2.–Ikastetxe publiko, itundu edo diruz lagundutako batean edota familiaren etxetik hurbil egoteagatik aipatu beka edo laguntzen beharrik ez duen ikastetxe batean ikasketak egiteko aukera izanik besteren batean matrikulatzen diren ikasleek oso inguruabar berezietan jasotzen ahalko dituzte irakaskuntza, garraio, jantoki edo egoitzarako beka edo laguntzak, eta agiri bidez frogatu beharko da inguruabar berezi hori. Berdin jokatuko da Nafarroako Unibertsitatearen zentroren batean ikasketa homologatuak egiteko beka eskaerekin.
3.–Edonola ere, unibertsitatez kanpoko ikasketetarako beka eta laguntzek martxoaren 13ko 150/1996 Foru Dekretuan ezarritakoa bete beharko dute. Dekretu horrek Nafarroako Foru Komunitateko ikastetxeen sarea berrantolatzeko arauak eman zituen martxoaren 13ko 69/1995 Foru Dekretua aldatu zuen.
4.–Zehazki, Foru Komunitatean bertan ikasketak egiteko aukera izanik kanpoko ikastetxe batean matrikulatzen den ikasleari kasu hauetan bakarrik ematen ahal zaio beka edo laguntza:
a) Nafarroako Unibertsitate Publikoan beka edo laguntzaren xede diren ikasketak egiteko tokia eskatu, baina eman ez bazaio, karrera edozein dela ere.
b) Ikaslea matrikulatu den ikastetxea hurbilago baldin badago bere etxetik Foru Komunitatean kokatuta daudenak baino.
5.–Bi kasuotan, Nafarroako Foru Komunitatetik kanpoko ikastetxeetan egindako goi mailako ikasketen kasuan, ez da kontzeptu horietarako beka edo laguntzarik emanen, baldin eta Foru Komunitateko ikastetxe batean eginez gero baino garestiago ateratzen bada.
IV
Onuradunak, eta eskatzaileak eta familia unitateko gainontzeko kideek bete beharreko baldintza orokorrak
4. araua
1.–Honako hauek izanen dira ikasteko beka edo laguntzen eskatzaile eta balizko onuradun, kasu guztietan:
a) Gurasoak edo legezko tutoreak, eginiko ikasketei dagokienez:
–30 urtetik beheitiko seme-alabengatik (2014ko abenduaren 31n).
–30 urtetik goitiko seme-alabengatik (2014ko abenduaren 31n), %33ko edo hortik goitiko desgaitasuna badute.
Betiere seme-alabak haiekin bizi badira eta beste familia unitate bat osatu ez badute.
b) Beren izenean, aurreko lerroaldean sartzen ez direnak.
2.–Eskatzaileak edozein egoera zibil duela ere, familiatik aparte eta bere kontu bizi dela alegatzen badu, modu sinesgarrian frogatu beharko du aparte bizitzeko baliabide ekonomiko aski dituela, eta etxebizitza baten titulartasuna edo alokairua ere bai. Etxebizitza hori ikasturtean zehar ikaslearen bizileku dena izan beharko da, ondorio guztietarako. Udalak emandako erroldatze eta bizikidetza ziurtagiria, 2014. urteari dagokiona, aurkeztu beharko du.
Beren kontu bizi diren ikasleek ez dute egoitza laguntzarako eskubiderik.
Eskaera zehatz-mehatz aztertuko da, eskatzailearen eta bere gurasoen errenta eta benetako egoera egiaztatuz, baita behar dituen baliabide ekonomikoak irabazi asmorik gabe ematen dizkionaren dohaintzak ere. Kontu horiek 2014ko abenduaren 31rako aski frogatu ezean, eskabidea ukatu eginen da.
3.–Eskatzaileak eta familia unitateko gainerako kideek baldintza hauek bete beharko dituzte:
A) Nafarroan erroldatua egon eta bertan bizitzea 2014. urtean eta gaur egun ere (eskaera aurkezteko epe bukaera).
B) 2014. urtean Nafarroako P.F.E.Z.ren zergadun izatea, errenta aitortzera behartua badago.
Ikasleak eguneratuak izan beharko ditu zerga arloko betebeharrak.
4.–Familia unitateko kideren batek 2015eko urriaren 31n aurreko ikasturteetako beka edo laguntzen zenbatekoak itzuli gabe baditu, ez da beka edo laguntzarik emanen.
5.–Beka edo laguntza eskatzen duen familiako kideak deialdian aipatutako ikasketak adierazi diren ikastetxeetakoren batean ikasi behar du.
6.–2015-2016 ikasturterako beka eskatua izatea, dela Hezkuntza, Kultura eta Kirol Ministerioari dela Eusko Jaurlaritzari, eskatzen diren baldintzak betetzen badira. Hezkuntza, Kultura eta Kirol Ministerioak edo Eusko Jaurlaritzak ez badu beka eman, zergatiko hauengatik ez izatea:
1. Deialdi horietan agiriak aurkezteko epeak ez betetzea.
2. Eskabideko oinarrizko datuak ez betetzea edo lehiaketa erabaki ahal izateko beharrezkoa den dokumentazioa, eskatu bazaio ere, ez aurkeztea.
3. Baztertua ez izatea.
Betebehar akademikoak ez betetzeagatik eskatu ez bada, horren egiaztagiriak aurkeztu beharko dira.
Bestela, beka automatikoki ukatuko da.
Oroitarazi behar da Ministerioaren eta Eusko Jaurlaritzaren deialdiak ebazteko, deialdietan jasotzen diren oinarri arautzaileak aplikatzen direla, eta bereziki bere zerga araubidea errenta zehazteko.
7.–Ikasturte berean ezin da eskatu beste ikasketa batzuetarako beste beka bat.
8.–Beka edo laguntza eman den xederako erabiltzea, ikasgelara joatea, azterketetara aurkeztea eta laguntzaren xedeko gastuak, halakorik bada, ordaintzea.
V
Ematen diren beka edo laguntza motak
5. araua
1.–Deialdi honetako beka edo laguntzen xedea izanen da premia duten familiei laguntza ematea, familiako kideen ikasketa gastuen zati bat ordaintzeko.
2.–Beka edo laguntzak honako kontzeptu hauetarako eskatzen ahalko dira:
–Irakaskuntza edo matrikula. Laguntza ez da eskatzen ahal Hezkuntza, Kultura eta Kirol Ministerioak, Nafarroako Gobernuak edo beste autonomia erkidego batek itundutako edo oso-osorik diruz lagundutako mailetan, unibertsitatez kanpoko ikastetxeetan, ikasten dutenentzat.
–Herri arteko garraioa (betiere garraioa diruz laguntzen ez bada, bi herrien arteko distantzia 5 kilometrokoa edo hortik gorakoa bada eta astean gutxienez 4 bidai -2 joateko eta 2 etortzeko- egiten badira).
Nafarroako Gobernuak antolatutako unibertsitateko garraioa erabiltzen dutenek ez dute zerbitzu horretako bidaiari dagokion laguntzarik jasoko.
–Jantokia (ikasleak astean bi egunetan edo gehiagotan, eskola ordutegia dela kausa, etxetik kanpo bazkaldu behar badu eta jantokiak diru-laguntzarik hartzen ez badu, eta ikastetxea dagoen herritik familiaren etxea dagoen herrira gutxienez 5 km-ko tartea badago).
–Egoitza: Egoitzarako laguntza emateko, eskatzaileak ikasketa presentzialak egin behar ditu, eta frogatu familiaren etxetik kanpo bizi behar duela ikasturtean zehar, familiaren etxearen eta ikastetxearen arteko distantziagatik, garraiobideen eskasiarengatik eta eskolen orduak aldatzeko aukera ezagatik.
Garraiorako, jantokirako eta egoitzarako beka edo laguntzen ondorioetarako, bekadunak hautatuko dituen organoak familiaren etxetzat har dezake ikastetxetik hurbilen dagoena, legezko helbidea ez bada ere.
Zehazki, deialdiko beka eta laguntzen ondorioetarako, familiaren etxetzat hartuko da familia unitateko edozein kidek ikastetxetik hurbilen duena.
Egoitzarako laguntza bateraezina da garraioari eta jantokiari dagozkienekin, baita Nafarroako Gobernuak antolatutako unibertsitateko garraioari dagokionarekin ere.
Garraiorako eta jantokirako laguntzen zenbatekoen batura ezin da egoitzarako laguntzaren zenbatekoa baino handiagoa izan; salbuespenez, 11.4.2 arauaren bigarren lerroaldean sartzen diren ikasleei ematen zaien zenbatekoa muga horren %10eraino handitzen ahalko da.
–Laguntza berezia (kasu bakanetan bakarrik, ikus 11.4.7 araua).
VI
Unibertsitatez kanpoko ikasketetarako baldintza akademikoak
6. araua
1.–Unibertsitatez kanpoko ikasketetan beka edo laguntza lortzeko ezinbestekoa da eskatzailea 2015-2016 ikasturtean mailaz igo izana, indarra duten ikasketa planen arabera.
Batxilergoko lehen mailan, hasierako lanbide kualifikazioko programetan, oinarrizko lanbide heziketan eta erdi edo goi mailako heziketa zikloetan, ikasmaila horretan matrikulatuta egoteko baldintzak betetzea.
Irakasgai edo lanbide moduluren bat gainditu ez arren, mailaz igotzea onartzen duten unibertsitatez kanpoko ikasketetako ikasmailetan arituz gero, beka emanen da, baldin eta irakasgai bat edo lanbide modulu bat baino gehiago uzten ez bada.
