133. ALDIZKARIA - 2015eko uztailaren 10a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BURLATA

Tokiko Gobernu Batzarraren izendapena

Udal honetako alkateak, gaurko datarekin, Alkatetzaren ebazpen hau eman du:

Kontuan hartuta Toki Araubidearen Oinarriak arautzen dituen Legearen 23. artikulua eta Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 52.2 artikulua, zeinek xedatzen baitu Tokiko Gobernu Batzarra osatuko dutela alkateak eta hainbat zinegotzik, haien legezko kopuruaren herena gainditu gabe, eta alkateak izendatu eta kargutik kentzen ahal dituela libreki, Osoko Bilkurari haren berri emanez.

Kontuan hartuta Alkatetzaren 497/2015 Ebazpenaren bidez izendatu zirela kide anitzeko organoa osatzen duten zinegotziak, honako hauek:

1.–Berta Arizkun González.

2.–Fermín Tarragona Castro.

3.–Juan Carlos González Muñoz.

4.–Ramón Alzorriz Goñi.

5.–Alfredo Mazariegos Vaquero.

Ramón Alzorriz Goñi eta Alfredo Mazariegos Vaquero zinegotziek idazkiak aurkeztu dituztenez Tokiko Gobernu Batzarreko kideak izateari uko egiteko, eta Juan Carlos González Muñozek Batzarreko kideei adierazi dienez ez duela bertan parte hartu nahi.

Horrenbertzez, Toki Araubidearen Oinarriak arautzen dituen Legearen 23. artikuluak eta Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 52. artikuluak eta harekin bat heldu direnek ematen dizkidaten ahalmenak erabiliz, honako honen bidez.

EBATZI DUT:

1. Alkatetzaren 2015eko ekainaren 15eko 497/2015 Ebazpena aldatzea 1. puntuari dagokionez, hartan Tokiko Gobernu Batzarreko kideen izendapena egiten baitzen, 3. puntuan zehazten den gisara aldatu ere.

2. Joseba Ginés Heleno Tokiko Gobernu Batzarreko kide izendatzea eta ebazpen hau jakinaraztea, hala nahi badu, kargu hau onar dezan, Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 46. artikuluan lege testu beraren 52.4. artikuluari dagokionez ezarritako ondorioak izan ditzan. Dena den, erabaki honek indarra hartuko du sinatzen den egunaren biharamunetik aitzina.

3. Burlatako Udaleko Tokiko Gobernu Batzarra, kide anitzeko organo beharrezkoa den aldetik, Alkatetza Udalburutzak eta honako zinegotzi hauek osatuko dute:

–Berta Arizkun González.

–Fermín Tarragona Castro.

–Joseba Ginés Heleno.

4. Ebazpen horren 3. puntuaren edukia ere aldatzea, urtean lanegun diren ortzegun guztiak finkatzeko, 8:45ean, Tokiko Gobernu Batzarrak bere bilkura arruntak egin ditzan.

5. Erabaki hau Nafarroako Aldizkari Ofizialean argitaratzeko agintzea, Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 46. artikuluan, lege testu beraren 52.4. artikuluari dagokionez, ezarritako ondorioak izan ditzan.

6.–Udalbatzari ebazpen honen berri ematea, egiten den lehenbiziko osoko bilkuran.

Burlatan, 2015eko ekainaren 22an.–Alkatea, José María Noval Galarraga.

Iragarkiaren kodea: L1509453