155. ALDIZKARIA - 2015eko abuztuaren 11

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

LARRAGA

Xehetasun azterlana UA-21 unitatean. Behin betiko onespena

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluan 74. artikuluari dagokionez aurreikusitako tramitazioari jarraikiz, eta iragarkia 2014ko 187. Nafarroako Aldizkari Ofizialean, irailaren 24an, argitaratu ondoko hogei eguneko jendaurreko epea alegaziorik gabe iragan denez, Larragako Udalak, 2014ko urriaren 30ean egin osoko bilkuran, behin betiko onetsi du Larragako Udal Planeko UA-21 unitatearen (industrialdeko E karrika) C10, 2. eta 10. lurzatien (1. poligonoko katastroko 1173., 1181. eta 1209. lurzatiak) xehetasun azterlana, Radvi Hortalizas, SLk sustatu duena.

Ondotik, haren arauen edukia argitara ematen da, Toki Araubidearen Oinarriak arautzen dituen apirilaren 2ko 7/1985 Legearen 70. artikuluan eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.ean xedatuari jarraikiz. Aditzera ematen da erabaki honen kontra administrazioarekiko auzi-errekurtsoa para daitekeela zuzenean Nafarroako Auzitegi Nagusiko arlo bereko Salari zuzendua, edo, bertzenaz, Administrazioarekiko Auzien Epaitegiari, jurisdikzio hori arautzen duen uztailaren 13ko 29/1998 Legearen 8.1 artikuluan aurreikusitako kasuetan, bi hilabeteko epean, argitalpen honen biharamunetik hasita, edo, aitzinetik eta hautara, errekurtso hauetariko bat:

A) Berraztertzeko errekurtsoa, erabakia hartu duen organoari zuzendua, hilabeteko epean, erabaki hau argitaratu eta biharamunetik hasita.

B) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau argitaratu eta biharamunetik hasita.

Larragan, 2015eko uztailaren 31n.–Alkatea, Carlos Suescun Sotés.

LARRAGAKO UDAL PLANEKO UA-21 UNITATEAREN (INDUSTRIALDEKO E karrika) C10, 2. eta 10. LURZATIEN (1. POLIGONOKO KATASTROKO 1173., 1181. ETA 1209. LURZATIAK) XEHETASUN AZTERLANA

Hirigintza edukia

Xehetasun azterlanaren xedea lurzatien barneko lerrokadurak aldatzea da, aurkezturiko agiri grafikoen arabera.

Agirian hurrengo azalpena egin da berariaz: gaur egungo 1209., 1181. eta 1173. lurzatietan eta orain zehazturiko lerrokaduren barnean gauzatzen den eraikigarritasuna ez da izanen gainerako gehieneko eraikigarritasunaren batura baino handiagoa. Hona hemen gehieneko eraikigarritasun horiek: 561,79 m² 1.173. lurzatirako, 642,96 m² 1.181. lurzatirako eta 607,14 m² 1.209. lurzatirako.” Eraikigarritasun hori guztia batera gauzatzeko, lurzatiak multzokatu beharko dira.

Iragarkiaren kodea: L1511166