2.–Maila errepikatzen ari diren ikasleei ez zaie bekarik emanen.
3.–Ikasleen matrikulak kurtso osoko eskola-karga izan beharko du, kasu bakoitzean indarra duen ikasketa planaren arabera. Hau salbuespentzat hartuko da:
Urrutiko Batxilergoaren ikasketa ofizialetako ikasleek, aurrez lehen kurtso osoan matrikulaturik egon badira eta, beraz, irakasgai solteetako matrikula egin badezakete, beka erdietsi ahal izateko, gutxienik lau irakasgaitan matrikulatu beharko dute, eta horiek osorik gainditu.
4.–Ikasturteren batean ikasketarik egin ez bada, 2014-2015 ikasturterako adierazitako baldintzak ikasten ibilitako azken ikasturtean betetzea eskatuko da.
5.–Bekadun gisa osoki edo partzialki egindako irakaskuntza ertainen kasuan, ezin izanen da beka edo laguntzarik lortu ikasketak aldatu badira, aldaketa horrek hezkuntza prozesuan ikasturte bat edo gehiago galtzea baldin badakar, 2.2 arauan xedatutakoa izan ezik.
VII
Unibertsitate mailako ikasketetarako baldintza akademikoak
7. araua
Unibertsitate mailako ikasketetarako beka edo laguntza lortzeko, honako baldintza akademiko hauek bete behar dira:
1.–Gradua lortzera bideratutako unibertsitate ikasketak.
1.1. 2014-2015 ikasturtean ondoko kalifikazioak lortzea:
Ikasketa hauetan, ekain eta iraileko deialdietan matrikula egin zuen kredituen %70 gutxienik gainditzea: goi eskola teknikoak, itsasgintza zibila, informatika fakultateak, arkitektura eta ingeniaritza teknikoko eta informatikako unibertsitate eskolak.
Gainerako unibertsitate ikasketak edo goi mailako ikasketak badira, matrikula egin zuen kredituen %80 gutxienik gainditzea.
Kasu guztietan, deialdiren batean ikasleak azterketa egiteari uko egiten badio, irakasgai horiek gainditu gabeko irakasgaitzat hartuko dira.
1.2. Beka lortu ahal izateko, eskatzaileek 2015-2016 ikasturtean 60 kreditutan matrikulatuta egon beharko dute, hau da, denbora osoko ikasketetan aritu beharko dute.
1.3. Hala ere, ikasturte batean 30etik gorako eta 60tik beherako kreditutan matrikulatuta dauden ikasleek ere jaso dezakete beka. Deialdi honen ondorioetarako, egoera honen izena matrikula partziala da, eta arau hauek aplikatuko dira:
–Matrikula partziala aukeratzen dutenek, eskura dituzten kreditu guztietan matrikulatu ez badira, matrikularako eta garraiorako laguntza jaso dezakete bakarrik. Aurrekoaz gain, kreditu horiek lauhileko/seihileko bakar batean egiten badira, garraiorako legokionaren %50eko beka jasoko du, gehi matrikularako laguntza (honi ez zaio %50eko murrizketa aplikatuko). Hurrengo ikasturtean beka mantentzeko, matrikulatutako kreditu guztiak gainditu beharko dituzte.
1.4. Matrikula sei hilean behin edo lau hilean behin egiten den ikasketa planen kasuan, beka lortu ahal izateko, aurreko atalean ezarritako kreditu kopuruaren %50ean matrikulatu beharko dute ikasleek. Hala ere, hurrengo lauhilekoan edo seihilekoan matrikula osatu beharko dute, 2. puntuan adierazitako kreditu kopurura iristeko. Matrikulan aldaketak egin edo hura zabalduz gero, dokumentu bidez frogatu beharko da Hezkuntza Departamentuko Beka Bulegoan.
1.5. Matrikularako laguntza eskuratzen ahalko dute presentziala ez beste modalitate bateko graduko ikasketak egiten dituztenek. Hurrengo ikasturtean beka mantentzeko, matrikulatutako kreditu guztiak gainditu beharko dituzte, edo arau honetan oro har ezarritako portzentajea, kurtso osoko matrikula egin bada.
2.–Kredituka egituratuta dauden ikasketak (gradukoak salbu).
2.1. 2014-2015 ikasturtean aurreko 1.1 puntuan graduko ikasketetarako ezartzen diren kalifikazioak lortzea eta baldintzak betetzea.
2.2. Ikaslea, gutxienik, 2015-2016 ikasturtean kreditu kopuru honetan matrikulaturik egotea: ikasketa plana osatzen duten kredituen kopurua zati ikasketa plan horren urte kopurua, alde batera utzita hautapen libreko irakasgaien kredituak. Betiere, planen urte kopurua kontatzeko orduan, azaroaren 27ko 1497/1987 Errege Dekretuan (abenduaren 14ko Estatuko Aldizkari Ofiziala) eta ondoko aldaketetan ezarritakoa aintzat hartuko da, izan ere, errege dekretu horren bidez ezarri ziren Espainia osoan ofizialak eta baliozkoak diren unibertsitate tituluetako ikasketa planetarako jarraibide orokor komunak.
Matrikulan aldaketak egin edo hura zabalduz gero, dokumentu bidez frogatu beharko da Hezkuntza Departamentuko Beka Bulegoan.
2.3. Hala ere, ikasturte batean 30etik gorako eta aurreko atalean xedatutakoaren beherako kreditutan matrikulatuta dauden ikasleek ere jaso dezakete beka. Deialdi honen ondorioetarako, egoera honen izena matrikula partziala da, eta arau hauek aplikatuko dira:
a) Matrikula partziala aukeratzen dutenek, eskura dituzten kreditu guztietan matrikulatu ez badira, matrikularako eta garraiorako laguntza jaso dezakete bakarrik. Aurrekoaz gain, kreditu horiek lauhileko/seihileko bakar batean egiten badira, garraiorako legokionaren %50eko beka jasoko du, gehi matrikularako laguntza (honi ez zaio %50eko murrizketa aplikatuko). Hurrengo ikasturtean beka mantentzeko, matrikulatutako kreditu guztiak gainditu beharko dituzte.
2.4. Matrikularako laguntza eskuratzen ahalko dute presentziala ez beste modalitate bateko graduko ikasketak egiten dituztenek. Hurrengo ikasturtean beka mantentzeko, zer kreditutan matrikulatu diren, horiexek guztiak gainditu beharko dituzte, edo 7. arauan orokorrean ezarritako portzentajea, kurtso osoko matrikula egin bada.
3.–Gutxieneko irakasgai edo kreditu kopuruan baino gehiagoan matrikulaturik badago, denak hartuko dira kontuan, ebazpen honetan ezarritako baldintza akademikoak baloratzeari begira.
Hori deusetan ukatu gabe, hautapen organoek baloratu eta aintzat hartzen ahalko dute ikaslearen ohi ez bezalako aprobetxamendu akademikoa, kasuan kasuko ikasketa planak ezarritako urte kopurua baino denbora laburragoan egiten baditu bere ikasketak.
4.–Ikasketa planek edo unibertsitateko araudiak mugatzen badute ikaslea matrikula daitekeen kredituen kopurua, ikasleak beka lor dezake baldin eta ahal duen irakasgai edo kreditu guztietan matrikulatzen bada, aurreko lerroaldeak aipatutako gutxieneko kopurura iristen ez bada ere. Hori guztia ikastetxeko matrikula ziurtagirian agertuko da.
5.–Ikasleak 2015-2016 ikasturtean matrikulaturik egon behar duen irakasgai edo kredituen gutxieneko kopurua, aurreko ataletan finkatutakoa, ez zaie karrerako azken kurtsoa egiten ari direnei eskatuko, karrera bukatzeko falta zaizkien kredituengatik, aurreko kurtsoko edo kurtsoetako aprobetxamendu akademiko hobea dela kausa matrikulatutako gutxieneko irakasgai edo kreditu kopuru hori ez badute. Horregatik ez bada, 2015-2016 ikasturtean matrikulaturiko ikasgai edo kredituek gutxienez ere beka lortzeko orokorrean behar direnen %50 izan beharko dute.
6.–Aurreko ataletan aipatutako gutxieneko horietan ez dira inolaz ere sartuko espezialitate desberdinetako irakasgaiak, ez kasuan kasuko titulua eskuratzeko behar den kreditu kopurua gainditzen duten irakasgaien kredituak, ez eta kreditu edo irakasgai onartuak, baliozkotuak, egokituak, transferituak edo antzekoak ere.
7.–Ikasketa planaren kurtsoak adina deialditan lortu ahal izanen da beka, bai eta beste batean ere. Urte gehigarri horretan, legokionaren %50eko beka emanen da, matrikularako beka salbu (legokionaren %100 izanen baita).
8.–UHUNek hogeita bost urtetik goitikoendako antolatzen duen unibertsitatera sartzeko prestakuntza kurtsoa egiten duten ikasleek urte bakarrean izanen dute beka, kurtso horretarako.
9.–UHUNen egiten diren lizentzia edo diplomako ikasketetarako, goragoko ikasmaila bateko matrikula gehienez ere bi ikasturteko epean egin beharko da, aurreko ikasturtean bekaren %50 eman bazen.
10.–UHUNen egiten diren graduko, lizentziako edo diplomaturako ikasketetan, ikasleek 30 kreditutan matrikulatu beharko dute gutxienez. Hurrengo urtean beka jaso nahi izanez gero, kreditu guztiak gainditu beharko dituzte. Egoera hau ez da matrikula partzialtzat hartuko. Hurrengo ikasturtean beka mantentzeko, kurtso osoko matrikula egin bada, arau honetan oro har ezarritako portzentajea gainditu beharko da.
