15. ALDIZKARIA - 2015eko urtarrilaren 23a

4. PROZEDURA JUDIZIALAK

IRUÑEKO LEHEN AUZIALDIKO 6. EPAITEGIA

Enkanterako deialdiaren ediktua. 780/2014 prozedura

José Alonso Ramos jauna, Iruñeko Lehen Auzialdiko 6. Epaitegiko idazkaria.

Miguel Leache Resano prokuradore jaunak eskaturik, Caja Rural de Navarra SC Limitada de Créditoren izenean eta hura ordezkatuz, Navirconet SLren, Juan Jose Perez Trullos jaunaren, Inmaculada Jimenez Albillar andrearen eta Pablo Fermin Perez Trullos jaunaren kontra bideratu den 780/2014 B hipoteka-betearazpenean, erabaki da ondasun hipotekatu honen enkanterako deialdia egitea:

–Merkataritzako lokala, Iruñean, Santa Alodia kalea, zazpi, behea, 149,79 m²-ko azalera eraikia. Mugak: Parean, Santa Alodia kalea; sartzean, eskuinaldean, ataria, eskailera-kaxa eta lokal bereizia (4. zenbakian deskribatua); ezkerrealdean, etxe-bloke bereko merkataritzako lokala; atzean, etxe-bloke bereko merkatzaritzako lokala. Eraikineko elementu komunetan %1,584ko partaidetza dagokio.

Iruñeko 1. Jabetza Erregistroan dago inskribatuta: 296. liburukia, 167. liburua, 1. sekzioa, 92. orria, 9984. finka.

  • Balorazioa, enkantearen ondorioetarako: 95.000,00 euro.
  • Enkantea egiteko tokia, eguna eta ordua: 2015eko apirilaren 16an, 12:30ean, epaitegi honetako gelan (San Roque kalea, 4, 4. solairua, Iruña).
  • Enkantearen gaineko informazioa eta baldintzak:

1. Erregistroko ziurtagiriak eta, hala badagokio, enkantean jartzen den ondasunaren titulazioa bulego judizial honetan daude ikusgai.

2. Ulertuko da lizitatzaile guztiek nahikotzat hartzen dutela dagoen titulazioa, edo titulurik ez egotea.

3. Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta, horrenbestez, enkantean parte-hartze hutsarekin lizitatzaileak haiek onartzen ditu, eta haien ondoriozko erantzukizunean subrogaturik gelditzen da, errematea bere alde esleituz gero.

4. Enkantean parte hartzeko, posturagileek honako hau egin beharko dute:

a) Nor diren behar bezala frogatzea.

b) Enkantearen baldintza orokorrak eta partikularrak ezagutzen dituztela aitortzea.

c) Organo honetako Gordailu eta Kontsignazioen Kontuan, hots, Banco Santander entitatearen 3173 kontuan, finkak enkanterako duen balioaren %5 sartu izanaren gordekina aurkeztea, edo, bestela, kopuru hori adinako banku-abala jarri izanarena. Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da. Enkantearen ekitaldia bukatu ondoren, jarritako diru kopuruak itzuliko dira, posturagile onenak jarritakoa izan ezik. Ez itzultzeko berariaz eskatzen duten posturagileena ere ez da itzuliko, erremategileak prezioaren gainerako dirua epean ordaindu ezean haien aldeko errematea onets dadin.

5. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.

6. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.

7. Edukitza-egoerari dagokionez, aditzera ematen da honako hau: ez da ezer ageri.

Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta betearazpenpekoari jakinarazteko erabiliko da, jakinarazpen pertsonala legeak ezarritako moduan egiterik ez badago.

Eta hala jasota gera dadin, honako hau egin dut.

Iruñean, 2015eko urtarrilaren 13an.–Idazkari judiziala, José Alonso Ramos.

Iragarkiaren kodea: J1500767