1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
111/2015 FORU DEKRETUA, abuztuaren 12koa, María Asunción Erice Echegaray andrea, Nafarroako Administrazio Auzitegiko buru izendatzen duena.
Nafarroako Administrazio Auzitegiaren Erregelamendu Organikoa onesten duen otsailaren 9ko 31/1998 Foru Dekretuaren 6. artikuluak xedatzen du Nafarroako Administrazio Auzitegiko burua Nafarroako Gobernuak izendatuko duela, organo horretako kideen artean aukeratuta, eta Zerbitzuko zuzendariaren kategoria izanen duela ondorio guztietarako.
Horrenbestez, Lehendakaritzako, Funtzio Publikoko, Barneko eta Justiziako kontseilariak proposaturik, eta Nafarroako Gobernuak 2015eko abuztuaren 12ko bilkuran hartutako erabakiarekin bat,
DEKRETATU DUT:
1. María Asunción Erice Echegaray andrea Nafarroako Administrazio Auzitegiko buru izendatzea.
2. Foru dekretu hau interesdunari jakinaraztea, eta Funtzio Publikoaren Zuzendaritza Nagusira eta Lehendakaritzako, Funtzio Publikoko, Barneko eta Justiziako Departamentuko Idazkaritza Tekniko Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2015eko abuztuaren 12an.–Nafarroako Gobernuko lehendakaria, Uxue Barkos Berruezo.–Lehendakaritzako, Funtzio Publikoko, Barneko eta Justiziako kontseilaria, María José Beaumont Aristu.
Iragarkiaren kodea: F1511554