11.–UHUNen egiten diren master ikasketetan, ikasleek 30 kreditutan matrikulatu beharko dute gutxienez. Hurrengo urtean beka jaso nahi izanez gero, kreditu guztiak gainditu beharko dituzte. Egoera hau ez da matrikula partzialtzat hartuko.
12.–Beka edo ikasketarako laguntza lortzen duten goi mailetako ikasleei, 2014-2015 ikasturteko irakasgai edo kredituren bat gainditu gabe badute, bekaren %70 baizik ez zaie ordainduko, eskubidea sortzen duten kontzeptu guztiak murriztuz, eskatzailea sarturik dagoeneko per capita errenta tartearen arabera.
13.–2014-2015 ikasturteko irakasgai edo kreditu guztiak gaindituta dituzten goi mailako ikasketetako ikasleek, aipatu ikasturtean irakasgairen batean 2 aldiz edo gehiagotan matrikulatu izateagatik, matrikulatu ez eta, hortaz, ikasturte horretako ikasketa planari dagozkion kreditu guztiak gainditzen ez badituzte, aurreko paragrafoan adierazitako penalizazioa izanen dute.
14.–%65eko edo gehiagoko desgaitasun aitortua duten ikasleek eskola-karga murrizten ahalko dute %50eraino, eta muga horretaraino murriztuko dira artikulu honen aurreko ataletan ezarritako gutxienekoak. Beka berritzeko, ikasturtean matrikulatutako kredituen %50 gainditu beharko dute.
%65eko edo gehiagoko desgaitasuna duten bekadunek, eskola-karga murriztea aukeratu badute, ikasketa planak ezarritako iraupena baino bi urte luzeagoko epean jasotzen ahalko dute beka, Ingeniaritza edo Arkitektura ikasketetan izan ezik, epea lau urtekoa izanen baita.
Matrikula murriztua erabiltzen ez denean, hau da, ikasleak oro har ezarritako kreditutan matrikulatzen bada, dagozkien beken zenbatekoa handituko da %50eraino, matrikularako beka salbu.
Ikasle hauek matrikula murriztua aukeratzen badute, ez zaie aplikatuko matrikula partzialaren kasuetan ezartzen den zenbatekoen muga.
15.–Ebazpen honetako deialdiaren bekak titulazio bikoitza egiten dutenei emateko, aurreko artikuluetan xedatutakoa aplikatuko zaie, salbuespen hauekin:
1. Matrikularen kreditu kopurua.
Titulazio bikoitza egiten dutenek gutxienez kreditu kopuru honetan matrikulaturik egon behar dute: baterako ikasketa plana osatzen duten kredituen kopurua zati ikasketa plan horren urte kopurua.
2. Aurreko ikasturteko errendimendu akademikoa.
Egiten diren bi titulazioak jakintza arlo berekoak ez badira, beka lortzeko behar den errendimendu akademikoa eskakizun akademiko txikiena duen arlorako ezarritakoa izanen da.
3. Bekadun izaeraren iraupena.
Titulazio bikoitzerako bekaren urte kopurua, ikasketa planaren urte kopuru bera izan daiteke gehienez.
Hala ere, titulazio bat (edo biak) Arkitektura eta Ingeniaritza/Ikasketa teknikoak arlokoa bada, aurreko lerroaldean ezarritakoa baino urte batez luzatuko da bekaren urte kopurua.
VIII
Master titulu ofizial bat lortzeko ikasketetarako baldintza akademikoak
8. araua
Master titulu ofiziala lortzera bideraturiko beka edo laguntza eskuratzeko, honako baldintza akademiko hauek bete behar dira:
1.–Master bat egiteko aukera ematen dioten aurreko ikasketak gaindituak izan beharko ditu ikasleak, edo behar den titulua eduki beharko du.
2.–Master ofizialetako lehen ikasmailan beka eskatzeko, ikasleak 2015-2016 ikasturtean gutxienez 60 kreditutan matrikulaturik egon beharko du.
Gutxieneko kredituetan baino gehiagotan matrikulaturik badago, horiek guztiak hartuko dira kontuan ikaslearen errendimendu akademikoa baloratzean.
Master ofizialen kasuan, ikasketa planaren kurtsoak adina deialditan lortu ahal izanen da beka, ez gehiagotan. Horretarako, ulertuko da 60 kreditutik gora eta 120tik behera osatutako ikasketa planek urte eta erdi dirautela. Kasu horretan, bigarren urteko bekaren zenbatekoa deialdian xedatutakoari jarraikiz bidezko izanen zatekeenaren %50ekoa izanen da, irakaskuntzarako laguntza izan ezik, hori osorik ordainduko baita.
3.–Master ofizialetako ikasketetako lehenbiziko mailarako beka eskatzen dutenek masterra egiteko aukera ematen dieten unibertsitate ikasketetako espediente akademikoan 6,50 puntuko batez besteko nota dutela frogatu beharko dute. Masterrak lanbide arauturako gaikuntza ematen badu, batez besteko nota 6,00 puntukoa izanen da. Horretarako, irakaskuntza teknikoetako ikasketen batez bestekoak 1,17 koefizientearekin biderkatuko dira.
Masterra egiteko aukera bigarren ziklokoak bakarrik diren titulazioak gainditzeari esker lortu bada, batez bestekoa kalkulatzeko, aurretik egindako lehen zikloko kalifikazioak ere hartuko dira kontuan.
4.–Masterraren bigarren ikasturtean beka eskatzeko, ikasleek lehenbiziko ikasturtean matrikulatutako kreditu guztiak gainditu dituztela frogatu beharko dute. Aurrekoaz gain, ikasleak masterra egiteko aukera ematen duten ikasketen batez besteko nota (aurreko puntuan adierazten dena) frogatu beharko du, eta titulua lortzeko falta zaizkion kredituetan matrikulatu.
5.–Aurreko puntuan adierazten den batez besteko nota kalkulatzeko, arau hauek aplikatuko dira:
5.1. Kalifikazioak baremo honen arabera kontatuko dira:
–Ohorezko matrikula (bikain eta aipamena) = 10 puntu.
–Bikain (9-10 puntu) = 9 puntu.
–Oso ongi (7-8,9) = 7,5 puntu.
–Nahikoa edo gai (5-6,9) = 5,5 puntu.
5.2. Irakasgaien arabera antolatutako ikasketa planak izanez gero, batez besteko nota kalkulatuko da guztira lortutako puntuak irakasgai guztien artean zatituz.
Kredituen arabera antolatutako ikasketa planak baldin badira, irakasgai bakoitzari aurreko baremoa aplikatu eta gero lortzen den puntuazioa haztatzeko, kontuan hartuko da hori osatzen duten kreditu kopurua, formula honi jarraikiz:
B = (P x IKK) / EKK |
B = Irakasgai bakoitzean lortutako notaren haztapenaren balioa.
P = Irakasgai bakoitzaren puntuazioa, aurreko puntuko baremoa kontuan hartuta.
IKK = Irakasgaiaren kreditu kopurua.
EKK = Eginiko kreditu kopurua, agindu honen arabera kontatzen ahal dena.
Formula horren aplikazioaren ondoriozko balioak batu eginen dira. Horren emaitza izanen da azken batez bestekoa.
5.3. Baliozkotu, egokitu eta parekatutako irakasgai edo kredituak abiapuntuko ikastetxean lortutako kalifikazioari dagozkion puntuetan emanen dira. Kalfikazio hori ez dagoenean nahikotzat joko da (5,5 puntu).
5.4. Kalifikaziorik ez daukaten irakasgai eta kreditu onartuak ez dira espedientean sartuko.
5.5. Atzerriko unibertsitateetatik datozen espedienteen batez besteko nota kalkulatzeko, hautapen epaimahaiak Espainiako hamartar sistemara egokituko du, irakasgaiz irakasgai, kontuan hartuz jatorrizko kalifikazioan gainditzeko behar den gutxieneko nota eta gehieneko nota eta horren arabera Espainiako kalifikazio hamartarreko sisteman dagokiena.
5.6. Masterreko lehenbiziko maila egin behar duten ikasleen batez bestekoaren ziurtagiriak egitean, unibertsitateek irailaren 5eko 1125/2003 Errege Dekretua hartu beharko dute kontuan. Dekretu horrek ezartzen ditu kredituen Europako sistema eta kalifikazioen sistema, Espainia osoan balio duten unibertsitateko titulazio ofizialetan.
6.–%65eko edo gehiagoko desgaitasun aitortua duten ikasleek eskola-karga murrizten ahalko dute %50eraino, eta muga horretaraino murriztuko dira artikulu honen aurreko ataletan ezarritako gutxienekoak. Beka berritzeko, ikasturtean matrikulatutako kredituen %50 gainditu beharko dute.
%65eko desgaitasuna edo handiagoa duten bekadunek, eskola-karga murriztea aukeratu badute, ikasketa planak ezarritako iraupena halako biko epean jasotzen ahalko dute bekadun bilakatzen dituen beka.
Matrikula murriztua erabiltzen ez denean, hau da, ikasleak oro har ezarritako kreditutan matrikulatzen bada, dagozkien beken zenbatekoa handituko da %50eraino, matrikularako beka salbu.
Ikasle hauek matrikula murriztua aukeratzen badute, ez zaie aplikatuko matrikula partzialaren kasuetan ezartzen den zenbatekoen muga.
