4. PROZEDURA JUDIZIALAK
IRUÑEKO LEHEN AUZIALDIKO 5. EPAITEGIA
Ediktua. Enkantearen deialdia. 1180/2014 prozedura
María Victoria Baztán Maisterra andrea, Iruñeko Lehen Auzialdiko 5. Epaitegiko idazkaria.
Carlos Hermida Santos prokuradore jaunak eskaturik, Banco Popular Españolen izenean eta hura ordezkatuz, Benita Domench Recaren eta Edava SLren aurka bideratzen ari den 1180/2014 hipoteka-betearazpenaren prozeduran, erabaki da ondasun hipotekatu honen enkanterako deialdia egitea:
Enkantean jartzen diren ondasunak eta horien balorazioa:
Hiri finka.–Etxebizitza, San Juan de la Cadena plazako 2. zenbakian (eskuineko eskailera, bigarren solairua, A atea), Iruñeko jurisdikzioan. 126,39 metro karratuko azalera eraikia du, eta 97,75 metro karratuko azalera erabilgarria. Inskripzioa: Iruñeko 2. Jabetza Erregistroa, 1.364. liburukia, 636. liburua, 57. orria, 29.553. finka. Betearazten den hipotekaren inskripzioa: 4.a. Katastroko datuak: 3. poligonoa, 137. lurzatia, 2. azpiarea, 5. hiri unitatea (Nafarroako Gobernuko Lurralde Aberastasunaren Zerbitzua). Tasazioa, enkantearen ondorioetarako: 266.450,00 euro.
–Enkantea egiteko tokia, eguna eta ordua: 2015eko azaroaren 27an, goizeko hamarretan, organo honen idazkaritzan.
–Enkantearen gaineko informazioa eta baldintzak:
1. Erregistroko ziurtagiriak eta, hala badagokio, enkantean jartzen den ondasunaren titulazioa bulego judizial honetan daude ikusgai.
2. Ulertuko da lizitatzaile guztiek nahikotzat hartzen dutela dagoen titulazioa, edo titulurik ez egotea.
3. Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta, horrenbestez, enkantean parte-hartze hutsarekin lizitatzaileak haiek onartzen ditu, eta haien ondoriozko erantzukizunean subrogaturik gelditzen da, errematea bere alde esleituz gero.
4. Enkantean parte hartzeko, posturagileek honako hau egin beharko dute:
a) Beren nortasuna behar bezala frogatzea.
b) Enkantearen baldintza orokorrak eta partikularrak ezagutzen dituztela aitortzea.
c) Organo honetako Gordailu eta Kontsignazioen Kontuan, hots, Banco Santanderren ES55.0049.3569.92.0005001274 kontuan (oharretan jarri beharreko zenbakia: 3162000006118014), finkak enkanterako duen balioaren %5 sartu izanaren gordekina aurkeztea, edo, bestela, kopuru hori adinako banku-abala jarri izanarena.
Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da. Enkantearen ekitaldia bukatu ondoren, jarritako diru kopuruak itzuliko dira, posturagile onenak jarritakoa izan ezik. Ez itzultzeko berariaz eskatzen duten posturagileena ere ez da itzuliko, erremategileak prezioaren gainerako dirua epean ordaindu ezean haien aldeko errematea onets dadin.
5. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.
6. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
7. Edukitza-egoerari dagokionez, aditzera ematen da betearazpenpekoa higiezina okupatzen ari dela, baita harekin erabilera partekatzen dutenak ere.
8. Enkantean interesa duen edozeinek eska diezaioke epaitegiari hipotekatutako higiezina ikuskatu ahal izatea; epaitegiak edukitza duenari horren berri emanen dio, eta adostasuna eskatuko. Edukitza duenak higiezina ikuskatzea onartzen duenean eta, ondasun hipotekatuaren enkantea hobeki egiteko, behar bezala laguntzen duenean epaitegien errekerimenduen aurrean, epaitegiari hipotekako zorraren murrizketa eskatzen ahalko dio: ondasuna zer baliotan esleitzen den, balio horren %2 artekoa. Epaimahaiak, inguruabarrak ikusirik, eta alderdi betearazleari gehienez bost eguneko entzunaldia eman ondoren, egokia dena erabakiko du, betiere gehienez kendu daitekeen kopuruaren barnean. Ediktu hau bulego judizial honetako iragarki oholean egonen da ikusgai.
Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta bi betearazpenpekoei jakinarazteko erabiliko da, jakinarazpen pertsonala legeak ezarritako moduan egiterik ez badago.
Prozedura Zibilari buruzko Legearen 668. artikuluarekin bat, aditzera ematen da enkantea Justizia Ministerioaren menpeko enkante judizial eta elektronikoen atarian iragarri dela, eta interesdunek datuen kontsulta zehatzagoa egin dezaketela espedientean, epaitegiko idazkaritzan eskura baitute.
Eta hala jasota gera dadin, honako hau egin dut.
Iruñean, 2015eko uztailaren 31n.–Idazkari judiziala, María Victoria Baztán Maisterra.
Iragarkiaren kodea: J1512220