1. NAFARROAKO FORU KOMUNITATEA
1.7. BESTELAKOAK
281/2015 EBAZPENA, ekainaren 11koa, Hezkuntza Baliabideen zuzendari nagusiak emana. Honen bidez, baimena ematen zaio Nafarroako Segurtasun Eskolari, zeinek helbidea Beriainen baitu, ireki eta jarduteko “Larrialdiak eta Babes Zibila” Lanbide Heziketako erdi mailako zikloa irakasteko ikastetxe arautu gisa.
Nafarroako Gobernuko Lehendakaritza, Justizia eta Barne Departamentuko Barne Zuzendaritza Nagusiari atxikita dagoen Nafarroako Segurtasun Eskolako zuzendariak, hots, Jesús Barcia Lareu jaunak, eskaturik hasitako espedientea ikusita, “Larrialdiak eta Babes Zibila” Lanbide Heziketako erdi mailako zikloa aipatu eskolan irakasteko baimena eman dadin.
Ikusirik Hezkuntzako Ikuskapen Zerbitzuak, Hezkuntzako Azpiegituren Zerbitzuak eta Lanbide Heziketaren Zerbitzuak aldeko txostenak eman dituztela.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Baimena ematea Beriaingo Nafarroako Segurtasun Eskolari ireki eta jarduteko, “Larrialdiak eta Babes Zibila” Lanbide Heziketako erdi mailako zikloari dagozkion irakasgaiak eman daitezen, zein Hezkuntza Sistemako Lanbide Heziketa Dualaren modalitatean eskainiko baita. Hori guztia ondorioak izanik 2015/16 ikasturteko hasieratik aurrera.
2. Nafarroako Gobernuko Unibertsitatez Kanpoko Ikastetxeen Erregistroan ikastetxearen datu hauek inskribatuko dira:
Ikastetxearen kodea: 31014724.
Izen generikoa: Bigarren Hezkuntzako Institutua
Berariazko izena: Nafarroako Segurtasun Eskola.
Helbidea: Zaragozako errepidea, 9. km.
Herria: Beriain
Udalerria: Beriain
Titularra: Nafarroako Segurtasun Eskola, Nafarroako Gobernuko Lehendakaritza, Justizia eta Barne Departamentuko Barne Zuzendaritza Nagusiari atxikia. Baimendutako ikasketak: “Larrialdiak eta Babes Zibila” Lanbide Heziketako erdi mailako heziketa zikloa, “Segurtasuna eta ingurumena” lanbide arlokoa, zein Hezkuntza Sistemako Lanbide Heziketa Dualaren modalitatean eskainiko baita.
Osaera juridikoa: 2 unitate, 1 lehenengo mailan eta 1 bigarren mailan, gehienez ere 60 ikaspostukoak.
3. Baimentzen den heziketa zikloa Hezkuntza Sistemako Lanbide Heziketa Dualaren modalitatean eskaini behar denez gero (Prestakuntzarako eta ikaskuntzarako kontratua garatzen duen eta lanbide heziketa dualaren oinarriak ezartzen dituen azaroaren 8ko 1529/2012 Errege Dekretuaren bidez arautua), ikastetxeko titularrak, ikasturtea hasi baino hilabete bat lehenago, Sistemako Lanbide Heziketa Dualaren proiektua, errege dekretu horren III. tituluan adierazten dena, aurkeztu beharko du Hezkuntza Departamentuko Lanbide Heziketaren Zerbitzuan, horrek baimen dezan.
4. Ikastetxeko titularrak, halaber, ikasturtea hasi baino hilabete bat lehenago, ikastetxeko irakasleen izenen zerrenda aurkeztu beharko du Hezkuntza Departamentuko Hezkuntzako Azpiegituren Zerbitzuan, eta bertan zehaztuko du zer lanbide modulutan, Larrialdietako eta Babes Zibileko teknikariaren titulua ezarri zuen azaroaren 22ko 907/2013 Errege Dekretuaren III C edo III D eranskinetan zehaztutakoen artean, arituko den haietako bakoitza, betiere eranskin horietan modulu bakoitzerako ezarritako titulazioa edukiz gero, errege dekretu horren 12. artikuluaren 6. puntuan ezarritakoarekin osatuta. Zerrenda horrekin batera, titulazioen fotokopia konpultsatuak igorri behar dira, eta, hala balegokio, irakasle bakoitzak dituen ziurtagiriak ere bai. Horretaz gain, irakasle bakoitzak prestakuntza pedagogikoa eta didaktikoa duela dioten kasuan kasuko egiaztagiriak aurkeztu behar dira, Derrigorrezko Bigarren Hezkuntzako, Batxilergoko, Lanbide Heziketako eta araubide bereziko irakaskuntzarako prestakuntzen baldintzak zehaztu zituen azaroaren 8ko 1834/2008 Errege Dekretuak eskatu bezala.
5. Nafarroako Segurtasun Eskola Imarkoaingo Energia Berriztagarrien Goi Mailako Ikastetxe Bateratuari atxikitzen zaio, ikasleen agiri akademikoak tramitatu eta zaintzeko.
6. Ikastetxearen titularrak ikastetxearen baimenaren aldaketa edo baimen berria eskatu beharko du ikastetxearen erregistroko datuak, ebazpen honen 2. atalean jasotakoak, aldatzen badira, edo instalazioak aldatzen badira.
7. Ebazpen hau Nafarroako Aldizkari Ofizialean argitaratuko da.
8. Ebazpen hau honako hauei igorriko zaie: ikastetxearen titularrari, Energia Berriztagarrien Goi Mailako Ikastetxe Bateratuari, Hezkuntzako Ikuskapen Zerbitzuari, Lanbide Heziketaren Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Ikasketak Antolatzeko Atalari, Araubide Administratiboaren Atalari, Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari.
Iruñean, 2015eko ekainaren 11n.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1509712