IX
Datuak bildu eta lagatzea
9. araua
Beka edo laguntzen eskatzaileek inprimaki ofizialetan eskatzen zaizkien datu guztiak eman beharko dituzte. Datu horiek eman nahi ez izateak eskatutako beka ukatzea ekar dezake berarekin.
Bekarako eskaera aurkezteak berarekin dakar hezkuntzako administrazioei baimena ematea beste administrazio publiko batzuetatik (EIN, IMSERSO, GSIN...) informazio hau lortzeko: identifikazio datuak eta inguruabar pertsonal, akademiko eta familiarrak zehaztu, ezagutu eta egiaztatzeko behar dena eta bekaren eskaera ebazteko behar den errentaren eta ondarearen ingurukoa.
Inprimaki horietan jarritako datu pertsonalak, eta bekak edo laguntzak emateko eskatzen diren gainerako agiriak, Hezkuntza Departamentuko Baliabide Ekonomikoen Zerbitzuaren ardurapeko fitxategi automatizatu batean sartuko dira.
Aipatu unitate organikoak edozein unetan erabil ditzake fitxategi horretako datuak, egiazkoak ote diren baieztatzeko.
Hezkuntza Departamentuak familia unitateko kideen datu ekonomiko-finantzarioak eskura ditzake Ogasuneko eta Finantza Politikako Departamentutik, paperean eta euskarri informatikoan hartzeko moduko igorpen elektronikoaren bidez, beka eta laguntzen deialdi orokorreko 4. eta 10. arauetan aipatzen diren baldintza ekonomikoen gaineko informazioa osatzeko, hots: diru-sarrerak, errentak, inbertsioak, ondareko ondasunak, sorospenak, onurak, pentsio planak, zerga betebeharrak eta beste.
Hezkuntza Departamentuak ahalmena du eman eta ukatu diren beka eta laguntzen zenbateko eta kontzeptuei buruzko datuak eta eskatzaileen identifikazio eta ikasketei buruzkoak Hezkuntza, Kultura eta Kirol Ministerioari, udalei eta ikastetxeei lagatzeko, eta bankuko datuak, orobat, beka edo laguntza kobratzeko eskatzaileak hautatutako finantza entitateei.
X
Baldintza ekonomikoak
10. araua
Honako hauek dira eskatzen diren baldintza ekonomikoak:
10.1. Ikasketarako beka edo laguntza hartu ahal izatearen ondorioetarako, familiaren errenta erabilgarriaren eta familiaren ondarearen atalasea hartuko da kontuan, deialdiaren 10. eta 11. arauetan xedatu bezala.
10.2. Familiaren errenta.
a) Familia unitatea zer den.
Bekarako, familia unitateko kide hauek hartuko dira kontuan: ikaslea, haren aita eta haren ama edo, bidezko bada, tutorea edo ikasle adingabea zaindu eta babesten duen pertsona, senide ezkongabeak, 2014ko abenduaren 31n 30 urtetik beheitikoak badira eta egun horretan familiaren etxean bizi baziren, edo zaharragoak, legez %33ko edo hortik goitiko desgaitasuna badute.
Gurasoak bereiziak edo dibortziatuak badaude, beka eskatzen duen ikaslearekin bizi ez dena, aita edo ama, ez da zenbatuko.
Alargunak edo dibortziatuak berriz ezkonduz gero, ezkontide berria familia unitateko kidetzat hartuko da ondorio guztietarako. Izatezko bikoteen kasuan, berdin jokatuko da.
Ikaslea ezkondua bada edo bikotekidearekin bizi bada, familia unitatea eurek osatuko dute, bai eta arestian aipatu diren adinaren, bizikidetasunaren eta desgaitasunaren gaineko baldintzak betetzen dituzten seme-alaba ezkongabeek ere, horrelakorik badu. Kasu horretan, eskatzailea bere kontu bizi dela ulertuko da , eta 4.1.b) araua aplikatuko da.
Deialdi honetan konputagarria diren kideak sartu behar dira, betiere 4.6 arauan aipatzen den eskaeran betebeharrak betetzen badituzte.
b) Familia unitateko kide bakoitzaren banakako errenta nola kalkulatu.
2014ko urtean PFEZaren aitorpena aurkeztu beharra duten familia unitateko kideen kasuan, hau izanen da banakako errenta:
–Zerga-oinarriaren zati orokorra.
–Ken ezkontidearen alde konpentsazio pentsioagatik ordaindutako kantitateak eta elikatzeko urteko sariak, biak ere epailearen erabakiz ezarriak, eta bikotekide egonkorraren alde ordaindutako kantitate legez galdagarriak.
–Gehi zerga oinarriaren aurrezkiaren zati berezia, 2010etik 2013ra doan epeko ondarearen irabazi eta galeren saldo garbi negatiboa eta epe bereko ondasun higigarrien kapitalaren errendimenduen saldo garbi negatiboa (aurrezkiaren zerga oinarri berezian sartu beharrekoak) kenduta.
–Gehi PFEZaren ondorioetarako salbuetsita dauden gainerako errentak, hala nola erabateko baliaezintasun iraunkorreko pentsioak edo baliaezintasun handikoak, kalte-ordainak, loteria sariak, aitak edo amak seme-alabak elikatzeko hartzen dituen urteko sariak, kontuan hartu gabe jasotako ikasketa beka edo laguntzak.
Ondorio praktikoetarako, banakako errenta, 2014ko ekitaldiko pertsona fisikoen errentaren gaineko zergari dagozkion laukitxoekin, eragiketa hauen bidez kalkulatuko da: 507 laukia - 511 laukia - 822 laukia + 8841 laukia - 809 laukia + 8825 laukia + 8834 laukia + 8833 laukia + 8832 laukia + 8831 laukia + 529 laukia.
PFEZaren aitorpena egitera beharturik ez dauden familia unitateko kideen kasuan, bakoitzaren errenta honela kalkulatuko da: 2014. urtean eskuratutako diru-sarrera gordinen batura, edozein dela ere beren iturria, barnean sarturik ondasun higiezinak alokatzeagatik jasotako errentak eta enpresa, lanbide eta nekazaritza jardueren ondoriozko diru-sarrera garbiak. Ateratzen den zenbatekotik besteren konturako langileen Gizarte Segurantzako kotizazioak kendu beharko dira.
c) Familiaren errenta erabilgarriaren kalkulua.
Familiaren errenta hau izanen da: eskatzailearen eta haren ezkontidearen banakako errentak gehi familia unitateko beste kideen banakako errenten %50, aurreko atalean adierazi bezala kalkulaturik. Guztira ateratzen den zenbatekoari familia unitateko kideen 2014ko ekitaldiko pertsona fisikoen errentaren gaineko zergako aitorpenetako aurretiazko kuota diferentziala (578 edo 569 laukia) kenduko zaio.
10.3. Familiaren errenta erabilgarriaren kenkariak.
Beka emateari dagokionez ezarri denaren arabera familiaren errenta erabilgarria lortu eta gero, errenta horretatik kontzeptu hauei dagozkien kopuruak kentzen ahalko dira:
A) Familia ugaria.
–Hiru edo lau seme-alaba dituzten familiak: 654 euro seme-alaba bakoitzarengatik.
–Lau seme-alaba baino gehiago dituzten familiak: 874 euro seme-alaba bakoitzarengatik.
B) Familiaburuaren, ezkontidearen, ikaslearen edo anai-arreba edo neba-ahizpetako baten desgaitasuna:
–2.078 euro, %33ko edo hortik goitiko desgaitasuna duen kide bakoitzarengatik.
–3.325 euro, %66ko edo hortik goitiko desgaitasuna duen kide bakoitzarengatik.
C) Unibertsitateko ikasketak direla eta etxetik kanpo bizi diren bi anai-arreba edo neba-ahizpa edo gehiago daudenean:
–1.296 euro egoera horretan dagoen seme edo alaba bakoitzeko.
10.4. 10. arauaren arabera kalkulatutako familiaren errenta alde batera utzita, 2015-2016 ikasturterako beka ukatu eginen da baldin eta ondoren azaltzen diren familiaren ondarea adierazten duten atalaseak gainditzen badira:
a) Familia unitateko kide konputagarrien hiri finken katastroko balioen baturak, Nafarroako Foru Komunitateko etxebizitza baten katastroko balioa kenduta, halakorik bada, ezin izanen du gainditu 108.966 euroko kantitatea.
b) Familia unitateko kide konputagarrien landalurreko finken katastroko balioen baturak ezin izanen du gainditu 16.675 euroko kantitatea kide konputagarri bakoitzeko.
c) Familia unitatearen kide konputagarrien ondasun higigarrien kapitalaren etekin garbiak gehi ondarearen irabazi eta galeren saldo garbi positiboaren arteko baturak, salbu etxebizitza erosteko edo zaharberritzeko jasotako diru-laguntzak, ezin izanen du gainditu 2.159 euroko kantitatea (2014ko ekitaldiko pertsona fisikoen errentaren gaineko zergari dagozkion laukiak: 8810 laukia + 8808 laukia-708 laukia+ 705 laukia).
Ondarea adierazteko elementu horiek 2014ko abenduaren 31n duten balioaren arabera kontatuko dira, pertsona fisikoen errentaren gaineko zergari buruzko araudian xedatutakoarekin bat.
Orobat, eskatutako beka ukatu eginen da egiaztatzen denean familia unitateko kide konputagarrien diru-sarrera hauek 449.746 eurokoa baino handiagoa bada, balio erantsiaren zerga kenduta:
a) Jarduera ekonomikoen ondoriozko diru-sarrerak, zuzeneko zenbatespena edo zenbatespen objektiboa erabiliz.
b) Nortasun juridikorik gabeko entitateen bitartez edo beste edozein entitate juridiko motaren bitartez gauzatzen diren jarduera ekonomikoetan %50eko edo gehiagoko partaidetzatik kide konputagarriek dituzten diru-sarrerak, jardueren diru-sarrera guztiei haietan duten partaidetza aplikaturik.
