2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
Alkateordeen eta Tokiko Gobernu Batzarreko kideen izendapena
Altsasuko alkateak, 2015eko uztailaren 1ean, ebazpen hau eman du:
Alkatetzaren 800/2015 ebazpena, uztailaren 1ekoa, alkateordeak eta Tokiko Gobernu Batzarreko kideak izendatzen dituena.
Toki Araubidearen Oinarriak arautzen dituen apirilaren 2ko 7/1985 Legearen 20.1.b) eta 23.1 artikuluei eta Toki Entitateen Antolaketaren, Funtzionamenduaren eta Araubide Juridikioaren buruzko Erregelamendua onesten duen azaroaren 28ko 2568/1986 Errege Dekretuaren 35.2.d), 46, 52 eta 112.3 artikuluei jarraikiz,
EBATZI DUT:
1. Pedro Jimenez Elvira jauna Altsasuko Hiri Txit Prestuko Udaleko lehen alkateorde eta Tokiko Gobernu Batzarreko kide izendatzea.
2. Miren Arantza Bengoetxea Intxausti andrea Altsasuko Hiri Txit Prestuko Udaleko bigarren alkateorde eta Tokiko Gobernu Batzarreko kide izendatzea.
3. Juan Miguel Pérez Hurtado jauna Altsasuko Hiri Txit Prestuko Udaleko hirugarren alkateorde eta Tokiko Gobernu Batzarreko kide izendatzea.
4. Virginia Alonso Aparicio andrea Altsasuko Hiri Txit Prestuko Udaleko laugarren alkateorde eta Tokiko Gobernu Batzarreko kide izendatzea.
5. Javier Lopez Patus jauna gonbidatzea Tokiko Gobernu Batzarretan parte hartzera, bozkarik gabe.
6. Gobernu Batzarraren ohiko bilerak hamabost egunean behin eginen dira, datorren hilabeteko lehen astelehenetik hasita, 19:00etan lehenengo deialdian eta ordu bat beranduago bigarrenean.
Alkateak ohiko bilkuraren data eta ordua aldatu ahal izango du, baita bertan behera utzi ere, arrazoituta, Aste Santua, Eguberriak edo bestelako ospakizunak dela medio. Era berean, bilera astean bertan edo hurrengoan atzeratu edo aurreratu ahal izango du, aurreikusitako eguna baliogabea denean edo bestelako arrazoiengatik, dagokion moduan justifikatuta.
7. Alkateordearen eta Tokiko Gobernu Batzarreko kideen izendapenek indarra hartzeko, zinegotzi interesdunak onartu beharko ditu. Hartara, onartutzat hartuko dira, hiru egun baliodunen buruan, behar den jakinarazpena egin eta biharamunetik hasita, kontrakorik espresuki adierazten ez badu.
8. Banan-banan jakinaraztea ebazpen honek ukitutako zinegotziei, kasua bada kargua har dezaten.
9. Osoko Bilkurari ebazpenaren berri ematea egiten duen lehenengo bilkuran, eta Nafarroako Aldizkari Ofizialean eta Udaleko iragarki taulan argitara dadin agintzea.
Egintza honen kontra honako helegite hauek jarri ahalko dira:
–Berraztertzeko helegitea, egintzaren organo egile beraren aurrean, ebazpena jakinarazi eta biharamunetik hasita hilabeteko epean.
–Gora jotzeko helegitea, Nafarroako Administrazio Auzitegian ebazpena jakinarazi eta hurrengo hilabetearen barrenean.
–Administrazioarekiko auzi-helegitea, bi hilabeteko epearen barrenean, hura jakinarazi eta biharamunetik aurrera, Administrazioarekiko Auzien Epaitegiaren aurrean.
Altsasun, 2015eko Uztailaren 1ean.–Alkatea, Javier Ollo Martínez.
Iragarkiaren kodea: L1509968
