181. ALDIZKARIA - 2015eko irailaren 10a - BEREZIA

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1709/2015 EBAZPENA, abuztuaren 27koa, Nafarroako Enplegu Zerbitzuko zuzendari kudeatzaileak emana, Francisco Javier Esparza Sánchez jauna, Nafarroako Enplegu Zerbitzuko Lizarrako Enplegu Agentziako arduraduna, kargutik kentzen duena, berak eskatuta.

Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.

Horrenbestez, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 8. artikuluak eta martxoaren 14ko 15/2012 Foru Dekretuaren bidez onetsitako Nafarroako Enplegu Zerbitzuaren Estatutuek xedatutakoari jarraikiz,

EBATZI DUT:

1. Francisco Javier Esparza Sánchez jauna, Foru Komunitateko Administrazioko funtzionarioa, Nafarroako Enplegu Zerbitzuko Lizarrako Enplegu Agentziako arduraduna, kargutik kentzea, berak eskatuta.

2. Ebazpen hau Funtzio Publikoko Zuzendaritza Nagusiari, Nominen eta Gizarte Segurantzaren Atalari, eta Nafarroako Enplegu Zerbitzuko Bitartekaritza eta Behatoki Zerbitzuari eta Laguntza Tekniko eta Administratiboaren Zerbitzuari igortzea.

3. Ebazpen hau interesdunari jakinaraztea.

4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2015eko abuztuaren 27an.–Nafarroako Enplegu Zerbitzuko jarduneko zuzendari kudeatzailea, Pilar Irigoien Ostiza.

Iragarkiaren kodea: F1512412