Aurreko lerroaldeek aipatutako elementuen balioa zenbatzearen ondorioetarako, familiaren edozein kide konputagarrirenak direnen balioaren %50 kenduko da, salbu sustengu nagusia direnen kasuan.
Ondare eta negozio bolumenaren gainean 10.4 arau honetan ezarritako gehienekoak %20 handituko dira familia unitatearen bosgarren kidetik aurrera.
10.5. Onuraduna izaten ahalko da, Diru-laguntzei buruzko azaroaren 9ko 11/2005 Foru Legearen 13.2 e) artikuluan ezartzen diren baldintzak bete gabe ere.
10.6. Honako kontzeptu hauei dagokienez: oinarri orokorra, berezia, zerga-oinarria, likidazio-oinarria, konpentsazioak, murriztapenak, errenta salbuetsiak, pentsio planak, gizarte aurreikuspeneko sistema alternatiboak, gizarte aurreikuspeneko mutualitateak, atxikipenak, PFEZaren konturako ordainketak, aurretiazko kuota diferentziala eta PFEZaren aitorpena egin beharra, Nafarroako Foru Komunitatean aplikatzekoa den legeriak agintzen duenari men eginen zaio.
Ogasuneko eta Finantza Politikako Departamentuak egindako PFEZaren likidazio behin-behineko edo behin betikoa badago, hori erabiliko da familiaren per capita errenta zehazteko.
10.7. Baldin eta 2014. urteari buruz aitortutako inguruabar ekonomikoek beka edo laguntza aurkezteko datan ageriko urripen larria jasan badute, familia unitateko kide errenta-hartzaileren bat hil delako edo lanerako desgaitasunaren edo langabeziaren egoerara iragan delako, eskatzaileak espresuki adieraziko du eskabideari atxikitako orri batean eta egoera hori frogatzen duten agiriak erantsi beharko dizkio nahitaez, baita 2015. urteko PFEZaren aitorpenaren kopia ere (hura egiten den unean).
Aldaketa hori eskabidea aurkezten denetik 2015eko abenduaren 31 arte gertatzen bada (data horretatik aurrera gertatzen diren aldaketak ez dira ikasturte honetan kontuan hartuko), berdin eginen da, Beka Bulegora eskabide bat igorriz, Unibertsitateen eta Hezkuntza Baliabideen Zuzendaritza Nagusian aurkeztuz (Santo Domingo, zk.g. 31001, Iruña)
15.3 arauan aipatutako epea amaitutakoan ez da onartuko 2014. urtearekin alderatuta diru-sarreren urripen larria frogatzeko beste dokumentaziorik.
10.8. Eskatzailea ikaslea bera bada eta bere kargura ahaiderik badu (guraso eta/edo senideak), horiek elementu zatitzaile izanen dira, egoera hori agiri bidez frogatzen baldin badu, eta bere karguko ahaideen diru-sarrerak batu eginen dira familiaren per capita errenta erabilgarria ateratzeko.
10.9. Lanbidearteko gutxieneko soldatatik beheitiko familia errenta duten familia unitateen eskaerak Ogasuneko eta Finantza Politikako Departamentura igorriko dira, azterketa zehatz-mehatza egin diezaieten.
Edozein errenta-iturri ezkutatzen bada, eskatutako laguntza ukatuko da.
Iruzurrari aurre egiteko asmoz, bekak erdiesteko aurkezten diren eskaeren gaineko kontrolean, hezkuntza administrazioak erabaki dezake aurreko atalak aipatzen duen ezkutatzea gertatu dela, edonolako frogaren bidez eta, bereziki, administrazio publikoetako beste organoetan dauden datuez baliatuz.
Bekarako eskaera aurkezteak berarekin dakar Hezkuntza Departamentuari baimena ematea ondareari eta errentei buruz behar dituen datuak Ogasuneko eta Finantza Politikako Departamentuaren bidez lortzeko, betiere bekaren ondorioetarako.
XI
Beka eta laguntzak hartzea eta haien zenbatekoa
Nafarroako Gobernuak ikasle batengatik beka edo laguntzaren bat ematen badu, eta Hezkuntza, Kultura eta Kirol Ministerioak edo Eusko Jaurlaritzak ere ikasle horri beka edo laguntza ematen badio edo matrikula ordaintzetik salbuesten badu, Nafarroako Gobernutik bi zenbateko horien guztirako absolutuen arteko aldea bakarrik jasotzeko eskubidea izanen du, Nafarroako Gobernuarena beste entitateak emandakoa baino handiagoa baldin bada betiere.
Alde hori kalkulatzeko beste xederik gabe, berdintzat joko dira Hezkuntza, Kultura eta Kirol Ministerioak irakaskuntzagatik ematen duen bekaren zenbatekoa eta Hezkuntza Departamentuarenarena.
Bien arteko aldea zero edo Nafarroako Gobernuarena txikiagoa bada, nahitaez beste entitateak emandako beka edo laguntza hautatuko du. Aipatu alde hori kalkulatzeko, ez da sartuko bigarren matrikulengatik ematen diren beken zenbatekoa, ez Nafarroako Gobernuak emandako laguntza berezia, ezta Nafarroako Unibertsitatean eta Iruñeko “San Miguel Arcángel” Ikasketa Teologikoetako Goi mailako Ikastetxean matrikulatutako ikasleentzat irakaskuntza kontzeptuagatik ematen diren laguntzak ere.
11.2. Edozein kontzeptu dela-eta, matrikulak merkeago ateratzen badira, edo doan, onura horiek deskontatuko dira irakaskuntza kontzeptuagatik emandako laguntzaren zenbatekotik, salbu eta Nafarroako Unibertsitateko prezioen suspertze planean egiten den deskontua eta familia ugarikoa izateagatik edo ohorezko matrikula ateratzeagatik egiten diren murrizketak.
Edozein kasutan, irakaskuntza gisa ematen den laguntza ez da matrikularen kostu erreala baino handiagoa izanen.
11.3. Beka edo laguntzaren zenbatekoa zehazteko, eskuarki, eskaerak familiaren errenta erabilgarriaren arabera ordenatuko dira, 10. arauan ezarritakoaren arabera kalkulatu ondoren, tarte hauek eginez:
KIDE | 1. TARTEA EUROAK | 2. TARTEA EUROAK | 3. TARTEA EUROAK | 4. TARTEA EUROAK |
1 | 7.072 | 9.264 | 11.035 | 12.246 |
2 | 14.144 | 18.528 | 22.069 | 24.492 |
3 | 21.216 | 27.792 | 33.104 | 36.739 |
4 | 28.288 | 37.056 | 44.138 | 48.985 |
5 | 35.360 | 46.320 | 55.173 | 61.231 |
6 | 42.432 | 55.584 | 66.207 | 73.477 |
7 | 49.504 | 64.848 | 77.245 | 85.722 |
8 | 56.576 | 74.112 | 88.283 | 97.967 |
Hortik gorako kide bakoitzeko | 5.840 | 7.649 | 9.110 | 10.111 |
11.4. Beka edo laguntzen zenbatekoa honako hau izanen da irakaskuntza kontzeptuen eta mailen arabera:
11.4.1. Irakaskuntzarako beka edo laguntzak.
Irakaskuntza kontzeptuari dagokionez, irizpide hau aplikatuko da zenbatekoa kalkulatzeko:
Unibertsitate maila eta goi mailako ikasketa artistikoak.
a) Ikasketak Nafarroako Unibertsitate Publikoan egiten badira, errenta tarteei dagozkien bekak honako hauek izanen dira:
–1. tartea: matrikularen zenbatekoaren %100.
–2. tartea: matrikularen zenbatekoaren %70.
–3. tartea: matrikularen zenbatekoaren %50.
b) Unibertsitateko ikasketak edo master ofizialak Nafarroako Unibertsitatean eta Iruñeko “San Miguel Arcángel” Goi Mailako Ikasketa Teologikoen Ikastetxean egiten badira, errenta tarteei dagozkien bekak edo laguntzak honako hauek izanen dira:
1. tartea: kasuan kasuko ikastetxe pribatuko matrikularen kostuaren eta dagokion ikastetxe publikoko matrikularen kostuaren arteko aldearen %93 (Hezkuntza, Kultura eta Kirol Ministerioaren prezio akademikoak).
2. tartea: kasuan kasuko ikastetxe pribatuko matrikularen kostuaren eta dagokion ikastetxe publikoko matrikularen kostuaren arteko aldearen %80 (Hezkuntza, Kultura eta Kirol Ministerioaren prezio akademikoak).
3. tartea: kasuan kasuko ikastetxe pribatuko matrikularen kostuaren eta dagokion ikastetxe publikoko matrikularen kostuaren arteko aldearen %53 (Hezkuntza, Kultura eta Kirol Ministerioaren prezio akademikoak).
4. tartea: kasuan kasuko ikastetxe pribatuko matrikularen kostuaren eta dagokion ikastetxe publikoko matrikularen kostuaren arteko aldearen %40 (Hezkuntza, Kultura eta Kirol Ministerioaren prezio akademikoak).
Atal honetako goi mailako ikasketak ematen dituzten ikastetxe pribatuetan ikasteko beken zenbatekoak, irakaskuntza kontzeptuari dagozkionak, zehaztutako portzentajeen arabera kalkulatuko dira eta ez dira inolaz ere hauek baino handiagoak izanen:
–1. tartea: ikasketa berberak ematen dituen ikastetxe publikoko Hezkuntza, Kultura eta Kirol Ministerioaren tasa halako 4,8.
