1. NAFARROAKO FORU KOMUNITATEA
1.7. BESTELAKOAK
312/2015 EBAZPENA, ekainaren 23koa, Hezkuntza Baliabideen zuzendari nagusiak emana, Iruñeko "Cuatrovientos" ikastetxe pribatu bateratuaren irekierarako eta funtzionamendurako baimena aldatzen duena, irakasgaiak aldatzeagatik.
Ikusirik Jesús Pascual Martín jaunak, Iruñeko "Cuatrovientos" ikastetxe pribatu bateratuaren entitate titularra ordezkatuz, egindako eskaera, baimena eman dakion ikastetxeari Lanbide Heziketako "Sistema Mikroinformatikoak eta Sareak" izeneko erdi mailako zikloa irakasteko, egun "Kudeaketa Administratiboa" izeneko erdi mailako zikloan baimendurik dituen lau unitateetako biren ordez.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 16. artikuluko e) letran ezarritakoaren ondorioz,
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Iruñeko "Cuatrovientos" ikastetxe pribatu bateratuaren irekierarako eta funtzionamendurako baimena aldatzen da (ikastetxearen kodea: 31004214). Lanbide Heziketako "Sistema Mikroinformatikoak eta Sareak" izeneko erdi mailako zikloa irakatsiko da, eta "Kudeaketa Administratiboa" izeneko erdi mailako zikloko bi unitate irakasteari utziko dio. Hori guztia ondorioak izanik 2015/16 ikasturteko hasieratik aurrera.
2. Hezkuntza Departamentuko Unibertsitatez kanpoko ikastetxeen erregistroan ikastetxearen datu hauek inskribatzea, data horretatik aurrera:
–Izen generikoa: ikastetxe pribatu bateratua.
–Berariazko izena: Cuatrovientos.
–Helbidea: Sanduzelai etorbidea, 2.
–Herria: Iruña.
–Udalerria: Iruña.
–Titularra: Instituto Técnico Comercial Cuatrovientos, Sociedad Cooperativa.
–Osaera juridikoa:
a) Oinarrizko Lanbide Heziketa (A modalitatea):
"Merkataritza Zerbitzuak'' heziketa zikloa, ''Merkataritza eta Marketina'' lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
b) Erdi mailako Lanbide Heziketa:
1. "Kudeaketa Administratiboa'' heziketa zikloa, ''Administrazioa eta Kudeaketa'' lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
2. "Merkataritza Jarduerak'' heziketa zikloa, ''Merkataritza eta Marketina'' lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
3. "Sistema Mikroinformatikoak eta Sareak" heziketa zikloa, "Informatika eta Komunikazioak" lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
c) Goi mailako Lanbide Heziketa:
1. ''Administrazioa eta Finantzak'', ''Administrazioa eta Kudeaketa'' lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
2. "Nazioarteko Merkataritza'', ''Merkataritza eta Marketina'' lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
3. "Salmenten eta Merkataritzako Guneen Kudeaketa'', ''Merkataritza eta Marketina'' lanbide arlokoa: unitate 1, gehienez ere 30 ikaspostukoa.
4. "Garraioa eta Logistika'', ''Merkataritza eta Marketina'' lanbide arlokoa: 4 unitate, 2 lehenengo mailan eta 2 bigarren mailan, gehienez ere 120 ikaspostukoak.
5. "Sareko Sistema Informatikoen Administrazioa", "Informatika eta Komunikazioak" lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
6. "Plataforma Ugariko Aplikazioen Garapena", "Informatika eta Komunikazioak" lanbide arlokoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
3. Ikastetxearen titularrak beharrezko baimena eskatu beharko dio departamentu honi bere osaeran edozein aldaketa eginda, Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren 16. eta 17. artikuluetan agertzen diren kasuetan.
4. Ikastetxeak duen baimena baliorik gabe uzten ahal da aurreko idatz-zatian aipatutako foru dekretuaren laugarren tituluan azaltzen diren kasuetan.
5. Ikastetxea Nafarroako Gobernuaren itunen araubidean sartzea "Sistema Mikroinformatikoak eta Sareak" zikloa irakasteko, zein ebazpen honen bidez baimentzen baita. Ituna sinatzeko, itunen gaineko berariazko legedian xedatutakoari jarraikiko zaio.
6. Ebazpen honen aurka, gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
7. Ebazpen hau Nafarroako Aldizkari Ofizialean argitaratuko da.
8. Ebazpen hau igortzea ikastetxearen titularrari, Hezkuntzako Ikuskapen Zerbitzuari, Lanbide Heziketaren Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Obra Atalari eta Kontratazioaren, Zerbitzu Osagarrien eta Koordinazio Administratiboaren Atalari, eta Ikastetxeetako Informazioa Kudeatzeko Bulegoari.
Iruñean, 2015eko ekainaren 23an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1509664