154. ALDIZKARIA - 2015eko abuztuaren 10a

1. NAFARROAKO FORU KOMUNITATEA

1.7. BESTELAKOAK

316/2015 EBAZPENA, ekainaren 25ekoa, Hezkuntza Baliabideen zuzendari nagusiak emana, Uharteko “Fundación Laboral de la Construcción Navarra” Lanbide Heziketako ikastetxe pribatuaren irekierarako eta funtzionamendurako baimena aldatzen duena, irakasgaiak aldatzeagatik.

Ikusita Marta Silvero Miramón andreak, “Fundación Laboral de la Construcción Navarra” Lanbide Heziketako ikastetxe pribatuaren entitate titularra ordezkatuz, egindako eskaera, ikastetxeari baimena eman dakion “Hondeaketak eta Zundaketak” Lanbide Heziketako erdi mailako zikloa irakasteko, egun baimendurik duen “Eraikuntzako Makineriaren Erabilera eta Mantentze-lanak” erdi mailako zikloaren ordez.

Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 16. artikuluko e) letran ezarritakoaren ondorioz,

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,

EBATZI DUT:

1. Uharteko “Fundación Laboral de la Construcción Navarra” Lanbide Heziketako ikastetxe pribatuaren irekierarako eta funtzionamendurako baimena aldatzen da (ikastetxearen kodea: 31013379). Izan ere, Lanbide Heziketako “Hondeaketak eta Zundaketak” erdi mailako zikloa irakatsiko da, eta “Eraikuntzako Makineriaren Erabilera eta Mantentze-lanak” erdi mailako zikloa irakasteari utziko dio. Hori guztia ondorioak izanik 2015/16 ikasturteko hasieratik aurrera.

2. Hezkuntza Departamentuko Unibertsitatez kanpoko ikastetxeen erregistroan ikastetxearen datu hauek inskribatzea, data horretatik aurrera:

–Izen generikoa: Lanbide Heziketako ikastetxe pribatua.

–Berariazko izena: Fundación Laboral de la Construcción Navarra.

–Helbidea: Bideberri kalea, 28 (Areta industrialdea).

–Herria: Uharte.

–Udalerria: Uharte.

–Titularra: Fundación Laboral de la Construcción Navarra.

–Osaera juridikoa:

a) Oinarrizko Lanbide Heziketa (A modalitatea):

“Eraikinak Zaharberritze eta Mantentzea” heziketa zikloa, “Eraikuntza eta Obra Zibila” lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.

b) Erdi mailako lanbide heziketa:

“Hondeaketak eta Zundaketak” heziketa zikloa, “Erauzketa Industriak” lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.

3. Ikastetxearen titularrak beharrezko baimena eskatu beharko dio departamentu honi bere osaeran edozein aldaketa eginez gero, Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren 16. eta 17. artikuluetan agertzen diren kasuetan.

4. Ikastetxeak duen baimena baliorik gabe uzten ahal da aurreko idatz-zatian aipatutako foru dekretuaren laugarren tituluan azaltzen diren kasuetan.

5. Ikastetxea Nafarroako Gobernuaren itunen araubidean sartzea “Hondeaketak eta Zundaketak” zikloa irakasteko, zein ebazpen honen bidez baimentzen baita. Ituna sinatzeko, itunen gaineko berariazko legedian xedatutakoari jarraikiko zaio.

6. Ebazpen honen aurka, gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.

7. Ebazpen hau Nafarroako Aldizkari Ofizialean argitaratuko da.

8. Ebazpen hau igortzea ikastetxearen titularrari, Hezkuntzako Ikuskapen Zerbitzuari, Lanbide Heziketaren Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Obra Atalari eta Kontratazioaren, Zerbitzu Osagarrien eta Koordinazio Administratiboaren Atalari, eta Ikastetxeetako Informazioa Kudeatzeko Bulegoari.

Iruñean, 2015eko ekainaren 25ean.–Hezkuntza Baliabideen zuzendari nagusia, Iñigo Huarte Huarte.

Iragarkiaren kodea: F1509787