–2. tartea: ikasketa berberak ematen dituen ikastetxe publikoko Hezkuntza, Kultura eta Kirol Ministerioaren tasa halako 3,5.
–3. tartea: ikasketa berberak ematen dituen ikastetxe publikoko Hezkuntza, Kultura eta Kirol Ministerioaren tasa halako 2,5.
–4. tartea: ikasketa berberak ematen dituen ikastetxe publikoko Hezkuntza, Kultura eta Kirol Ministerioaren tasa halako 1,5.
Hezkuntza, Kultura eta Kirol Ministerioaren prezio akademikoa erratean, ulertuko da uztailaren 3ko 595/2015, Errege Dekretuaren hirugarren xedapen gehigarriaren 1 eta 2. ataletan ezarritakoaren arabera zehaztutako zenbatekoa. Errege Dekretu horrek ezartzen ditu 2015-2016 ikasturterako errentaren eta familia ondarearen tarteak eta beken eta ikasketetarako laguntzen zenbatekoak eta hein batean aldatzen du beka eta ikasketetarako laguntza pertsonalizatuen araubidea ezartzen duen abenduaren 21eko 1721/2007 Errege Dekretua.
c) Ikasketak arestiko a) eta b) ataletan sartzen ez diren goi mailako beste ikastetxe publiko zein pribatuetan egiten badira, bekak hauek izanen dira:
–1. tartea: Hezkuntza Departamentuaren prezio akademikoaren %100.
–2. tartea: Hezkuntza Departamentuaren prezio akademikoaren %70.
–3. tartea: Hezkuntza Departamentuaren prezio akademikoaren %50.
Hezkuntza Departamentuaren prezio akademikoa erratean, ulertuko da Hezkuntzaren, Lanbide Heziketaren eta Unibertsitateen zuzendari nagusiak eman maiatzaren 15eko 208/2015 Ebazpenak finkatutakoa. Ebazpen horrek finkatzen ditu Nafarroako Unibertsitate Publikoan, titulu ofizialak eskuratzeko zerbitzu akademikoengatik eta gainerako eskubideengatik 2015-2016 ikasturtean ordaindu beharreko prezio publikoak.
Aurreko lerroaldeetako tasen zenbatekoa kalkulatzeko ez dira kontuan hartuko bigarren aldiko edo hurrengo aldietako kreditu edo irakasgaien matrikulak, ezta administrazio zerbitzuetako tasa hauek ere: espedientea irekitzea ikasketak hasteagatik, lekuz aldatzea, nortasun txartelak luzatzea, baliozkotzeak, egokitzapenak etab.
Aitzineko atalei jarraikiz ateratako zenbatekoak handituko dira Nafarroako Unibertsitate Publikoko goi mailako eskola teknikoetan egindako ikasketetarako, eta, haien matrikulazioan dagoen kasuistika bereziaren ondorioz, bigarren matrikulan matrikulaturiko kreditu kopurua eta zenbateko hauek biderkatu ondoko zenbatekoan:
–1. tartea: Hezkuntza, Kultura eta Kirol Ministerioaren prezioaren eta Nafarroako Unibertsitate Publikoak bigarren matrikularako duen prezioaren arteko aldearen %100.
–2. tartea: Hezkuntza, Kultura eta Kirol Ministerioaren prezioaren eta Nafarroako Unibertsitate Publikoak bigarren matrikularako duen prezioaren arteko aldearen %70.
–3. tartea: Hezkuntza, Kultura eta Kirol Ministerioaren prezioaren eta Nafarroako Unibertsitate Publikoak bigarren matrikularako duen prezioaren arteko aldearen %50.
Derrigorrezko ikasketen ondoko unibertsitatez kanpoko ikasketak.
Irakasgairen bat edo modulu profesionalen bat gainditu gabe edukiz gero eta aurreko arauek ikasleari beka edo laguntza lortzeko bide ematen badiote, haren zenbatekoa %70 gutxituko da eskubidea sortzen duten kontzeptu guztietan, eskatzailea sarturik dagoeneko per capita errenta tartearen arabera.
2015-2016 ikasturtean Nafarroako ikastetxe itunduetan goi mailako heziketa zikloak egiten dituzten ikasleendako laguntzak, hurrenez hurren, Nafarroako Aurrekontu Orokorretan 2015eko ekitaldirako ezarri eta 2016ko ekitaldirako ezarriko diren hileroko kuoten %100, %70 eta %50 izanen dira, familiaren errenta eskuragarriko 1., 2. eta 3. tarteen arabera.
Derrigorrezko ikasketen ondotik egiten diren unibertsitatez kanpoko gainerako ikasketetako edo goi mailako heziketa zikloetako ikasleentzat, aurreko kasuan sartuak ez daudenentzat, diru-laguntzarik jasotzen ez duten edo itundu gabe dauden ikastetxe pribatuetan arituz gero, bekak honenbestekoak izanen dira:
1. TARTEA | 2. TARTEA | 3. TARTEA |
581 euro | 407 euro | 291 euro |
Derrigorrezkoak ez diren ikasketak Hezkuntza Departamentuaren mendeko ikastetxeetan egiten dituzten ikasleendako laguntzak izanen dira maiatzaren 7ko 40/2015 Foru Aginduan ezarri zirenak; betiere, ikasketa horiek deialdi honen 2. arauan sarturik badaude, kontuan izanik eskatzailea errentako zer tartetan dagoen:
–1. tartea: matrikularen zenbatekoaren %100.
–2. tartea: matrikularen zenbatekoaren %70.
–3. tartea: matrikularen zenbatekoaren %50.
Derrigorrezkoak ez diren ikasketak Nafarroako Foru Komunitatetik kanpoko ikastetxe publikoetan egiten dituzten ikasleendako laguntzak hauek izanen dira, kontuan izanik eskatzailea errentako zer tartetan dagoen:
–1. tartea: matrikularen zenbatekoaren %100.
–2. tartea: matrikularen zenbatekoaren %70.
–3. tartea: matrikularen zenbatekoaren %50.
Zenbateko horiek doitzen ahalko dira eskola-kargaren arabera.
11.4.2. Garraiorako beka edo laguntzak.
Garraioaren kostua kalkulatzeko, herrien arteko distantzia (km) bider astean egin beharreko bidaia kopurua (joan-etorria) eginen da. Eta gero, hortik ateratzen dena bider 2,56.
Pirinio aldeko ikasleen kasuan (Erronkaribar, Zaraitzu, Erroibar eta Aezkoa ibarretakoak, eta Luzaide, Auritz eta Orreaga udalerrietakoak) biderkadura hori eta 2,816 koefizientea biderkatuko dira.
Aurreko formulan kalkulatutako kostuaren ehuneko jakin bat ordainduko da, familiaren errenta erabilgarriaren tartearen arabera.
1. TARTEA | 2. TARTEA | 3. TARTEA |
%100 | %80 | %60 |
2015-2016 ikasturtean EMHZko edo GMHZko azken ikasmaila egiten duten ikasleek, eta hori osorik lantokietan ematen den prestakuntzaldia bada, laguntzari esleitutako diru kopuruaren %35ekorako eskubidea baizik ez dute izanen.
Zenbateko horiek doitzen ahalko dira eskola-kargaren arabera.
11.4.3. Jantokirako beka edo laguntzak.
1. TARTEA | 2. TARTEA | 3. TARTEA | |
Zenbatekoa astean, janariagatik | 133 euro | 93 euro | 67 euro |
Zenbateko horiek doitzen ahalko dira eskola-kargaren arabera.
11.4.4. Egoitzarako beka edo laguntzak.
1. TARTEA | 2. TARTEA | 3. TARTEA |
2.192 euro | 1.490 euro | 1.065 euro |
2015-2016 ikasturtean EMHZko edo GMHZko azken ikasmaila egiten duten ikasleek, eta hori osorik lantokietan ematen den prestakuntzaldia bada, laguntzari esleitutako diru kopuruaren %35ekorako eskubidea baizik ez dute izanen.
Zenbateko horiek doitzen ahalko dira eskola-kargaren arabera.
11.4.5. Presentziala ez beste modalitate bateko ikasketak.
UHUNeko eta presentziala ez beste modalitate bateko ikasketetako ikasleek ez dute eskubiderik egoitza eta jantokirako laguntza hartzeko.
11.4.6. Ikasketetarako laguntzak emanen dira baldin eta ekintza terrorista baten ondorioz ikaslearentzat berarentzat edo gurasoentzat, tutoreentzat edo zaintzaileentzat kalte pertsonalak eratortzen badira, Terrorismoaren Biktimei Laguntzeari buruzko apirilaren 28ko 9/2010 Foru Legean ezarritakoarekin bat.
Orobat, ikasketetarako laguntzak emanen zaizkie beren kideren bat genero indarkeriaren biktima izan dela aitortua duten familia unitateei, Indarkeria sexistaren aurkako neurri integralak hartzeari buruzko uztailaren 2ko 22/2002 Foru Legeari jarraikiz.
11.4.7. Laguntza berezia.
Behar ekonomiko larria aitortu eta frogatzen duten familia unitateek bakarrik izanen dute horretarako aukera.
