133. ALDIZKARIA - 2015eko uztailaren 10a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ABLITAS

Zinegotzi delegatuen izendapena

Ablitasko Udaleko alkate udalburuaren 73/2015 Ebazpena, ekainaren 17koa, Ablitasko Udaleko zinegotzi delegatuen izendapena egiten duena.

Ikusirik Toki Araubidearen Oinarriei buruzko Legearen 23. artikuluan eta Toki Entitateen Antolaketaren eta Funtzionamenduaren gaineko Erregelamenduaren 43. artikuluak alkateari ematen dizkioten ahalmenak.

EBATZI DUT:

Lehenbizikoa.–Alkatetzari halako alor batzuetan dagozkion eskumenak, inoren eskuan utz ez daitezkeenak salbu, zinegotzi hauen eskuan uztea:

–Ricardo Catalán García: Hirigintza, Industria eta Ingurumeneko zinegotzi delegatua.

–Ana Isabel Tambo Escribano: Berdintasuneko zinegotzi delagatua.

Esku emate hauetan sartzen da bai zerbitzuak zuzentzeko ahalmena bai haien kudeaketa orokorra, hirugarrenei eragiten dieten administrazio egintzen bidez ebaztekoa barne.

Bigarrena.–Queiles Ibarreko Gizarte Zerbitzuen Mankomunitatearen ordezkaritza Ana Isabel Tambo Escribanori eskuordetzea eta Hego Nafarroa Kirol Mankomunitatearen ordezkaritza Antonio Melero Melerori eskuordetzea.

Hirugarrena.–Zinegotzi delegatuei jakinaraztea Alkatetza honek, AFEaren 115. artikulua betez, informazioa jasoko duela haien eskuan utzitako eginkizunen kudeaketaz eta eskuordetzea erabiliz emandako egintzez eta xedapenez. Orobat, erabaki garrantzizkoak hartu behar direnean, Alkatetzari aitzinetik emanen zaio horren berri. Alkatetza honek eskuordetzea ezeztatzen edo aldatzen ahalko du, eginkizunetako ordezpena emateko erabili diren formalitate berberen bidez. Delegatuen egintzak Alkatetza esku emaileak egintzat hartuko dira. Horrenbertzez, Alkatetzak ebatzi beharko ditu egintza horien kontra aurkezten diren berraztertzeko errekurtsoak.

Laugarrena.–Ebazpen hau Ricardo Catalán García, Ana Isabel Tambo Escribano eta Antonio Melero Melerori jakinaraztea eta horren berri ematea Udalbatzaren Osoko Bilkurari.

Ebazpen honen aurka aurkeztu ahalko dira:

1. Nahi bada berraztertzeko errekurtsoa, ebazpen hau eman duen organoari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

2. Administrazioarekiko auzi-errekurtsoa, zuzenean arlo bereko epaitegiari zuzendua, bi hilabeteko epean, ebazpen hau Nafarroako Aldizkari Ofizialean argitaratu eta biharamunetik aitzina, Administrazioarekiko auzien jurisdikzioa arautzen duen uztailaren 13ko 29/1998 Legearen 8.1 artikuluak agintzen duenaren arabera.

3. Orobat, eta aukeran, zuzenean gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau Nafarroako Aldizkari Ofizialean argitaratu eta biharamunetik hasita.

Ablitasen, 2015eko ekainaren 22an.–Alkate udalburua, Cecilio Antón Ruiz.

Iragarkiaren kodea: L1509439