159. ALDIZKARIA - 2015eko abuztuaren 17a

1. NAFARROAKO FORU KOMUNITATEA

1.7. BESTELAKOAK

OHARRA, Nekazaritzako Azpiegituren Zerbitzuak emana, Zalbako lurzati berrantolamenduko ordezko finka berrien jabetza hartzea aditzera ematen duena.

Lurzatien berrantolamendurako erabakia irmo bihurturik, Landa Garapeneko zuzendari nagusiaren abuztuaren 7ko 555/2015 Ebazpenaren bidez xedatu da Zalba aldeko interesdunei dagozkien finken jabetza ematea eta, horrenbestez, finkak haien esku uztea, ohar hau Nafarroako Aldizkari Ofizialean argitaratzen denetik hasita.

Eremu horretako planoak eta jabe bakoitzari esleitutako loteen zerrenda Itzagako Zerbitzu Administratiboen Mankomunitatean (Urrotz-Hirian) daude ikusgai, interesdunen eskura.

Nekazaritza Azpiegituren Erreformari buruzko 1994ko abenduaren 9ko Legearen 60. artikuluan xedaturikoaren arabera, hilabeteko epean, ebazpen hau Nafarroako Aldizkari Ofizialean argitaratzen denetik hasita, interesdunek erreklamazioak aurkezten ahalko dituzte, finka berrien egiazko tamainaren eta lurzati berrantolamenduko espedientean ageri denaren arteko aldea %3tik gorakoa denean. Erreklamazio horiekin batera, perituaren irizpena aurkeztu beharko da. Nekazaritzako Azpiegituren Zerbitzuko zuzendariari zuzenduko zaizkio, eta Nafarroako Gobernuko Erregistro Orokorrean (Karlos III.aren etorbidea, 1) aurkeztuko dira, edo Nekazaritzako Azpiegituren Zerbitzuan (González Tablas kalea, 9, 3.a, 31005 Iruña), edo Herri Administrazioen Araubide Juridikoari eta Administrazio Prozedura Erkideari buruzko 30/1992 Legean aipatzen diren tokietako edozeinetan.

Iruñean, 2015eko abuztuaren 10ean.–"Zerbitzuko Zuzendaritza hutsik egoteagatik, eta Landa Garapeneko zuzendari nagusiaren urriaren 20ko 1192/2011 Ebazpenarekin bat, Ureztalurren eta Lurzati Berrantolamenduaren Ataleko burua", Paz Martínez Martínez.

Iragarkiaren kodea: F1511433