Laguntza berezia jasotzeko eskubidea izateko beharrezkoak izanen dira, deialdi honetako baldintza orokorrez gain (VI, VII, VIII eta IX. arauak), jarraian aipatzen diren 1. eta 2. baldintzak eta 3. atalean zehazten direnetako bat:
1. Familiaren per capita errenta erabilgarria 4.260 eurotik beheiti izatea.
2. Laguntza zer ikaslerendako eskatzen den, hura 2000ko urtarrilaren 1a baino lehen sortu izana, oinarrizko lanbide heziketako ikasketetarako izan ezik.
3. Talde hauetariko batean dauden familiak: a) Familiako errenta-hartzaile nagusia 2014an gutxienez ere 10 hilabetez langabezian egon denean.
b) Batere gurasorik gabeko umezurtzak.
c) Aita edo ama ezkongabeen edo dibortziatu edo legez bereizitako ezkontidearen seme-alabak, diru-sarrera bakarra kasu bakoitzean sortutako mantenu-sariak direnean.
d) Familiako gurasoek edo ikasleak berak legez kalifikatutako desgaitasunen bat dutenean, %33koa edo handiagoa.
e) Familiako errenta-hartzaile nagusia pentsioduna denean.
f) Familiak 2014an gizarteratze-errenta eskuratzen zuenean.
Betiere, laguntza eman aitzin benetako egoera sozioekonomikoa zehatz-mehatz aztertuko da, eta aurreko baldintzak frogatzen dituzten agiriekin batera, txosten sozial bat aurkeztu beharko da, gizarte langile batek prestatua (txosten hori ez da beharrezkoa izanen gizarteratze-errenta eskuratzen dutenendako).
Laguntza berezi gisara, diru-zenbateko hauek emanen dira:
–Unibertsitate mailako ikasleendako: gehienez ere 1.800 euro.
–Goi mailako heziketa zikloetako ikasleendako: gehienez ere 1.325 euro.
–Deialdi honetan sartzen diren gainerako ikasleendako: gehienez ere 950 euro.
11.4.8. Beka edo laguntzaren kontzeptu guztiak baturik, guztira ordainduko den kopurua ezin izanen da lanbidearteko gutxieneko soldatan indarra duen zenbatekoa (gaur egun 9.034,20 euro) baino handiagoa izan, ikasleari eman zaizkion laguntza guztien baturak kopuru hori gainditzen badu ere.
11.4.9. Edozein kontzepturengatik, diru kopurua ez da haren kostua baino handiagoa izanen.
XII
Laguntzak ematea eta ukatzea
12. araua
12.1. Unibertsitateen eta Hezkuntza Baliabideen zuzendari nagusiak emanen du beka eta laguntzen eskaerei buruzko behin-behineko ebazpena, bai eta behin betikoa ere, Baliabide Ekonomikoen Zerbitzuak proposatuta.
12.2. Beka edo laguntzaren kontzesioa eskatzailearen alde eginen da legezko ondorio guztietarako.
12.3. Hezkuntza Departamentuak noiznahi agintzen ahal du laguntza ematean oinarri izan ziren eskaera espedienteak berrikusteko, horietan ezarritako datuak egiazkoak ote diren ziurtatzeko.
12.4. Ikuskapen prozesuan laguntzeari uko egiten dioten onuradunek edo eskatutako informazioa eta dokumentazioa aurkezten ez dutenek besterik gabe galduko dute onuradun izaera eta itzuli egin beharko dute jasotako bekaren edo laguntzaren diru-zenbatekoa.
12.5. Ikasketa, ekonomia edo inguruabarrei buruzko datuak ezkutatu edo faltsutuz gero, emandako laguntzak bertan behera utzi eta atzera itzuli beharra agintzen ahalko da.
XIII
Aurkeztu beharreko agiriak
13. araua
Beka edo laguntzetarako eskaerak Nafarroako irakaskuntza ertain eta unibertsitarioetako ikastetxeetan eta Hezkuntza Departamentuko bulegoetan aurkeztuko dira.
Eskabideari honako hauek erantsi beharko zaizkio:
a) Baliaezintasun pentsioaren, langabezia sariaren eta PFEZtik salbuetsiutako beste diru-sarrera batzuen frogagiriak, horiek guztiak 2014. urteari dagozkionak.
b) Familiaburuaren banku, aurrezki kutxa edo kreditu kooperatibako kartilaren lehen orrialdearen fotokopia, hartan diru-sarrera egiteko, non ez den aurreko ikasturtean beka kobratu eta kontu korronte berarekin jarraitzen. Bat bakarra finkatuko da familia unitate bakoitzeko.
c) Familia unitateak PFEZaren aitorpena egin ez badu, legez horretara beharturik ez dagoelako, honako hauek erantsi beharko dizkio eskabideari:
–Erroldatze eta bizikidetza ziurtagiria, 2014. urteari dagokiona, udalak luzatua.
–Besteren konturako langileen edo pentsiodunen kasuan, 2014. urtean izandako diru-sarreren frogagiria. –Enpresaburu edo profesional liberalen kasuan, 2014. urtean izandako diru-sarrera gordinen aitorpena.
d) Diru-laguntzei buruzko azaroaren 9ko 11/2005 Foru Legearen 13. artikuluan onuradun izateko 2.c atalean ez bezala ezarritako ezein debekutan ez dagoela dioen aitorpena.
e) Kenkarien (desgaitasuna...) justifikazioa, ziurtagiri eguneratuak erabiliz, eta, familia ugariaren kasuan, familia ugariaren txartel eguneratua erabiliz.
10.3.c puntuko kenkarien kasuan, matrikulen kopia erantsi beharko da.
f) Bidezkotzat hartzen diren dokumentu eta ziurtagiri guztiak.
XIV
Eskabideak aurkezteko epea eta modua
14. araua
14.1. 2015-2016 ikasturterako beka edo laguntzen eskaerak honela egin daitezke:
1. www.navarra.es webgunean agertzen den eskaera eredua betez (on-line eskaera).
Bete ondoren, eskabide hori paperean inprimatu (pdf fitxategia) eta eskatzailearen sinadurarekin aurkeztu beharko dute.
2. Inprimaki ofizialak betez. Honela lor daitezke:
–Nafarroako irakaskuntza ertain eta unibertsitarioetako ikastetxeetan.
–Hezkuntza Departamentuko Beka Bulegoko bulegoetan.
–www.navarra.es webgunean (zerbitzuen katalogoa)
Aukeratzen bada aurretik aipatutako 2. puntuaren arabera aurkeztea eskabidea, honako hau hartu beharko da kontuan:
Beka edo laguntzen eskaera bakoitzak 3 inprimaki mota ditu:
1. “A” inprimakia, familiaren datu orokorrak dituena.
2. “B” inprimakia, beka edo laguntza zertarako eskatzen den eta Hezkuntza, Kultura eta Kirol Ministerioaren edo Eusko Jaurlaritzaren bekaren datuak jasotzen dituena.
3. “C1” inprimakiak, ikasketei buruzko datuak jasotzen dituztenak. Unibertsitateko ikasketak badira eta horien ikasketa planak kredituka egituraturik badaude, “C2” inprimakia bete beharko da.
4. “C3” inprimakiak, master ikasketak egiten dituztenek bete beharrekoak. Masterraren izen osoa eta espezialitatea adierazi beharko dira.
“A” inprimakiaren ale bakarra aurkeztuko du familia bakoitzak (baldintza hori betetzen ez duten eskaerak ez dira onartuko).
“B” eta “C1” edo “C2” edo “C3” inprimakietatik ale bana aurkeztuko da beka edo laguntza eskatzen duen kide bakoitzeko.
14.2. Eskaera, dokumentazio guztia duela, toki hauetan aurkeztu beharko da:
a) Nafarroan egiten diren ikasketak direnean: ikastetxean berean.
b) Nafarroatik kanpo egiten diren ikasketak direnean: Hezkuntza Departamentuko Beka Bulegoan (Santo Domingo, zk.g.; 31001, Iruña).
Edo Administrazio Publikoen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan aurreikusitako moduetako edozein, deialdi hau Nafarroako Aldizkari Ofizialean argitaratzen denetik 2015eko urriaren 31 arteko epean.
Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten ziurtatu eta Hezkuntza Departamentuaren erregistrora igorri aitzin.
14.3. Eskaera bertan adierazitako datu, ziurtagiri eta gainerako dokumentuak goitik behera behar bezala bete ondoren aurkeztuko da.
Eskatzaileen borondatetik kanpoko inguruabarrak direla eta, eskatutako ziurtagiriak inprimakietan jaso ezin direnean, egokiak diren dokumentu eta ziurtagiriak erantsi beharko dizkiote eskaerari.
14.4. Deialdiaren barnean sartzen ez diren ikasketa edo ikastetxeetarako eskaerak ez dira onartuko, ez eta II. arauan espresuki aipatzen diren kasuei buruzkoak ere.
14.5. Eskaerak biltzen laguntzen duten ikastetxeek, 2015eko azaroaren 16a baino lehen, aurkeztutako eskaeren zerrenda igorriko dute Beka Bulegora, bi aletan, alfabetozko hurrenkerari jarraituz, eta espediente oso eta diligentziatuak ere bai.
XV
Ebazpena eta erreklamazioak
15. araua
15.1. Espedientearen instrukzioa egiteko organo arduraduna Baliabide Ekonomikoen Zerbitzua da.
15.2. Onartu eta ukatzen diren beka eta laguntzen behin-behineko zerrenda Unibertsitateen eta Hezkuntza Baliabideen zuzendari nagusiaren ebazpenaren bidez onetsiko da, Baliabide Ekonomikoen Zerbitzuak proposatuta.
