1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
EBAZPENA, 2015eko ekainaren 23koa, Arriskuen Prebentziorako eta Lanaren zuzendari nagusiak emana. Honen bidez erabakitzen da Noaingo Aunditrans SL enpresaren hitzarmen kolektiboa aldatzeko akordioa erregistratu, gordailutu eta Nafarroako Aldizkari Ofizialean argitaratzea.
Noaingo Aunditrans SL enpresaren hitzarmen kolektiboa aldatzeko erabakiaren testua (kode zenbakia: 31100241012015) aztertu da, Erregistro honetan 2015eko ekainaren 16an sartu zena, eta enpresaren legezko ordezkariek eta sindikatuen ordezkariek 2015eko maiatzaren 14an izenpetu eta 2015eko ekainaren 19an zuzendu zutena. Langileen Estatutuari buruzko Legearen testu bategina onetsi zuen martxoaren 24ko 2/1995 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Ebazpen hau Negoziazio Batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Ekonomia, Ogasun, Industria eta Enpleguko kontseilariari zuzendua, jakinarazi eta biharamunetik hilabeteko epean.
3. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2015eko ekainaren 23an.–Arriskuen Prebentziorako eta Lanaren zuzendari nagusia, Imelda Lorea Echavarren.
HITZARMEN KOLEKTIBOKO AKATS ZUZENKETAREN AKTA
Enpresak Imarkoainen (Nafarroa) dituen lokaletan bildurik, 2015eko maiatzaren 14ko 9:00etan.
Batetik, David Zabalza Induráin, Aunditrans SL enpresaren izenean eta hura ordezkatuz
Bestetik, Carlos Porta San Román, langileen izenean eta haiek ordezkatuz, langileen ordezkari gisa
ADIERAZTEN DUTE:
Enpresako hitzarmen kolektiboa 2015eko urtarrilaren 28an Nafarroako Aldizkari Ofizialera bidalirik eta hartan argitaratua ikusirik, akatsa atzeman da soldaten tauletan, eta “guztira urtean” zutabea kendu behar da (taulako lehenbiziko zutabea).
ERABAKITZEN DUTE ETA ESKATZEN:
Lehenbizikoa.–Akatsa zuzendu dadila, eta behar den taula argitaratu. Hona hemen:
| SOLDATA GORDINA HILEAN | SOLDATA GORDINA URTEAN |
1. taldea. Goi mailako langileak eta teknikariak |
Zerbitzuburua | 1.456,90 | 21.853,49 |
2. taldea. Administrariak |
Atalburua | 1.132,16 | 16.982,46 |
Bulegoburua | 1.085,77 | 16.286,52 |
1. mailako ofiziala | 1.027,20 | 15.407,98 |
2. mailako ofiziala | 994,70 | 14.920,52 |
Administrari laguntzailea | 964,63 | 14.469,38 |
16-17 urteko izangaia | 833,77 | 12.506,52 |
Bisitaria | 964,63 | 14.469,38 |
3. taldea. Mugimenduko langileak |
Salgaien garraioa |
1. mailako trafikoburua | 1.085,78 | 16.286,65 |
2. mailako trafikoburua | 1.027,20 | 15.407,98 |
3. mailako trafikoburua | 1.002,96 | 15.044,39 |
1. mailako gidari mekanikaria | 1.033,33 | 15.500,00 |
2. mailako gidari mekanikaria | 1.000,00 | 15.000,00 |
3. mailako gidari mekanikaria | 966,67 | 14.500,00 |
Gidari aprendiza | 606,00 | 9.090,00 |
Gidaria | 1.018,12 | 15.271,81 |
Furgonetako gidaria | 987,19 | 14.807,90 |
Laguntzailea | 978,35 | 14.675,31 |
Eskorga gidaria | 987,19 | 14.807,90 |
4. taldea. Lantegiko langileak |
Lantegiburua | 1.150,61 | 17.259,17 |
Arduraduna | 1.035,86 | 15.537,89 |
1. mailako ofiziala | 1.006,86 | 15.102,85 |
2. mailako ofiziala | 998,68 | 14.980,18 |
3. mailako ofiziala | 983,61 | 14.754,14 |
Lantegiko sehia | 974,81 | 14.622,22 |
16-17 urteko aprendiza | 789,48 | 11.842,22 |
Bigarrena.–Juan Ignacio Carballo Erburu jaunari baimena ematea lan agintaritzari aurkezteko.
Stua.: Carlos Porta San Román. Stua.: David Zabalza Induráin
Imarkoainen, 2015eko maiatzaren 14an.
Iragarkiaren kodea: F1509558