15.3. Behin-behineko zerrenda hori ontzat jotzen ez duten eskatzaileek espedienteak berrikus ditzala eskatzen ahalko diote Hezkuntza Departamentuko Baliabide Ekonomikoen Zerbitzuari. Horretarako hilabeteko epea izanen da, ebazpena Nafarroako Aldizkari Ofizialean argitaratu eta hurrengo egunetik aitzina.
Zerbitzu horrek, halaberean, ofizioz berrikusten ahalko ditu espedienteak, deialdian aurreikusitakoaren aurkako arau-hausterik edo akatsik baldin bada.
15.4. Unibertsitateen eta Hezkuntza Baliabideen zuzendari nagusiaren ebazpen baten bidez eta Baliabide Ekonomikoen Zerbitzuak proposatuta, onetsiko da eman eta ukatzen diren beka eta laguntzen zerrenda, baldin eta ofizio bidezko berrikuspenak, edo interesdunak hala eskatutakoak, behin-behineko ebazpenean aldaketak ekarri baditu.
15.5. Baliabide Ekonomikoen Zerbitzuak proposatuko du aldaketei buruzko behin betiko ebazpena, Beken Batzordearekin kontsultatu ondoren.
Batzorde horrek proposatzen ahalko du, deialdiko baldintza guztiak bete ez arren, batzordearen ustez beka edo laguntza jasotzeko merezimendu aski dituzten ikasleei ere bekak ematea, merezimendu horiek behar bezala justifikatuz gero.
Beka Batzordeak kide hauek izanen ditu:
Batzordeburua: Unibertsitateen eta Hezkuntza Baliabideen zuzendari nagusia.
Buruordea: Baliabide Ekonomikoen Zerbitzuko zuzendaria.
Batzordekideak: Unibertsitateen eta Hezkuntzako Teknologien Zerbitzuko zuzendaria, edo berak eskuordetzen duena.
Nafarroako Foru Komunitateko Hezkuntzako Goi mailako Ikuskatzailetzaren Arloko zuzendaria.
Ikastetxeen, Finantzaketaren eta Ikasketetarako Laguntzen Ataleko burua.
Beka Bulegoko burua.
Hezkuntzako ikuskatzaile bat.
Ogasuneko eta Finantza Politikako Departamentuko ikuskatzaile edo kudeatzaile bat.
Unibertsitatez kanpoko mailetako ikasleen bi aita edo ama.
Unibertsitate mailako bi ikasle, bata Nafarroako Unibertsitate Publikokoa eta bestea Nafarroako Unibertsitatekoa.
Unibertsitateetako bi ordezkari, unibertsitate bakoitzeko bat.
Idazkaria: Hezkuntza Departamentuko APT bat (arlo juridikoa).
15.6. Emandako eta ukatutako beka eta laguntzen zerrenda zuzenduak lehen aipatutako ebazpena Nafarroako Aldizkari Ofizialean argitaratzen den egunean berean hartuko du behin betiko izaera. Era berean, hasieratik eman edo ukatu ziren eta zuzentzeko eskatu ez ziren beken eta laguntzen behin-behineko zerrendak egun berean hartuko du behin betiko izaera.
15.7. Onartu eta ukatzen diren beken behin-behineko eta behin betiko zerrendak haiek onesteko ematen den ebazpenean aipatzen diren Nafarroako Gobernuko administrazio bulegoetako iragarki oholetan paratuko dira.
15.8. Bekak eta laguntzak eman edo ukatzeari buruzko behin betiko ebazpenen aurka gora jotzeko errekurtsoa aurkezten ahal da, Hezkuntzako kontseilariari zuzendua, deialdiko 15.4. arauan aurreikusitako ebazpena Nafarroako Aldizkari Ofizialean argitaratu eta biharamunetik hasi eta hilabeteko epean.
15.9. Ez da erreklamazio bakarrik ere onartuko, jaso duen zentroak behar bezala zigilatutako gordekina aurkezten ez bada.
XVI
Beka edo laguntzen ordainketa
16. araua
16.1. Nafarroako Gobernuari beka edo laguntza eskatu ahal izateko aurretik Hezkuntza, Kultura eta Kirol Ministerioari edo Eusko Jaurlaritzari eskatu behar diotenek Beka Bulegoan (Santo Domingo kalean, zk.g; 31001 Iruña) erakunde horren bekaren onarpenaren edo ukapenaren behin betiko jakinarazpena aurkeztu beharko dute 2016ko urriaren 31 baino lehen. Jakinarazpen hori aurkezten ez bada, beka ukatu eginen da. Ez dute aurkeztu beharrik izanen derrigorrezko irakaskuntzaren ondoko unibertsitatez kanpoko ikasketak Nafarroan egiten ari diren ikasleek, ez eta Nafarroako Unibertsitatean goi mailako ikasketak egiten ari direnek ere.
16.2. Eskatzailearen aldeko beka edo laguntzen ordainketa eskaeran azaltzen den banku, aurrezki kutxa edo kreditu kooperatibaren bidez eginen zaio eskatzaileari.
16.3. Ebazpen honen bidez deitutako ikasketetarako beka edo laguntzen onuradunak beharturik daude beka edo laguntza eman den xederako erabiltzera, hots, matrikula egitera, klasera joatera, azterketetara aurkeztera eta, gastuak, zeinetarako ematen baita laguntza, ordaintzera.
Horren ondorioetarako, beka edo laguntza eman zaion helburuetarako ez duela erabili ondorioztatuko da ondoko kasuren bat gertatzen bada:
a) Unibertsitatez kanpoko ikasketak:
1. 2015-2016 ikasturte bukaera baino lehen ikastetxean baja hartzea.
2. Eskola ordu guztietatik %80ra edo gehiagora ez joatea, eskolatzetik salbuetsita egon ezean.
3. Ikastetxeak emandako zerbitzuak ez ordaintzea, beka zerbitzu horiek finantzatzeko eman bazen.
4. Matrikulaturiko irakasgai edo kredituen %50 gainditu ez izana, deialdi arrunt nahiz berezian.
Beka zer kontzeptutarako eman zaion, horiek guztiak itzuli beharko ditu 1., 2. eta 4. puntuetan deskribatu bezalako inguruabarretan erori denak. Ordaindu gabeko zerbitzuei dagozkien osagaiak itzuli beharko ditu 3. puntuan deskribatu bezalako egoeran erori baizik ez denak.
b) Unibertsitate mailako ikasketak:
1. Matrikula deuseztatzea.
2. Beka zer kurtsotarako eman zaion eta hartan zer kreditutara matrikulatu den, orokorrean gutxienez ere horien %50 gainditu ez izana. Zientzien eta irakaskuntza teknikoen alorretan portzentaje hori %40 izanen da.
Portzentaje hori kalkulatzeko aparte utziko dira kreditu baliozkotuak, aitortuak, egokituak, transferituak edo gisakoak.
1. kasuan, beka zer kontzeptutarako eman zaion, horiek guztiak itzuli beharko ditu.
2. kasuan, beka zer kontzeptutarako eman zaion, horiek guztiak itzuli beharko ditu, matrikularako beka izan ezik.
Ikastetxeetako idazkaritzek 2016ko urria baino lehen jakinarazi beharko diote Hezkuntza Departamentuari zenbat ikasle dauden 16.3 atalean aipatutako egoeretako batean.
Ikaslea ikasturtean zehar hilen balitz, beka edo laguntza oso-osorik kobratzeko eskubidea izanen luke.
16.4. Espedienteak osatu ahala, ordainketak informatika bloke osoen bidez eginen dira.
2016ko ekaineko ordainketaren ondoan ebatzi gabe dauden espediente osatugabeek bloke informatiko bakar bat osatuko dute eta haien gaineko ebazpena gero emanen da, 2016ko irailean, osotasunean. Espediente edo erreklamazioren bat geroago ebazten bada, 2016-2017 ikasturteko bekekin batean ordainduko da.
XVII
Laguntzazk ezeztatzea
17. araua
Bekadunek edozein momentutan galtzen ahal dute emandako laguntza, Administrazioaren egintza arrazoitu baten bitartez, bidezko instantzien aitzineko ekintzak aparte utzita, deialdi honetako arauek aipatzen dituzten inguruabarrak frogatzeko espedientea ireki ondoren. Espediente hori Hezkuntza Departamentuak ireki eta ebatziko du.
Espediente baten ondorioz laguntza ezeztatuz gero, jasotako dirua itzuli beharko da, aparte utzita eskatzaileak edota laguntza jaso duen ikasleak hartu ahal izan dituen erantzukizun administratibo, zibil eta penalak.
XVIII
Informazioa
18. araua
Beketarako lehiaketa orokorraren emaitzak, gutxienez, Nafarroako Gobernuaren argibide bulegoetan jarriko dira jendaurrean.
Berriro aipatu nahi da:
1. Nafarroako Gobernuaren 2015-2016 beken deialdian parte hartu ahal izateko, beharrezkoa da Hezkuntza, Kultura eta Kirol Ministerioari edo Eusko Jaurlaritzari kasuan kasuko beka eskatu izana, betebeharrak betez gero.
2. Nafarroako Gobernuari egindako beka eskabidea erabat osaturik aurkeztu behar da puntu guztietan, Hezkuntza, Kultura eta Kirol Ministerioan beka eskatu ala ez.
Deialdi honetan adierazitakoa irakaskuntzarako beka eta laguntzen arloan eskumenak dituzten autonomia erkidegoetan egindako ikasketei aplikatuko zaie.
XIX
Errekurtsoak
19. araua
Deialdi honen eta oinarrien aurka gora jotzeko errekurtsoa paratzen ahal da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunean hasita.
Iragarkiaren kodea: F1512747
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
